ألا أيها الليل الطوييييييييل ألا انجلي

[على بابك ياكريم]

الا ايها الليل الطوييييييييييل الا انجلي


تثبتوا المتعاقدين في كل الوزارات الا في وزارة التربية والتعليم


في داخلي حكي كثيييير بجد مااعرف اعبر عنه او حتى اشرحه

هل يدرك هالمسؤلين ان هالمتعاقدين والمتعاقدات الي ياخذون نهاية كل شهر طفسة مع هالظفرة لا تسمن ولا تغني ..........نحمدك يالله ونشكرك
لكن فعلا احنا نعطي بمقابل زهيد
ليش هالمسؤلين مايكون عندهم روح الوطنية والتلاحم والتراحم
ويعطونا حقنا الي امر فيه مليكنا
سنة ونص الى الان ولا في الافق شيء

[على بابك ياكريم]

طيب من باب التقدير والاحترام
ليش مايخرج احد المسؤلين ويوضح متى سيكون التثبيت
يريح هالواحد والثمانين الف
الي يترقبون الثبيت كل يوم
وكل اسبوع وكل شهر من يوم صدر القرار


ليش كل هالتهميش لهذي الفئة
مو معقول
هذولي ماهم حاسين في مشكلتنا بتاتا
كل يوم نشوفهم مترززين ولا كلفوا حالهم انهم يتنازلون ويعطونا خبر اكيد نرجع له
نتلقف اخبار التثبيت
ونفرح بها حتى لو انها بدون مصدر
ندور ع الامان وودنا نتطمن حتي راجت الاشاعات

فعلا شد اعصااااب لابعد حد
حسبنا الله ونعم الوكيل فيهم اذا كانوا متقاعسين او متكاسلين او مهملين لقضيتنا

[على بابك ياكريم]

المسمى : معلمة مثبتة على المستوى الخامس
الراتب ٣٤٥٠

كيف تجي
هل انا مثبتة
والمفروض استلم راتب معلمة ع المستوى الخامس
ولا انا متعاقدة واستلم مكافأة
شي محير ياوزارة التعليم
يعني من حكاية تثبيت المتعاقدين
اعطيتونا المسميات
مستويات ومراتب
لكن من دون رواتب


طيب ليش كلفتوا ع انفسكم بهالتصرف مدام مافيه رواتب

[على بابك ياكريم]

نجي للكلمة البغيظة

المحاضر


هذي كيف تتوقعون شكلها
يعني محضر التثبيت كم تتوقعون وزنة
احس يوم ان هالمحاضر رايحة من وزارة و جاااية ع وزارة
وكل هالثقل
احس انهم شايلينها في قلاب او دينة
وماشية هالخطوط
يعني يومين في الخط الين توصل الرياض
ويجون الموظفين وينزلونها من الدينة ويطلعون بها اربعة ادوار
وحكاااية عشان توقيع ولا مراجعة
وزيها ينزلون الموظفين هالمحاضر في كراتين ع روسهم ومع الدرج
ويحملونها في دينة ويله بيروحون على وزارة ثانية
وياااامن الثقل فيها


الله يخارجنا منها وينهيها من حياتنا قولوا امين

[غربة مشاعر]

اميييييييييين يارب