استعملت وماطلع اسمي لييييش؟؟؟

[الامااااني]

السلام عليكم ورحمة الله وبركاته. استعملت عن اسمي وماطلع مع انه لما طلعت المحاضر قبل كان اسمي موجود ليش؟الله يعافيكم ردوا علي

[سارة]

وعليكم السلام ورحمة الله وبركاته

جربي تغيرين الارقام خليها بالانجليزي

ولو ماضبط ادخلي عن طريق االلاب

موفقه ان شاء الله وتبشرينا بوجود اسمك

[الامااااني]

مشكوره ياختي بس جربت بكل الطرق بس مافيه فايده

[عالية الهمه]

http://tkml.moe.gov.sa/movt/EmplInstall.aspx

[عالية الهمه]

ادخلي من قوقل كروم

[الحلوه123]

ترا انا كذ حاولت ومانفع وبعطين نفع. كان يقول رقم فقط

[الامااااني]

مشكوره يالغاليه بس جربت من كذا متصفح ومنها قوقل كروم بس مافيه فايده

[عالية الهمه]

طيب وش يطلع لك

تأكدي من رقم السجل

[الامااااني]

ما يطلع لي شيء تطلع القوائم اللي فيها الاسم والمرتبه وكذا فاضيه مافيها شيء والرقم متأكده منه

[رونق ماري]

أنا كمان زيك ميطلع معي شئ في الاستعلام // طلع معي في مره الأولى ما أدري شي السالفه //

[كاتبه]

ليش غريبه مـايطلع معاكم

يابنات اللي تبيني اشوف لها ترسلي عالخاص رقم السجل المدني حقها

[وطن]

وانا بعد ماطلع معي شي

[وطن]

جربت كل المتصفحات ودخلت من الجوال والابتوب ولا طلع شي

[أمي نور عيني]

انا مثلكم ماطلع لي شئ بس ماني مستغربه لانني ((ساقطه سهوا )) من الاول ولسى اسمي ماصنف

البنات اللي ماطلع لهم اخاف انه متأخر بسبب الاعتراض... يعني يمكن انتم مقدمات اعتراض

وبكذا يحتاج وقت للدراسه والموافقه

[وطن]

لاوالله اختي نور عيني
أسم طلع مع المثبتات وحتى قبل فترة دقوا على يبون اوراق

وحتى لما جيت اسجل بجدارة كتب لي انتي من المثبتات
.
.
لانقول
إلا اللهم أجرني في مصيبتي وخلفني خيرا منها

[أمي نور عيني]

الله يفرجها علي وعليكم

ترى نظامهم دايما مخربط الوزاره ماهي غريبه عليهم

انتظروا حتى يخف الازدحام ع الموقع او يسوون له تحديث وان شاء الله تطلع لكم

[بريق أمل]

مبارك للجميع ..

[الامااااني]

طيب مافيه رقم نستفتسر منه او طريقه نتأكد انو أسماءنا موجوده
اللي يعرف لا يبخل علينا

[الأمل موجود]

صديقتي ماااااطلع اسسسمها بعد
وش تسووووي تكفون افيدوناااااااااا

[الامااااني]

مشكووووورين وربي يعطيكم العافيه ويوفقكم في الدارين اللي ردوا علي
وأبشركم دقيت على لجنة التثبيت وتأكدت ان اسمي موجود الحمد لله دوبي ارتحت من امس وانا ع أعصابي

[وطن]

اختي كم رقمهم لجنة التثبيت ربي يوفقك

[الامااااني]

رقم لجنة التثبيت
٠١٤٠٣١٩٣٣

[منيره محمد]

الي مازان معها تحط الأرقام بالاجليزي لا ني من امس اجرب مازان الا لين فكرت وحطيته انجليزي


انشاء الله استفدتوا

[عاشقة السراب]

مشكووووورين وربي يعطيكم العافيه ويوفقكم في الدارين اللي ردوا علي
وأبشركم دقيت على لجنة التثبيت وتأكدت ان اسمي موجود الحمد لله دوبي ارتحت من امس وانا ع أعصابي

الحمد لله ياامانييييييييي قلقت عليك

[عاشقة السراب]

وطن ان شاء الله يطلع اسمك وتفرحينا

[نورا]

طمنينا (وطن )ان شاء الله يطلع اسمك ...ربي يسهل امرك يارب

[أم سعود.]

اماني الف مبروك والاخت وطن الله يفرجها عليك

[سارة]

الف مبرووك والحمدلله

وان شاء الله نفرح بالبقيه اللي ماطلعت اساميهم

[الامااااني]

الله يبـــارك فيكم يالغوالي
وطمنينا يأخت وطن ربي يسهل امرك

[وطن]

ربي يسلمكن ويسعدكن امين
ابشركن اتصلت عليهم ولقيت اسمي

الاماني اسالك الله ان لا يدع لك امنية الا حققها لك ربي امين
انتي وكل من سالت عني

اسعدني سوالكن عني وربي

[أم سعود.]

ربي يسلمكن ويسعدكن امين
ابشركن اتصلت عليهم ولقيت اسمي

الاماني اسالك الله ان لا يدع لك امنية الا حققها لك ربي امين
انتي وكل من سالت عني

اسعدني سوالكن عني وربي

يااااااااسلام هذه هيه الاخبار الحلوه الحمد لله الله يسعدك ويوفقك
والله تطمن قلبي

[ام جسار]

الله يوفقك يا وطن

[الفرارسة]

نفس الشي ماطلع اسمي رغم ادراج اسمي في محاضر التثبيت سابفا ولما راجعت ادارة التعليم يقولوا مايدروا ايش المشكله مع العلم ان الموظف دخل على الاستعلام عبر بوابة الخدمة المدنية ووجد اسمي واموري كلها سليمة ارجوا من لديه طريقة لمعرفة وضعي في التثبيت مساعدتي وجزاكم الله خير