المساعد الشخصي الرقمي

مشاهدة النسخة كاملة : سراب الترسيم وتحليل المخدرات هههههه



سراب الترسيم
03-04-2012, 05:14 PM
أكيد بعضكم راح لمستشفى الملك سعود والمسمى جزافا بهذا الاسم فالواقع يفرض تسميته حوش البيطره وبصراحه هذا واقع عايشته يوم السبت
إبتدأ صباحي بالدوران في شوارع الرياض لاجد مستشفى حكومي مشهور ولكن للاسف مندس بين الاحياء وكنه يقول لاحد يشوفني ,المهم يابنات دخلت وقعدت أدور على الكونتر اللي يوزعون فيه الارقام مثل كل مستشفيات العالم وحتى مستشفيات الهنود الحمر بس اللي صار اني لقيت ناس متزاحمين على ثلاث ابواب وشباك صغير مكتوب عليه تسليم العينات المهم قلت بسأل اللي في الشباك وين أحصل ارقام او وين اروح وهذا الحين تونا في الشارع مو داخل المستشفى والعيادات ومامداني أقول لو سمحت إلا والرجال معطيني نتيجه تحليل ونتيجته سليم والله لولا الاسم مختلف لانحاش به بس للاسف اسمها مكتوب وقديم بعد فشله يوم صرت معلمه رسميه آخذ اسم قديم هههههه
قلت هذا مهوب لي انا توني مابعد حللت كل هذا وانا احسب الدعوى تحليل دم أثر الدعوى فيها مطرسه قال اتبعي السهم يأختي وأطالع الجدران مكتوب عليها لفحص الوظائف سهم يمين ثم سهم يسار ثم سهم متجه للسما مدري وين بطير له أثر الورقه محركها الهوا وأخير والله يابنات أني وصلت ثلاجه الموتى ماتشوفون الا غبرتي خفت يدخلوني قبل اترسم والبواب مدري الحارس يناظرني ويتبسم كنه يقول هذي صيده راهيه
بعدها دخلت مكان كنه مسرح يوزعون فيه مواعيد أقربها في 24/4 ويييييييين كل اللي بقى لي تحليل هروين قصدي مخدرات وتبوني ارجع للرياض مره ثانيه معصي وأفرك بدون ماخذ موعد واروح للحارس حق المختبر وأسوي حركات الصلب وهي كالاتي ( دخلت شنطتي الماركه تحت العباه وطلعت جوال المدرسه اللي بدون كميرا خليته في يدي عشان يحسبه جوالي ويرحمني وقلت له جعل والديك في الجنه ترانا جايين على النقل وحجزنا للرجعه العصر والله اني مخليه بزيراتي وراي تكفى دخلنا جعلك تدخل الجنه ووالديك مامداني اكمل الا وهو ماخذ أرواقي ورايح يركض يالله اني لحقته لايضيع عني ويسلم اوراقي للممرضه ويقول دخليها تراها قريبتي وقتها بغيت أستنذل واقول تراه يكذب هههه)
الحين إبتدا زحام المختبر لان كل اللي سبق كان برا العيادات والمختبر في هذا الزحام عشان يعطونك العلبه حقه التحليل لازم يضغطونك ومن سبق لبق لان مافيه نظام زلا ارقام ولأول مره أعرف قيمه الطول لاني شميت روائح غريبه تشبه ريحه الوايت البرتقالي أظن عرفتوه هههههه ومن شده الظغط صرخت فيهم (من ورى أظغطوا ودفوا ماعندي مشكله بس من قدام لااااااااااااا مابي أفرط في العينه ههههههه على بالي بدخل بعد ربع ساعه تاليتها قعدت ساعتين لين أصفرت عيوني من زود حرصي على العينه في إنتظار يعطوني العلبه ..... ويوم قربت عند الباب إلا وتطلع علينا ذيك الحبشيه اللي ماذكر من ملامحها الا الروج الاحمرلأن مالها ملامح اصلا وقالت بالحرف الواحد يابهايم أنتظروا طبعا ماستغربت وجود مثل هالموظفه نظرا لمستوى المستشفى عامه المهم تعطيني القويطي هههه
بعد ماعطونا العلبه رحنا لدورات المياه والمصيبه انهم قاطعين الماء عنها عشان ماحد يغش هههههه طيب أفرضوا وحده اندمجت وسوت أكثرمن الواجب وش تسوي؟؟؟
طيب يامستشفى الهم وش دراكم اني فلانه بنت فلان اللي اسمها في الورقه ممكن تجي صديقتي او قريبتي وتسوي التحليل بدالي وأقطعوا الماء على كيفكم ياأذكياء
بس قمه الاحراج أذا طلعتي بالعينه وجت وحده تعرفك بتسلم عليك هههههههههههه وش تقولين ماغسلت يدي ههههههههههه
والحمدلله خلصت التحليل والنتيجه بكره وخلصنا من مسلسل هدر الكرامه الادميه في مستشفى الصدريه

