المساعد الشخصي الرقمي

مشاهدة النسخة كاملة : طلب عاجل ومهم ؟؟؟؟؟؟؟؟؟؟؟؟



صدى الصمت 2
06-19-2011, 02:26 PM
أنا أبي أعرف كيف أنزل صور وملفات وورد وعروض حاولت كم مره وما يزبط معاي ودايم أسال ومافيه أحد يرد علي أرجوكم إشرحولي الطريقة بالتفصيل

سعوديه للأبد
06-19-2011, 07:30 PM
هلافيك يالغاليه


تنزلينها كيف ياليت توضحين سؤالك عشان اشرح لك بالتفصيل

ولاتشيلين هم راح اشرح لك بحول الله كل اللي تبين

لا تأسفن على الدنيا
06-19-2011, 07:40 PM
أهلا بك اختي الغالية
إذا كنتي تريدين ارفاق ملف وورد مع موضوع يمكنك اختيار ارفاق ملف من نفس الموضوع في الاسفل
إرفاق الملفات
إمتدادات وأنواع الملفات المسموح بها: bmp doc gif jpe jpeg jpg pdf png psd txt zip


ارفق ملف أو مشاركة

أو يمكنك رفع الملف على موقع رفع ملفات من جهازك للنت ثم يأتيك رابط مكتوب عليه خاص بالمنتديات انسخيه والصقيه في الموضوع
بالنسبة للصورة إذا كانت الصورة على موقع في النت فقط اعملي نسخ ولصق في موضوعك أو اضغطي عليها بزر الماوس الأيمن ومن القائمة المنسدلة اختاري خيارات اسفل القائمة يفتح لك مربع مكتوب فيه عنوان الصورة انسخيه وتعالي للموضوع الذي تريدين الصورة فيه اختاري زر اضافة صورة والصقي الرابط وتطلع لك بالموضوع والطريقة الأولى اسهل

أما اذ كانت الصورة على جهازك فيجب عليك رفعها على موقع رفع ملفات وصور واتباع نفس الطريقة السابقة

اتمنى أن اكون قدمت مايفيدك إن شاء الله
واسأل الله لك التوفيق

صدى الصمت 2
06-19-2011, 07:50 PM
شكرا لك وضحت المعلومه الله يهطيك العافيه أخواتي سعوديه للأبد ولا تأسفن بأجرب لأني سويت طريقة النسخ وما زبط معي يطلع الرابط بس بجرب طريقتك وإن شاء الله تزبط معي

صدى الصمت 2
06-19-2011, 08:31 PM
للأسف إختي لا تأسفن ما زبط معي أختي سعوديه للأبد نا ابي أنزل كتب حلوه مفيده للمعلمات وورد وأبي أنزل عرض سويته ورشة لتقويه في الإملاء أبي الكل يستفيد عندي أشياء حلوه بس ما تنزل معي بس الصور تنزل ممكن يا سعودية للأبد تشرحين لي الطريقة

