عطني ملامح عينك وخل السوالف والكلام

[عنود الصيد]

عطني ملامح عينك وخل السوالف والكلام
مدام محرج لايهمك تكفي نظرات العيون



العين ماتكذب ومنها ينكشف سر الغرام
طفل مايقدر يكتم أسراره عن اللي يسألون




لاقلت لك تحبني ؟ اسمع كلامي بانسجام
وان قلت لك مشتاق لي؟جاوبني بسحر العيون





أموت باللي يستحي حتى على رد السـلام
على كثر شوقه أحس انه عليه مايمون





وأموت باللي لاحكى يسبق حكاويه ابتسام
يعطيني من برقه قبل يعطيني من غر المزون






حبيت من حبك مشاويري وحبيت الدوام
فيك اختلف رنم الحياه وصار له طعم ولون




ماهمني بكره ولا فكرت بالماضي ..مدام
انك معي وابادلك حبك يكون اللي يكون



لاتنشغل عني وحط راسك على صدري ونام
ارقد على دقات قلب يحتفل خلف السجـون




مشاعري من لهفتي تجري عليك بلا نظام
لها ليالي تزدحم في قلبي وجاها جنون





خلني أعبر لك عن أشواقي وحبي والهيام
وأعطيك شي ما قدرت أوصله بالتليفون




بقبل عيونك وأشم أنفاسك العطره وأنام
إلين أحس اني أهيم بكون والعالم بكـون






أجمل محبه بالهوى حب البلابل والحمام
يضمهم عش الهنا طول العمر فوق الغصون





وأبشع محبه بالهوى حب ترعرع بالظلام
قصه تدور أحداثها من يسبق الثاني يخون




لاتزعجك دنيا التحايل والخديعه والخصام
لاتبعدك مني ومن محبتي شك وظنون




انته بدايات الغلا وانته بعد مسك الختام
يعني معك في عالم العشاق أكون أو لا أكون




مما رآق لي

[نديم المحبة]

ضفاف الروح

يعطيكِ العافيـة واشكـرك لـ اختيـارك الجميـل
ربي يسـعدك

[أنثى استثنائيه]

أبيات راااااائعه ,,,
آشكر ذآئْقتك التِي طآلما أمتعتتنآ بآعَذب العبآرآت وأرقها
لا’حرمنَآ الله هكذا جمآل ,,,
ودي

[سهومه]

يعطيك العافيه
دمتي بحب

[عنود الصيد]

http://up.arab-x.com/pic/V0181096.gif