سراب الترسيم
03-04-2012, 05:25 PM
يادارتنا الغاليه المنتدى لايقبل التعديل على الموضوع ويطلع المعرف ويطلب التسجيل من جديد شوفوا حل

الداعية لله عزوجل
03-04-2012, 06:38 PM
ماشاء الله عليكِ دمك خفيف
والله من الغربله اللي مال أمها داعي

الداعية لله عزوجل
03-04-2012, 06:49 PM
طيب يامستشفى الهم وش دراكم اني فلانه بنت فلان اللي اسمها في الورقه ممكن تجي صديقتي او قريبتي وتسوي التحليل بدالي وأقطعوا الماء على كيفكم ياأذكياء



سراب الترسيم لأزم يأخذون البصمة على الكشف بكذا يعرفون




جد جد موضوع يضحك

شوشو اخت سوسو
03-04-2012, 07:02 PM
ههههههههههههههههههههههههههههههههههههههههههه


اخرة هالتثبيت شهار والله اعلم

خخخخخخخخخخخخخخخخخخخخخخخخخخخخخخخخخخخخخخخخخخخخخخ

سراب الترسيم
03-04-2012, 07:09 PM
نسيت اقول لكم من محاسن الصدف عند السهم اللي يأشر على فوق سلم شكله يؤدي للخزان اللي فوق المبنى في السطوح الحمدلله إني مارقيته كان لقيتوا صورتي بكل الصحف عاجل وسبق وطقتها يحسبوني بنتحر وانا تابعه السهم بس هههههه

الحلوه123
03-04-2012, 07:09 PM
الحمد لله انك خلصت وعلى البركه اكتشفنا انك خفيفه دم ووالله العالم ان جميع معلمات محو الاميه كذا الدرما في حياتهم ولكن يحولونها لكوميديا الله يعطيك العافيه

عند كلمتها
03-04-2012, 07:57 PM
اقسم بالله ان حالتنا تصعب على الكافر بس الأكيد ان دمك عسل ياسراب هم خائفين ان من نتائج الضغوط اللي جتنا أنا أخذنا حبه او حبتين نسأل الله العافيه

moony
03-04-2012, 08:02 PM
ههههه الله يسعدك يارب

نسيم الورد 2010
03-04-2012, 08:08 PM
ههههههههههههههههههههههههههههههههههههههههههه
يسعدك ربي

لليام
03-04-2012, 08:59 PM
الله يعطيكي العافيه يااختي ضحكتيني من قلبي والله دمك عسل ياعسل وربنا انشاء الله ما يضيع لنا تعب يارب

ندى
03-04-2012, 09:07 PM
هههههه رهيبه سرااااااااب ,,

>>> تأكدي ان كل معلمة امية حصلت لها كوميديااااااا بهالكشف ,,

ان شاء الله تظل لنا هالحكاوي ذكريااااااات :)

