برنامج الثامنة

[بطة77]

لاتنسوا متابعة برنامج الثامنة اليوم
فقط للتذكير

[الهمم العليا]

إن شاء الله
جزاك الله خير

[ميسون]

ولي ماعنده دش وش يسوي ياليت تنزلون اليوتيب هنا علشان نكون بصورة

[همة للقمة]

وزير ...طيب وين الثقافة ... الحمدلله ..ضاعت الامانه ..

[هوى بلادي]

الله يفرجها من عنده وأملنا بالله عزوجل لا بغيره

[ام عهود]

الحمد لله والشكر
بالله وش فهمتن من كلام الأمير
ماغير يحوس بالكلام
سواه سلطة

[شهد 2011]

لا جديد

[داليا]

والله ما فهمت غير تطوير مناهج وهياط ما له داعي

[شهد 2011]

انتهى البرنامج ولاجديد

[عبير55]

حسبي الله ساعة لا فهمت منه شئ مدري البلاء في ذا الوزير مدري فيني معاد افهم
و الله نحتاج مترجم

[ولله الحمد]

والله الحلقه مافيها شي مفيد والا لا اذا احد لقط علم زين يعلمنا

[همي بقلبي]

اللي شاف الحلقة كاملة
يزودنا بالجديد

[ام رنوده]

ههههههههههههههههههههههههههههه والله لوسالت بنتي ممكن ترد علي افضل من اجااباته قال وزير قال هذا الفساااااااااااااااااااااااااااد بعينه

[شهد 2011]

ساعة كامله كلها في المستقبل انشاء الله قصدي في المشمش

[عبير55]

اي جديد و اناختك ما عنده غير انا اتمنى انا احاول انا ادرس
انا اقلك الله يكااااااااااافيك

[ام رنوده]

يااقلبي عليك يااشهد اصلا مااافي كلمه فهمتها زين فهمتي مستقبل

[امنيتي الجنه]

حسبي الله عليهم كلام غير مفهوم لم نستفيدمن المقابله بشي يبرد القلب

[مونتانا]

لصقت بالشاشه لصق وحاولت افهم شي ما فهمت حاولت افصفص الكلام على الله يطلعلي جمله مفيده مافيه فايده من هنا من هنا مافي امل حتى سالفة التثبيت ما تطرق لها بالمره بصراحه أشوف إني ضيعت وقتي ع الفاضي

[غلاة الروووح]

ماعنده سالفه مفهي وموداري عن التعليم اساسا ولا داري عن محو الاميه
الله لا يوفقهم

[عبير55]

صراحة انا ما كنت عشمانه كثير في الحلقة
و باين انها عن المباني و احوال المدارس
لكن انا ما اقول الا يعوضنا عوض الصابرين طالما هذا وزير التعليم رحنا فيه
لكن خلوا املك في رب العالمين هو رزقنا التثبيت بعيد عن الوزير وبيسر امرنا بعيد عن الوزير

[بطة77]


مافهمت شي بليزززز اللي لقط كلمة مفيده لا يبخل علينا
الله يرزقنا اعلى درجات الجنه

[ام رنوده]

مجرد وزير فقط

[دنيتك دنياي]

ولا كلمة فهمت

[شاطريه]

ولا أنا بعد فهمت شي الله وكيلك

[قطرات]

لو أنه مستضيف الفهيد ولا الحميد ولا البراك ...كان أبرك

[سارة العلي]

فسر الماء بالماء بعد جهد وعنا
لا تعليق

[شهد 2011]

طيب الان متى المباشرة ؟ إيش صار على اقتراحة عساه القرحة

[الداعية لله عزوجل]

اللي فهمته ماعنده أي خلفيه عن التعليم وكان متلخبط كثير


ويعتب على ما كان في الماضي من قرارات وأنظمة أو عدم وجود أنظمة ومايبي الماضي يعيق عليه عمله


أعجبني يومه يقول الإدارة أساس التعليم ( ( المدير أهو اللي يواجه الصعوبات ويقدر ينتج حتى لو التعليم في خيمة ))


أعجبني في كلمته في التعليم لازم يكون العطاء بحب ماهو مجرد وظيفة بمعنى كلامه


واضح عليه متواضع جداً وواضح ماعنده تخطيط للبحث والمتابعة بشكل صحيح حاله يقول المعلومات اللي توصله مافيها مصداقية


بصراحة كل كلامه عن مشاريع التطوير ودراسة دراسة لكن المشكلة والعتب على التطبيق من كم وهذا دراسة وكم مرحلة ووووووو يتغير
كم وزير ومشاريعهم الجديدة وتوجهاتهم مانفذت


