بمناسبة اليوم الوطني...أن ماكتبنا للوطن جزل القصيد...يالعنبو حرف الشعر واللي بناه

[صادق الوجدان]

بسم الله الرحمن الرحيم

السلام عليكم ورحمة الله وبركاته

بمناسبة اليوم الوطني...لموطني المملكه العربيه السعوديه

مشاعر بسيطه لهذا الكيان الشامخ بحكومته ومواطنيه ومقدساته

أدام الله علينا نعمة الاسلام ...ونعمة الامن والامان




(1)


جاك قافي ..والنخاوي..تستثيره
لا عتزيته ..جاك جيشٍ أجحفل

يكشف ..الخافي ويبحث بالسريره
قوموها..سامريه..... ياحفل

ألعبي لي.. ورقصي لي.. يامثيره
ياريحينً ..تطاير.. من نفل

وأسرجي لي فوق شقراي المغيره
زولها زول الجوازي ..لا جفل

في يدي سيفي وشلفاي الشطيره
وفي حنايايه ..شجاعً ما ..غفل

أن بدعت القاف قيفاني خطيره
تعجب الشايب ..ويعشقها الطفل

مرحباً ي مرحباً ..يأم الظفيره
أنفتح لك كل ..بابً.. منقفل

ياوجود اللي بلا صاحب وديره
في عيونك له من ..الدنيا كِفْلُ

أمطري جوفي غرامي للجزيره
موطن اللي ماعن العليا رفل

ديرتي دار المثنى ..والمغُيره
دونها عشرين مليون.. وقفل

لنتخينا بالوطن جتك المسيره
كلنا شجعان ..مبنا من جفل

دونها ..نارً لواضيها..سعيره
قالها اللي قاف شعره مايفل







أن ماكتبنا ..للوطن جزل القصيد

يالعنبو ..حرف الشعر واللي بناه



خذ من خفوقي نسج فكر من الجديد

موزون ...ومقفى ..ولا تعثر خطاه



ياموطني..ياموطن ...المجد التليد

ياموطن أحفاد... الصحابه والتلاه



جتك البيوت الخالده مثل العبيد

من حدك الغربي ..مرورً بالسراه



أطهر بيوت الله في مكه شهيد

قبلة عباد الله في وقت الصلاه



ومسجد رسول الله في طيبه مشيد

لا من طرى ذكره بكينا من غلاه



أمجادنا فيها عمر.. وبن الوليد

وتاريخنا كله ..مشاهير الدعاه



في نجد يبدا مولد العهد السعيد

فيها ظهر عهد التوحد والنجاه



علي يد اللي ..بالوغى حرً فريد

عبدالعزيز الله يطيب.. له ثراه



وولاده اللي كملو.. نهجً سديد

على الكتاب اللي منزل من سماه



عشنا تحت.. رايتهم عيشً رغيد

جنوبنا..شمالنا.... كلن.. سواه



واليوم عهد اللي على الظالم شديد

العاهل اللي عز من جاه.. ونصاه



ملك قلوب الناس بالعقل الرشيد

عبدالله اللي كلنا ..ملك ... ليداه



أبو اليتاما والثكالى ....والوحيد

مافيه فردً بالوطن ..الا ..عطاه



ياموطني ..حنا الي أشتد الوقيد

مافيه غير صدورنا دونك حماه



يلي تبث السم ..قد جاك الوعيد

بشر ..هلك أنك مقرب ..للوفاه



لأجل الجزيره كم دفنا من شهيد

ودون الجزيره كم طنب ذيبً عواه



لا تحسب أنا في دجآ الظلمآ رقيد

حنا على حد الوطن أسدٍ صحاه



أفعالنا ...من عهد كسرى لليزيد

وعلى الابو.. يخطي الطفل أول خطاه



ويالله يامنزل... تبارك.. والحديد

تحفظ وطنا.... من عدانا والطغاه



ودم علينا ...الامن يارب المجيد

ونورلنا درب ..السعاده.. فالحياه





(2)

ألبسيله ثوب.. ..وأضفيله شْعرّ
ونسجيله..من ..غناويك القصيد

رفرفيله ..في بيارقك.. الخضرّ
جعل عيدك ..ياوطن عيدً سعيد

كل عام وعيدك..أزهار.. ومطرّ
كل عام..وبك..من العزه ..جديد

فيك زاد الحب وزداد ...وكبرّ
لين..صرت ..بداخلي حبً وحيد





صـــادق الوجدان


http://www.guryat.com/vb/images/smilies/hrt.gif (http://www.guryat.com/vb/showthread.php?t=135570)

[طموح لاينتهي]

قصيده رااااائعه جداً
صح لسانك على الدرر المكنونه
ويستاهل الوطن

ننتظر جديدك

[راشد]

صح لسانك
ماشاء الله مشكور شعر حماسي

[لعثرتي هيبه]

تسسلم يمينك خيوووووووووو ع الطرح
منتهى الرووووعة والإبداآآاع ماننحرم من جديدك المميز ..
فديتك يااوطنااااا ...

[جودي والدلع بوجودي]

روعه الابيات

تسلم ويعطيك العافيه

[منتهى الذووق]

رفرفيله ..في بيارقك.. الخضرّ
جعل عيدك ..ياوطن عيدً سعيد

كل عام وعيدك..أزهار.. ومطرّ
كل عام..وبك..من العزه ..جديد

قمة الابداااااع والتميز شاعر وقدهااا

تسلم يمينك اخي الكريم ويستاااهل وطناا
وربي يحفظ ملكناااا

[سيد الاحساس...]

سلمت وصح لسانك يالذيب ...

[بروق الوايلي]

كل عام وعيدك..أزهار.. ومطرّ
كل عام..وبك..من العزه ..جديد

فيك زاد الحب وزداد ...وكبرّ
لين..صرت ..بداخلي حبً وحيد

صح لسانك وسلمت يمينك ع القصيده الرائعه ..

قمه في الابداع ننتظر جديدك ..

[صادق الوجدان]

ي هلا بكم

جميعاً ..وتشرفت

بتواجدكم

كل الشكر لكم

تقديري