انفاس الرحيل
03-04-2012, 09:14 PM
هههههههههه والله دمك خفيف الله يحفظك

الاأنا
03-04-2012, 09:49 PM
يااخف دمك يااسراب

والله فاقدين تعليقااتك الحلووة

توقعنااك تثبتي ونسيتي المنتدى

اناا رحت لنفس المستشفى

العاملاات تعاملهم حلوو

وماايضيع على طوول عرفت الباب مع اني اول مره اجيه

كان يوم سبت عصر

صدق انطقيت انا وصديقتي من 5 ل7ونص بس حللنا وخلصناا والنتيجه الاربعاء الجااي

وصدق ان مكاان المستشفى في قااف كأنه سفر انا وصديقتي جاايين من المحمدية

بس الحمدلله تسهلت

صفاء السماء
03-04-2012, 09:58 PM
طيب والي نفااااااااااااااس وش تسوووووووووووي ؟؟؟؟؟؟؟؟؟؟؟؟؟

مارحت ولا اخذت موعد الله يعين

نرجسيـه
03-04-2012, 10:26 PM
دمك خفيف

بصدق اذا هذا اللي صار لك فالله يعيني انا ما سويا شي الى الآن

الله ييسر امورنا وامورك يارب العالمين

الاسلام عزي
03-04-2012, 10:46 PM
ههههههههههههه
اسلوبك رهيب
ليتك جارتي
كان اخليك تجيني كل يوم
انا الحمدلله اخذته الكشف وراح زوجي وخلاهم يقعون ورجعته لهم وارتحت

سراب الترسيم
03-05-2012, 12:02 AM
الله يسعد كل من ردت وعلقت ويوفقكم وييسر أموركم
تصدقون يابنات عقب هالمشوار كله يوم دخلت دوره المياه جاني الاحساس اللي يجيني اذا طلعنا بر وأكيد كلكم عارفينه عيا يطلع شي مع ان بطني منتفخ من كثر الما ههههههههه وكل شوي البنات برى يطقون الباب لان مافيه الا ثلاث دورات مياه وعددنا كبير والله لايوريكم الاحساس الفضيع لدرجه اني بغيت أطلع لهم وأقول تكفون وحده تصب لي ههههههههه

زهرة بيسان
03-05-2012, 12:50 AM
ههههههههههههههههه
الله يسعدك

اطياف
03-05-2012, 12:58 AM
وانا للحين ماني فاهمة ليش قاطعين الموية بالحمام الله يغربلهم اثاريهم خايفينن من الغش والله العظيم قرف مايخافون من الله

ام عبادي السليمي
03-05-2012, 01:21 AM
يعد الترسيم سرابا بل حلم ليل وأستكثرك وقتي علي وغدا بك ..عاده زماني كل ماطاب هون :tears::crazy:http://www.wtb28.com/images/myframes/2_cdr.gifيعد الترسيم سرابا بل حلم ليل وأستكثرك وقتي علي وغدا بك ..عاده زماني كل ماطاب هون :tears::crazy:http://www.wtb28.com/images/myframes/2_cdr.gifياختي سراب الترسيم الرجاء تغير التوقيع الموجود اسفل المشاركة (لم يعد الترسيم سرابا 0000الى زماني وصفتة بالغدر والزمن هو الدهر فلا نسبة لان الله عزوجل هو الدهر وشكرا

فوشيا روز
03-05-2012, 02:20 AM
الله يسعدك ياسراب ضحكتيني وانا مالي نفس اضحك

شريفه العنزي
03-05-2012, 02:46 AM
هههههههههههههههههه
ربي يسعدك ياسراب وربي جلست أضحك مثل المجنونه وتمنيتك ماتوقفين عن الكلام
وبالنسبه لمغامرتك كلنا مرينا فيها بنفس المستشفى
بس الفرق بين قصتنا أنا وصديقاتي وقصتك أنا فتحنا محبس الماء بالحمامات وخلينا العالم تشعر بقيمة الماء هههههههههههه
وياويلنا لو دروا عنى

