المساعد الشخصي الرقمي

مشاهدة النسخة كاملة : قصيده اعجبتني



bnt al6yb
08-21-2011, 11:24 PM
يا بنت بعد الستر صرتي تعّريـن
ولاهوب ذا فرض ولاهوب سنـه

لاتلبسيـن الثـوب عـلاق تكفيـن
أمـي وأمـك قبلـنـا مالبسـنـه

وكانك بتقليـد الخواجـة تباهيـن
وراك يوم الحشـر نـار وجنـه

وإن كان ذي موضة تراكن مساكين
الكـافـرات لباسـهـن تلبسـنـه

لبسن عليكن مثل لبـس المجانيـن
متقطعن حتى الظهـر بـان منـه

العاريـات الكاسيـات الملاعيـن
ياويلهـن مـن شـي يواجهـنـه

جداتنا باقي صداهن لهـا الحيـن
الكـم لامنـه قـصـر طولـنـه

لامالبسـن لبسـت ديانـا وناديـن
والسـاق مثـل كلوديـا ماكشفنـه

وترى الحلا ماهو بكشف الكراعين
ولاهو بكشف الصدر ياللـي تبنّـه

ترى الحلا بالستر بس الستر وين
دام اللبـاس الفـاضـح تأيـدنـه

لاشفتهم بالعرس مثـل الشياطيـن
حتى الشعر فـوق الأذان أجبعنّـه

مالوم أنا من عندهن نقص بالديـن
ألـوم زوج خـيّـب الله ضـنّـه

يمشي وراها مثل مشي البعاريـن
لمطـارد الموضـه معاهـا تقنّـه

وليا نصحها قالت أسكت وبعديـن
وإن ماسكت في كف يدها تصنّـه

غصب عليه الحب فوق القوانيـن
لاتحترم رايـه ولا تخـاف منـه

الجيب فاضي بعد جمع الملاييـن
بنـات حـواء ضاعـن وضيّعنّـه

منقوووووووولة

وتقبلو تحياتي

الحلم المنتظر
08-22-2011, 12:12 AM
يسلمووو ياااغاااليتي

بروق الوايلي
08-22-2011, 08:33 PM
صح لسان قايلها وسلمت يد ناقلها ويعطيك العافيه
ع الاختيار الرائع ننتظر جديدك

تاج خالد
08-22-2011, 08:36 PM
سلمت يداك على هذا الطرح الهادف دمتى على خير

حنايا الروح
08-23-2011, 09:20 PM
أبيات رائعه عزيزتي
ابدعتي في نقلها

ننتظر مزيد من أطروحاتك الرائعه
لاعدمناك ............../

almas
08-24-2011, 05:13 AM
راااااااااااائعة يعطيك العافية