بخصوص تأخر الرواتب

[ام رغد]

بنات يقولون ان سبب التاخير بسبب تغير المسيرات وان رواتبنا بتزيد اي ناخذ راتب التثبيت كلام سمعته مامدى صحته

[no0o0ors]

ايش معنى الرياض اللي مأخرينهم ! الحين التأمينات بخلو بها تبينهم يعطونك راتب التثبيت !! هذا كلام بس يخدرونك فيه

حسبنا الله سيؤتينا الله من فضله إنا إلا ربنا راغبون

[صفاء السماء]

والله ماظنتي

[ام الغلا1429]

نعم هذا التخدير
اللي يستخدمونه عشان مانتكلم
بس حنا وراكم يانصابين
حسبي الله ونعم الوكيل
لاتقولون ليه نرد بهذا الاسلوب لان الطيب والتهاون ماجاب نتيجه

[مغلوبه]

لاتصدقي حتى ترى بعينك

[متفانية]

لا جديد في المنتدى حسبي الله ونعم الوكيل

[ام التوت]

والله أني مره محتاجه هال راتب ساري تفرضها من عندك ....شكيتكم لواحد احد ...حسبي الله ونعم الوكيل ؟؟؟؟؟؟؟

[اطياف]

انا لله وانا اليه راجعون

[ام سامر]

ما أظن الشهر الماضي قالوا تأخر بسبب الفروقات ، وهالشهر بسبب راتب التثبيت ؟؟
يا كثـــر ما يكذبون علينا ـ حسبنا الله و نعم الوكيل .

[العجوز اليتيمة]

بنغي لنا المحامي الخريف يطالب لنا بالتثبيت وكف التلاعب

[همي بقلبي]

لا اظن ان هذا سبب تأخير الرواتب
لان باقي مناطق المملكة نزل لهم بدون تأخير

[احلام المدينة]

نعم صحيح يا اختي همي بقلبي

[شموخ ملكة@]

لحد الان مانزل لكم الراتب

حسبي الله عليهم

[ام رغد]

يا ناس يا أوادم والله طفرنا قمنا نتسلف حسبي الله ونعم الوكيل

[الفرولات]

الحمد الله على كل حااااااااااال......

[شووووق]

يعني كيف معهم شهر كامل من 25 الى 25 بين كل راتب وراتب اذا فية فروقات او مسيرات او اي اشكال كان ليه مايظبطون شغلهم قبل موعد نزول الرواتب حتى لايصير فيه تاخير
لاكن تنطبق عليهم مقولة (( من امن العقاب اساء الادب ))
وينك يانايف ليت من يوصلك صوتنا
حسبي الله ونعم الوكيل

[وردة الصباح]

لحد الان مانزل لكم الراتب

حسبي الله عليهم


اختى شموخ ملكة اللي مانزلت رواتبهم من اي منطقة

غريبه؟؟؟؟؟

[الفجر البعيد]

حبيبتي نحن من الرياض يااقلبي والي الان لم ينجح احد
اليوم الجمعه وكل شهر وانتم بخير
حسبنا الله علي الضالم

[شمس]

أمنوا يااخواتي
حسبنا الله ونعم الوكيل عدد خلقه ورضا نفسه وزنة عرشه ومداد كلماته على كل من طالنا شره واذاه وعلى كل من ظلمنا من إدارة التربيه والتعليم بالرياض اللهم أرنا عجائب قدرتك فيهم اللهم أكفنا بهم بما شئت اللهم آمين اللهم آمين اللهم أمين