المساعد الشخصي الرقمي

مشاهدة النسخة كاملة : ياااااااااا بوي يا عزوتي ... عطني شماغك بتلثمه



دانية
08-25-2011, 12:35 AM
ياااااااااا بوي يا عزوتي ... عطني شماغك بتلثمه


يابوي ياعزوتي..عطني شماغكـ بتلثمه







{..مدخ ـل



يابـوي انا بنتك .. وفيني سجاياك .. اخـت الشموخ.. اللي بفيّك تِـفيّـا.,
مغروس في ممشاي .. من طيب ممشاك .. حب النزوح .. من الثرى للثريا.,






يابــــــوي جعلك للبقــــــا والمكاسيــــــب ,,,
عمـــري بدونك يالــذّرا ويـــش أبي بــه
يابــــوي تســـأل عن شفـــــاك المراقيب ,,,
طلعــــة ســــــواتك للنــــّوايف غريبـــــه
وش بــــك تحــــاتي لانــــوى الموت تغريب ,,,
تخشــــى عليــــنا بالليـــّالي الكئيبـــــه
خـــذ دلــّتك واركـــــى على مسند الجيب ,,,
وعطنــي شمــــاغك بلثمـــــه وأحتمــي به
ونـــروّح لأرض ٍ بهــــا العشــب والطيب ,,,
وتسمــــع كلام ٍ يالغــــلا تحتفـــــي به
يابــوي بنتك لا انحكـــــى بالتــّجاريب ,,,
كـــل ٍ يشق لهيبــــه الصـــّيت جيبـــه
يابـــوي مـــاني من ســـوات المخاريب ,,
اللـــّي تجيب لعليــــَة القــوم خيـــــبه
ومــاني من اللــّي لامشت حفــّها الرّيب ,,,
أنا مـــن اللــّي مايـــدنـــّس حليبـــــه
مـــرفوع شـــاني عن غــرام المكاتيــب ,,,
وأكبـــر من إنّني أرتضـــــي بالحبيبه
أنــا غرامـــي لاابتـــــدوا بالــتّراحيب ,,,
نفوس الأوادم في وجـــودي رحيبــــه
خضـــّبت لك كفـــّي من العـــز تخضيب ,,,
ورفعــــت راسي للنــّجوم الصــّعيبه
واللــــه لأســــدّك بالفــعول المصاليب ,,,
واللـــــه لأشيـــلك بالرخـــا والمصيبه
طــــلع المعــالي ما انحكــــم للشــّواريب ,,,
بنـــت ٍ وأنـــــاطح فارس القـــوم طيبه
وياشيخـــي إبشــر لوتدور الدّواليـــب ,,,
بنتـــك إلا منـــّه عــوى الـذيــب } ذيـــبــه





مـ خ ـرج..}


يابوي لو تطلب حياتي عطيتك
انا ومالي كلنا ملك يمناك..

almas
08-25-2011, 03:02 AM
يابوي لو تطلب حياتي عطيتك
انا ومالي كلنا ملك يمناك..
أقف عاجزة عن شكري لك لتلك الكلمات الرائعة ..
الله يحفظهم يااارب

راما
08-25-2011, 05:15 AM
كلمااات في قمه الرووووووووعه

سلمت يداااك على الانتقااء الارووع لهذه الجمل المعبره

تقبلي مروووري

زهرة الويلان
08-25-2011, 05:27 AM
كلماااات غااايه في الروعه والجماااال
الف شكر دااانيه على الانتقااااء الاكثر من رااااااااائع

الله يحفظهم لنا ياااااارب

الحلم المنتظر
08-25-2011, 06:45 AM
يعطيك الف عااافيه دندوونه