قراراتهم يبي لها حزم وقوة وجدية بالتنفيذ
في آخر كلامه حسيت كلامة داخل عرض الحين وين والتوجهات وين أهو والله وأبصم بالعشرة أن ماعنده أي علاقة في مجال التعليم
يعالم المفروض مايمسك التعليم إلا الممارس للمجال وله خبرة طويلة


صدقوني أحسه أهو أداة فقط جد جد ماعنده أي خلفية يعني مايعرف عن التعليم شيء أحس أول مرة يكون له علاقة بالتعليم

[دادي ودودي]

للأسف ما فهمت ولا جمله غير مشروع الملك عبدالله ودراسه دراسه ياحبهم في الدراسه

وداوود الشريان علق ع البند ١٠٥ والقريشات

للأسف حلقه دون أسوء التوقعات
مالنا غير الصبر وحقنا بناخذه بأيدينا بإذن الله

[اليتيمة فاقدة امي]

الحمد لله والشكر................................... يامعلمات نصيحة

انتو لاترفعون ضغطكم بعدين ماحد نافعكم لا ويمكن يرتفع

سعرعلاج الضغظ وقتها 100ريال مع المكااااسر !! وسعو صدوركم الدنيا زايلة

وتذكروا انكم تثبتوا في وضايفكم والباقي انسوووووووووووو احسن لكم ربي بيحلها من عندة

هذا واخر دعوانا ان الحمد لله رب العالمين ************////////////*************** الا الوزير وش اسمة ؟؟؟؟

[هنوووني]

كله تتمنى حسبي الله عليك من وزير تشوفها بنفسك ان شاءالله
ياناس لازملنا حل انا حاسه انهم بيلعبون علينا

[عواطف محمود]

ضاع الوقت على الفاضي بمتابعتهم

[هوى بلادي]

بنات حتى أكون واقعية معكن ترى أي متحدث بالإذاعة إذا وجد متحدثة جريئة تتحدث عن مشكلة أو تطالب بحق من حقوقها طبيعي سوف يتحدث ويحاول أقناع من حوله بقدر استفسارها وبإيجاد الحلول لها .. أما مجرد كتابه اقتراحات على ورق وبدون ارقام يتأكد من صحة المطالبة لاجدوى منها فهي ليست بالدليل الشافي .
ترى المطالب أكبر مما تتوقعون فهو مسؤول صغير لا يملك الصلاحية بالفتوى إلا بمايثبت ... فإذا كانت صحيفه تحتاج لقلم كاتبها وإذا كانت اذاعة فهي تحتاج لصوت صاحبها وهكذا ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
اللهم أملنا بك لابغيرك من البشر

[هاربة]

ههههههههههههههههههههههههههههههه ياخسارة الوقت اللي ضيعته على متابعة هالحلقة

الشريان يتكلم في وادي والامير يجاوب في وادي آخر

قسم بالله ما فهمت شئ وماجاوب ( طال عمره ) ولا على اي سؤال

[غلاة الروووح]

وش تتوقعون من واحد ماله في السلك التعليمي كل شغله وعمله في المجال العسكري
خطط ولجان ودراسه مو عارف شي في التعليم
مااقول غير حسبي الله على من كان السبب وكان في سبب تاخير تثبيتنا

[baby girl]

الحمدلله ارسلت تغريداتي ونمت خخخخخخخخخخخخخخخخ ابرك من مقابل السوبرمان لكن بما انهم ماجابوا طاري محو الاميه اجل وووووووووووين طارت تغريداتي حسبي الله عليكم

[baby girl]

انا اتوقع هالسوبرمان مايكمل هالسنه في منصبه وقولوا ماقالت بيبي

[بنت الصعاب]

حسبي الله ونعم الوكيل استدار راسي من هالمقابله ثرثره يمين وشمال ..كلمات متقاطعه ... حروف بدون نقاط ..تأتأه تلعثم ...مدري حسيت احراج في احراج ..
كل الحوار ..تحصيل حاصل
وساعه تعدي بالطول والعرض وتنتهي المقابله وتنتهي سالفة الظهور امام الجمهور

[همس المشآعر]

ههههههاي

ياحليكم تابعتو سوبرمان اجل ههههههاي والله ماعنده الا الدجه أنا نمت قبل البرنامج تو صحيت هههههاي

اقول هذا خلوه بالترزز قدام الكاميرا وبس مالت ع وزارة هذا وزيرها ههههاي