سعوديه للأبد
06-19-2011, 11:09 PM
هلا فيك يالغاليه


انتي تأمرين


شوفي يالغلا عندك طريقتين تقدرين ترفعين بها ملفاتك والكل يستفيد

1- الطريقه الأولى من المرفقات بنفس الموضوع كما شرحت الغاليه لاتأسفن

بس للأسف من ارفاق ملف تكون المساحه جدا محدوده

تلقين بالصفحه لما تكتبين موضوع


تحت ارفق ملف المشاركه

bmp doc gif jpe jpeg jpg pdf png psd txt zip

وهاذي الامتدادات الللي يدعمها المنتدى من ضمنها الاشياء اللي انتي تبغينها

بعد الضغط على ايقونه ارفق ملف المشاركه

بتطلع لك نافذه من فيها مربع وجنبها كلمه استعراض

اضغطي عليها واختاري الملف اللي ترغبين وضعه بالمنتدى

وبعدها تلقين جنب استعراض كلمة رفع اضغطي عليها ليتم رفع الملف على سيفر المنتدى

وبكذا اذا اعتمتدي المشاركه او الموضوع بتلقين ملفك في اسفل المشاركه

ملف مرفق

وفي الرد التالي بحول الله بشرح لك الطريقه الثانيه

سعوديه للأبد
06-19-2011, 11:20 PM
الطريقه الثانيه

عندك كثير مواقع تدعم جميع الملفات

ومن ضمنها موقع

http://www.4shared.com/


وهو من افضل المواقع

تلقين على اليسار سهم اخضر متجه لفوق

وجنبه تحديد ملف وجنبه تحميل عليها سهم اخضر

اختاري تحديد ملف واضغطي عليه يطلع لك الملفات اللي بجهازك

اختاري الملف اللي ترغبين تحميله على النت وبعد ماتختارينه

اضغطي تحميل يجيك التحميل انتظري حتى يخلص التحميل

وانسخي الرابط حق الملف والصقيه بموضوعك او ردك

وبكذا ينتقل لموقع التحميل

http://www.m5zn.com/


وكذلك هذا الموقع سهل جدا في التعامل معه ويتحمل حتى 250 ميقا

واي استفسار انتي تامرين

صدى الصمت 2
06-20-2011, 12:13 AM
تسلمين يالغالية سعوديه للأبد أبي أجرب إن شاء الله وأخبرك باللي يصير معي معليش أزعجتك وأشغلتك معي شكرا لك

سعوديه للأبد
06-20-2011, 12:22 AM
عادي يالغاليه معاكِ ان شاءالله حتى تضبط معاكِ

صدى الصمت 2
06-20-2011, 10:09 AM
http://C:\Documents and Settings\user\My Documents\My Pictures

أبشرك زبط معي ونزلت كتاب في منتدى تعليم الكبيرات وسويت إقتراح ممكن تقرينه سعوديه للإبد شكرا لك الآن أقدر أنزل الكتب

بس شوفي نزلت لك صورة عليها عبارة شكرا غاليتي وما طلعت( طلع إكس) كيف أطلع الصور في الردود

ضيقة شمالي
06-20-2011, 04:09 PM
ممكن اتدخل

طال عمرك اول شي انتي تختارين صوره محمله على الجهاز
مايصير كذا
تشوفين الصوره الي تبين

لازم تكون مرفوعه على موقع مثل ماقالت الاخت سعوديه للابد
مايصلح تحطينها من الجهاز
يعني مثلا إذا تبين صوره حقة شكر روحي لقوقل
واختاري البحث بالصور واكتبي شكرا
ثم تطلع لك صور مكتوب فيها شكراُ كثيررر
اختاري الصوره الي تعجبك واضغطي عليها
ثم تفتح لك صفحه ثانيه شوفي على اليسار صوره بالحجم الكامل
اضغطي عليها ثم تطلع الصوره لحالها انسخي الرابط الي فوق
وتعالي للمنتدى واختاري ايقونة إضافة صوره
وحطي فيها الرابط مثل ذي
http://www.bilal4success.net/wp-content/uploads/%D8%B4%D9%83%D8%B1%D8%A7-%D9%84%D9%8355.gif
شوفي ذي طلعتها من قوقل

صدى الصمت 2
06-20-2011, 06:36 PM
مرحبا ضيقة شمالي شكرا على التوضيح الآن فهمت ليش مايزبط معي لأني اختار صور من جهازي شكرررررررررررررررررررا جزيلا

صدى الصمت 2
06-20-2011, 06:44 PM
شكرا سعودية للأبد شكرا لا تأسفن شكرا ضيقة شمالي شكرا لتعاونكم ومساعدتكم لي أخيرا عرفت

http://tmian.kau.edu.sa/Images/0002231/%D8%B4%D9%83%D8%B1%202.jpg

سعوديه للأبد
06-23-2011, 03:59 PM
http://c:\documents and settings\user\my documents\my pictures

أبشرك زبط معي ونزلت كتاب في منتدى تعليم الكبيرات وسويت إقتراح ممكن تقرينه سعوديه للإبد شكرا لك الآن أقدر أنزل الكتب

بس شوفي نزلت لك صورة عليها عبارة شكرا غاليتي وما طلعت( طلع إكس) كيف أطلع الصور في الردود

الحمدلله يالغاليه انها ضبطت معاكِ

واعتذ عن انقطاعي عن متابعه الموضوع اليومين اللي راحت

لاني كنت مسافره والله وتوي استقريت

والحمدلله شفت الصور ضبطت معاكِ

واي شي انتي تامرين

لكِ ودي

صدى الصمت 2
06-23-2011, 11:41 PM
الحمدلله يالغاليه انها ضبطت معاكِ

واعتذ عن انقطاعي عن متابعه الموضوع اليومين اللي راحت

لاني كنت مسافره والله وتوي استقريت

والحمدلله شفت الصور ضبطت معاكِ

واي شي انتي تامرين

لكِ ودي


الحمد لله على سلامتك يالغالية وتسلمين على الاهتمام وهذا من طيبك وطيب أصلك حبيبتي :more12:http://www.tayma2.com/vb/imgcache/2/2293gi77op.gif