القديمات في الاميه

[ام شوووجي]

يابنات احنا بشمال قفلو مدارس عندنا وضموكل مدرسه قريبه واتصلت عليه الموجهه وقالت ليه ابغى احطك مديرة مدرسه فقلت لها وين راحت مديرة هذا المدرسه قالت نبغى نحوله صباحي فقلت لها انا ارغب صباحي فقالت لي انتي اداءك الوظيفي ممتاز وابغكي تبقين العصر وراح تدعين ليه بعدين وسالته كيف مارضت تبلغني بسب وقالت ليه ردي ليه خبر بالموافقه ورديت لها باني موافقه وانا خايفه مادري وش السالفه من عنده خبر ترد عليه وتقول انتي قديمه ومعي معلمات قالت لهم نفس الكلام

[احلام]

والله ياختي احس المشرفات مستغلين سالفة التثبيت عشان يمررون اوامرهم بسهولة

[هوى بلادي]

أقول حبيبتي أنا مديرتي كذلك رشحتني مشرفة مقيمه وبقوة لأني العام رفضت وهالسنة تقول صدقيني في صالحك المشكلة إني ماأبي مشرفة مقيمة أعلم دارسات ولا أوجه معلمات لأني أشعر بسعاده عندما أبدع واتفنن بتوصيل المعلومة لدارساتي وماأدري كيف برنامج المشرفة المقيمة رجاء اللي عندها خبر تعطيني نبذه عن هالنظااااام وأنا بستخير الله يارب أكتب لي خير ولأم شوووجي وللجميييييييع اللهم آميييييين .

[غربة افكار]

اصلا الاداء الوظيفي ماله دخل حسب الاحتياج ويمكن عشان الاحتياج مديرة ويبون خبرة مديره

[الدغبج]

شي يحير فعلاً
الله يكتب لنا جميعاً الخير
:more12:

[مرجآنه]

هوى بلادي المشرفه المقيمه ليست اجباري لان عندنا وحده قالولها ورفضت وقالت الموجه على كيفها مو اجباري

[رسيل المطر]

مدري وش عندهم المشرفات يلعبون فينا زي مايبون أما أنا نقلوني من مركزي لمركز ثاني مع أنه عندي دارسات .....

[هوى بلادي]

هوى بلادي المشرفه المقيمه ليست اجباري لان عندنا وحده قالولها ورفضت وقالت الموجه على كيفها مو اجباري

الله يسعدك مرجانه على الرد إيه ادري إنه مواجباري بس المديرة لاااااحه علي من العام وهالسنه تقول طلبتك طلب لاتردينه تكفين ماأدري وش قصتها أنا عاله كبدها من كثر الأنشطة لأنها ماتحب كثرة الأنشطة المدرسية ولى تبي تنفك مني ولى ايش بالضبط ليش تصر وتلح بالمدرسة وبالهاتف تقول ها استخرتي ولى لا تكفين ردي تراه في صالحك قسم محتاره أسألها من أية ناحية في صالحي ؟؟؟؟ تقول بعدين تعرفين وتدعيلي !!!! والله مدري وش تاليها ادعي لها ولى ادعي عليها !!!!

[الحلوه123]

الله يكتب لكم كل خير

[شجرة مثمرة]

إما إحنا في أبها كلفوا وحدة من خريجات الثانوية بالإدارة بعدي علشان أعلمها على

الأعمال الإدارية بيقولوا خلاص إحنا يا البكلوريوس بيجي تثبيتنا خلال الشهرين الجاية وبيصيرون

جميع مديرات المراكز من حاملات الثانوية

[وكنت طفلة]

يمكن مديرتك خايفه يجبون مشرفه مقيمه من مدرسه ثانيه وقالت وجه تعرفه ولا وجهه تجهله

[مرجآنه]

لو اني منك لااقوك لها ليش من مصلحتي وبعدين قوليلي ولله لاوافق اذا اعجبني الوضع صرت مشرفه واذا مااعجبني انسحب

[متفانية]

صادقة مرجانة والمديرة على العموم همها مدرستها لا أقل ولا أكثر
ورغبتها أكيد تسد الشاغر من معلماتها الي تعرفهم
أما مصلحة المعلمات أخر شيء يفكرون فيه المديرات

[الهمم العليا]

الله ييسر لك أختي ويسهل أمورك

[دانات]

ام شوجي انتي احسبيها صح صباحي والا مسائي
صباحي نفس البند نفس الراتب شغل اكثر ( لاحقين على خير ان شاءالله )
مسائ نفس البند نفس الراتب شغل اقل ومتعودين عليه
التثبيت والتوجيه بعدين مالهم دخل لاتقولين ابروح صباحي اللحين واقعد في نفس المدرسه بعد التثبيت لا هم سد عجز اللحين وبس لاكن التوجيه بعد التثبيت غير
هذا اللي عندي وسلامتك

[هوى بلادي]

لو اني منك لااقوك لها ليش من مصلحتي وبعدين قوليلي ولله لاوافق اذا اعجبني الوضع صرت مشرفه واذا مااعجبني انسحب


نعم وبقوووووووه
مشكورة (مرجانه / وكنت طفلة )
وكل من تفاعل معي صدق إنكم أخواااااات تساندون بيض الله وجيهكن
الله يسسر أمري وأمرك أم شوووجي وييسر أمر الجميع لمافيه خير يااارب .

[الخيره فيما أختاره الله]

من أي منطقه بالظبط ؟
وأيش مؤهلك ؟
ومتى تم تحويلك ؟

[الود الاصيل]

انا طلب مني اكون مشرفة مقيمة و رفضت

[ريمااا]

عندما تطيعين مشرفتك او مديرتك في كل امر سوف تزيدين رصيدها من الدرجات في ادائها الوظيفي لا اكثر ولا اقل

[نسيم الصباح]

سلام معطر بالكادي للجميع أ ما نحن في الشمال فلا انتداب ولاحركة سبات بقوة نسأل الله العفو والعافية