رجاوي
03-05-2012, 07:38 AM
من جد ضحكتيني بارك الله فيك

عالية الهمه
03-05-2012, 08:01 AM
ههههههه الله يسعدك
قصه من ذكريات محوالاميه لاتنسى
بس على التحليل صدق و الله مايعرفون انه نفس الشخص صاحب العينه والله ناس سوها حللوا لغيرهم من غيرمااحد يدري

ام عبدالملك
03-05-2012, 08:21 AM
خفة دم روعه يا سراب الترسيم لا زلت اتذكر قصةتك مع خبر الترسيم الله يفرجها ويعجل بالترسيم ونبارك لبعض

الاميرةديانا
03-05-2012, 08:42 AM
الله يوفقك ويوفقنا خير قسم بالله قمة الدراما مع هاالترسيم ويسعدك يااحلى سراب والله انك ارووع حقيقة من الترسيم ....

دآمآث
03-05-2012, 10:20 AM
ههههههههه سراب. احلا شي يوم تقولين اخاف احد يندمج بالحمام. والله صاادقه يتوهق مابه مويه
عاد من التوتر من هالحبشيه ماعاد طلع مني شي
ولا نقطه نشفت
من جد بغيت اطلع واقول احد يصبلي بس خفت تكون حامل وانذبح لو جا اخوي يستلمها ةقالو مبروك مدام حامل >> دخلت جو

بس ربي سهلهاا وتسهلت ^_^

عاد يوم السبت كسرو يد الحبشيه تستااهل. اجل قايله يابهاايم

الاحد من اول مادخلت تقول علي جثتي والله علي جثتي تصير المهزله الي صارت امس وتقعد تطرد العالم برا وتسكر الباب في وجيهم

قلت اكيد هالمره بتنذبح


بس مالاحظتو حتي عاملات النظافه كنهن شغالات سيلانيات مقرفات وبعد ينفخووون علينا
ياحيات الشين

غلا
03-05-2012, 06:46 PM
سراب مواضيعك دايم حلوة
الله يسعدك ويثبتك
ههههههههههههههههههههههههههههههههههه

حروف صادقة
03-05-2012, 07:42 PM
ههههههههههههههههههههههههههههههههههههههههههههههههه
ضحكتيني الله يسعدك رائع اسلوبك الي يدل على خفة دمك

عاشقة السراب
03-05-2012, 10:18 PM
ياحياتي جاك ماجانا بس سرتي شقرديه لأنك حللتي بنفس اليوم والله مايجيبهاالا حريمها مو ارجالها

الدنيا كذا
03-05-2012, 11:11 PM
ربي يسعد قلبك ووووووين ماكنتي

ريناد99
03-05-2012, 11:31 PM
دمك خفيف مرررررة

ريناد99
03-05-2012, 11:32 PM
وش رأيك فى الممرضة السمراء الدبة. تهبل

ريناد99
03-05-2012, 11:33 PM
يا حلوة سراب الترسيم انتى بكلوريوس او ثانوي

ريناد99
03-05-2012, 11:34 PM
الله يعييييييييييين على وزارة الخياااااس متى يتحركون

ريناد99
03-05-2012, 11:34 PM
الله يعوض قلوبنا

ريناد99
03-05-2012, 11:35 PM
الله يصبرنااااااااا ملينا من بند محو الأمية

ريناد99
03-05-2012, 11:36 PM
وضاعت الهوية فى بند محو الأمية

ريناد99
03-05-2012, 11:37 PM
وينك يااااهوى بلادى

ريناد99
03-05-2012, 11:37 PM
استغفر الله. وسبحان الله

هوى بلادي
03-05-2012, 11:51 PM
نسيت اقول لكم من محاسن الصدف عند السهم اللي يأشر على فوق سلم شكله يؤدي للخزان اللي فوق المبنى في السطوح الحمدلله إني مارقيته كان لقيتوا صورتي بكل الصحف عاجل وسبق وطقتها يحسبوني بنتحر وانا تابعه السهم بس هههههه



هههههههههههههههههههه

قسم كلامك يجنن ويموت من الضحك الله يسعدك سعادة الدارين الدنيا والآخرة اللهم آميييين ....

