يابنت ياللي تكرهين المغابيش

[تطوير]

يابنت ياللي تكرهين المغابيش

اهلش على حب المغابيش ربوش



يابنت مايسقي الكبود المعاطيش
ألا نظر وبلٍ على القاع مرشوش
شفي وشف الطيبين المداغيش
حب الحيا مبطي وبالصدر منقووش
يابنت في بالي كثير التشاويش
يشبني جمرٍ من الشوق وآشوش
شفي بدوية ماتعذر ب لو .. ليش
ولاتبالي ضييقة الحال وقروش
تبقا معي من حيث ماودي آعيش
ولحظة تصافينا تقلل من الدوش
تصبر ولو زادي من البر والعيش
ماهو بصبرٍ في خفاياه مغشوش
يابنت وش لش تكثرين التباليش
لانيب أنا خبلٍ ولانيب مربووش
يابنت خذتش طامعٍ في تفانيش
اهلش دروا عن رغبتي ثم غطوش
يومٍ كبرتي جيت ودي برااعيش
يوم السعد يابنت من يوم زفوش
أسقيني الفرحة وأنانذر ابعطيش
شيٍ من الخاافق ولا هو بملطوش
يابنت ياللي تلبسين الدناديش
ياجعل تسلم من تحلا بدندوش
حتيش لو بان الغلا لي وحتيش
كله ترا كلمة خيالات ورتووش
أبي غرامٍ ينقلووونه مطااريش
ماهوب حكيٍ رااح وقته ومنبوش
أبيش قدووة هالقلوب المخااريش
لاجا نهاارٍ مبتلش فيه مخروش
أول نصيحة في حياتي بهدييش
لاتهلمين أركان دينش وانا اخوش
وأمش تراها جنتش والرجا فيش
ماتنطقين الأف منها ولا آبووش
ولاتسهرين الليل مثل الخفاافيش
وشلّش بنووم الصبح والفال بلوش
يابنت وشْ بش ماتبين المغابيش
أهلش على حب المغابيش ربوش

[الحلم المنتظر]

يعطيك العاااااااااافيه

[bnt al6yb]

يعطيك العافيه اخ تطوير وتسلم على نقل هذي القصيده الرائعه

[ندى]

ولاتسهرين الليل مثل الخفاافيش
وشلّش بنووم الصبح والفال بلوش


>>> اهم شيء عنده المغباش من صباح الله خيرشكله :)

الله يعطيك العافية على هالقصيدة المرحة .

[سعودية رايقة]

هههههههههههههه
الله يسعدك ياأستاذ تطوير كل بيت احلى من الثاني
الله يعطيييييييك العااافية

[ليالي الانس]

ولاتسهرين الليل مثل الخفاافيش
وشلّش بنووم الصبح والفال بلوش
يابنت وشْ بش ماتبين المغابيش
أهلش على حب المغابيش ربوش
هههههههههههه
اثريني خفاش الله يسامحك
يووووووووه من الي بيغبش مع صباح الله خير
عسى ربي يسعدك ويوفقك
تحياتي

[زهرة الويلان]

الله >> قصييييييييده اكثر من راااائعه >> دخلت جوووو المغااابيش ههههه
يعطيك العااافيه تطوير على النقل الاكثر من جمييييييييل