المساعد الشخصي الرقمي

مشاهدة النسخة كاملة : ماكل جرحٍ لاخذا أيام يبرى



غروب حزينه
09-25-2011, 08:12 PM
لاتنشغل فيني أنا بحالي ادرى
قلبٍ تعلّق فيك ينسى مع الوقت

اكثر من اللي صارلي ويش يجرى
بين الرجا والياس شفني تعلّقت

مثلي ولوشفته عن همومه ازرى
ماقال ليتك في جروحه ترافقت

هاك القصايد لاتضايقت واقرى
شف وشكثر فيها لبسماتك اشتقت

أثرالوفا ينباع عندك ويشرى
ماكنت اصدق فيك واليوم صدّقت

يامشتهي فرقا المواليف حذرى
تبعد وأنا من سكرة الحب مافقت

لاطافت الفرصه تحريت الاخرى
وتروح ماكني عليها تشوقت

ساري لو إن الليل مافيه قمرى
اشيل من حمل الهوى فوق ماطقت

لاصار حظ أقشر والايام قشرى
مافيه احد عاقل يلومك إلياضقت

صحيح بعض الناس فرقاه بشرى
وبعض البشر لاغاب ليله تضايقت

ليتك خذيت بليل الاحباب مسرى
غربت من كثر الطواري وشرّقت

السيل يبقاله على القاع مجرى
ويبقالك التذكار لوكنت فارقت

اشوف لك من وين مارحت ذكرى
ولاشفتها صديت عنها ودنقت

ماكل جرحٍ لاخذا أيام يبرى
بعض الجروح يزيد شره مع الوقت

سامي الشمري
09-26-2011, 12:05 AM
دمتي مبدعة

غروب حزينه
09-26-2011, 02:44 AM
الابداااع مرورك

الحلم المنتظر
09-26-2011, 06:42 AM
يعطيك العاافيه على الطرح المميز

غروب حزينه
09-27-2011, 01:04 AM
شكرا المرورك العطر