سراب الترسيم
03-06-2012, 12:10 AM
الله يسعد قلوبكم ويسهل اموركم ياكريم , بصراحه ذيك الحبشيه حتى لو قالت لي طسي مافيه ترسيم بقول لها سمي طال عمرك ههههه بصراحه مدري كيف أعرست شكلها عندها تكاثر لاجنسي بتجيب عيال منها وفيها بدون طرف آخر أعنبوا دارها مرعبه

جوري@
03-06-2012, 12:27 AM
ههههههههههههههههه طرحك رائع بس زين ماطلعتي للخزان

دميمة يم يم
03-06-2012, 05:44 AM
والله انك رهييييييييييييييييييييييييبة وبجد خطيرة لو تدرين عني اخدت علب العينات ليا والثمانية من زميلاتي وربي شغلني اغطي فالعلب واعد واحط فالشنطة طبعا فااااااااااااااااااااااضية وزميلاتي يشوفو اذا نقص غطا يجيبوه الامر والادهى انو اخدنا الموضوع عااااااااديـــــــــــــــــــــــــــــــــــــــ ـي ولا كأنو مسوين شي انشكاااااااااااااااااااااااااااااااااااااااااااااا اااااااااح
فلها والله يحلها

almas
03-06-2012, 10:43 PM
هههههههههههههههههههههههههههههههههههههههه


رهييييييييييييييبة ......

ام مسامح
03-17-2012, 03:35 PM
انا اقول لايمكن يعدي الموضوع المصيري بدون ماتتحفينا
بمواقفك في ذلك اليوم التاريخي(كلمة متعوب عليها)
انا رحت في نفس اليوم وضيعنا بالاخير اشرنا لراعي ليموزين (والله لايعمينا يوم صرنا قريبن)ويعي الابخمس وثلاثين ريال وانا عاد حاشرة عمري واقول لزوجي ابدفع لة بس اخلص خلة يوصلنا ويوم عطيناة الدراهم مشاء وتمسكنا اشارة ويركب معة زبون ونلف ويوصلنا للمستشفي
انا ماشفت اسهم مدري وين عيوني فية من الحشرة اللي فيني اتخيل المستشفي حمام وزوجي يمش وينشد وين نودي هالكشف ودلونا لين بغيت اصمخ في المكيف الصحرواري وادخل والله اني من يوم شفت هالبشرية قلت كل اسعودية هنا وش ها العااالم
المهم ويقدر الله واخذ القارورة وقلت وين الحمام قالت شفتي الزحمة قلت اية قالت اوصليها عندها الحمامات انا احسب الدعوي دور وطابور واثر الدعوي من ذراعك ولا مت توني واقفة مع هالامة الاوتطلع علينا وحدة شايلة اكياس زبالة وتصيح علينا وخر زبالة كيف يمسي لازم بايد
ويقدر الله وادخل وين دورات المياة وصلنا وفعلا الماء مسكر وحدة واقفة وكنها تدور الشر كلام مديرة مافية موية اشوا معي مناديل ونخلص وكني ماسلمت فعلا ماساة اهم شي خلصنا بس السوال متة بيخلصونا مرت سنة والعين ------كملوها علي كيفكم

الناعمه
03-17-2012, 05:15 PM
فديتك سرابوه انا سيت العينه قبل المغرب ورجعت لدورات المياه اقولهم افتحو الماء ابي اتوضى كان فيه وحده با مره قالت العبيها على غيرنا يا حلوه حسيت اني مدمنه قلت والله بس ابي اصلي وانتظر الاشعه قالت غيرك اشطر حنت على موضفه ثانيه ودخلتني مكتبها وفتحت دوره مياه قالت توضي وصلي بس من جد المستشفى انتة ما عرفتوه تراه مستشفى الامل سابقا الله لا يبلانا