المساعد الشخصي الرقمي

مشاهدة النسخة كاملة : كذاب من قال المحبه تساهيل



تاج خالد
10-01-2011, 07:58 PM
لايومي بيـوم ٍ ولا ليلـي بليـل
ولا السّعد مقبل ولا الهـم زايـل


ماغير ازم هموم واحـط واشيل
ولاراح منها هـم جالـه بدايل


تدرون يالعربان وشهي البهاذيـل
فرقى وليف وحظ مامن صمايـل


الوصل نعمه والمفارق غرابيـل
ياحـظ ليتـك تعتـدل ماتمايـل


لامن بغيت اعدّلك ترجـع تميـل
كنّك تقول اعيش وامـوت مايـل


والمهرة اللي ماتعيّن مع الخيـل
من دونها تقصر جميع الأصايـل


من دونها ضاعت عقول الحلاحيل
وتضاربت فيهـا سلـوم القبايـل


ياشيب عيني يوم قفّت وانا اخيـل
دموعها وبلٍ على الخـد سايـل


وانا اتصبّر وازهم العقل والحيـل
والقلب يشكي للضلـوع النحايـل


اصبر مثل صبر الرجال المشاكيل
واخبّي جروح الزمـن واتحايـل


لن الردي والهيس وخبل الرجاجيل
تفرح لا وراني الزمـان الهوايـل


وانا اترفع واترك القـال والقيـل
واجبر عزى قلبٍ على الموت آيل


أشب نار الشوق وارهي المعاميل
واريّح اعصابـي ببـدع المثايـل


ولاّ الغلا ماعاد يحتـاج تفصيـل
لنّـه مورينـي نجـوم القوايـل


ياللي غيابك حط بالقلـب تنكيـل
ويلي على قربك ولانـي بطايـل


لاغاب صوتك ماتفيـد المراسيـل
وفر على الجوال كثـر الرسايـل


والله لـو تاخـذ لدمـي تحاليـل
تلقاك بالجينـات صايـل وجايـل


حبك تعدى حب الاكـراد لأربيـل
الاّ تعـدى حـب شمـر لحايـل


صبيت حبك مثل صـب الفناجيـل
وين الجليله تشرب اشواق وايـل


وانته تواعدني من اسهيل لسهيل
والشوق في قلبي مسوي عمايـل


ليتك تبادلني الغـلا والمواصيـل
وترد لي بعض الوفـا والجمايـل


تعبت من قولة ظروف وعراقيـل
وتعبت من قولة ياقـل الوسايـل


يعني انا ويـاك مثـل المهابيـل
واشباهنا فالوقـت هـذا قلايـل


كذاب من قال المحبـه تساهيـل

راحو ضحيتهـا عيـال الحمايـل

//

الحلم المنتظر
10-01-2011, 08:17 PM
جزاااك الله خير

حنايا الروح
10-02-2011, 10:38 AM
دمت متميزٌ يـآعذبَّ


لآعدمنـآكً



تقديريَ وتشكرـآتيَ لـسموكـٌ

بنت الاصول
10-02-2011, 07:14 PM
عجزت عن وصف تلك العبارات فقد خانتني الاحرف لوصف جمالها دمتي مبدعة يالغلا ...

بروق الوايلي
10-02-2011, 07:40 PM
والله لـو تاخـذ لدمـي تحاليـل
تلقاك بالجينـات صايـل وجايـل


حبك تعدى حب الاكـراد لأربيـل
الاّ تعـدى حـب شمـر لحايـل


صبيت حبك مثل صـب الفناجيـل
وين الجليله تشرب اشواق وايـل


الله الله
سلمت اناملك ع النقل الجميل وصح لسان شاعرها
ننتظر جديدك.