مأساة مديرة مسائي

[لي لي]

بسم الله الرحمن الرحيم
انا انتقلت العام لمدرسه اخرى بحكم ان مدرستي قفلت لان الدارسات تخرجو
المهم الدوام كان بالصباح وانا كنت ادوم مسائي في المدرسه اللي قبل فقلت للدارسات خل نداوم مسائي افضل قالوا لا ومعصي حنا متعودين بالصباح مع بزورتنا وقلت ابشروا اناهنا عشانكم واللي تبونه من عيوني
ف مديرة الصباح تجي وتشقر عليه وتسألني وش سويتي وكيف الحصص فبصراحه انا انزعجت من كثر اسألتها لأني انا المديره فبدأت بمسلسلها معي
الحارس تمنعه يودي لي اي شي لمكتب الاشراف او المندوبيه وتقول انا ابيه لاحد يرسله مع العلم ان بالمدرسه حارسين
كانت لنا غرفتين غرفه فصل الدارسات وغرفة لي إداره
يوم جيت لقيت فرشه بالوسط في مكتبي وقلت للحارسه هذي الفرشه لمين فقالت والله مديرة الصباح تبي تفطر عليها هي وشلتها لأنها متزاعله مع بعض المعلمات وقلت عادي مع انها حزت بخاطري اش تقصد لانها حقت مؤامرات وزي كذا وتحتك بالدرسات وتشد معاهم بالكلام كأنهم طالبات عنده وقالت انتو تخرجون مع الباب الخلفي وحددت لهم كل شي حتى القهوه منعتها وهم مره يشتكون منها لي وانا مابي مشاكل
فجا يوم طلعت مكتبي برى واغراضي وحطت فرشات وكتبت على المكتب المصلى مع العلم بأن المصلى موجود بالدور الثاني
ورحت لها قالت شوفي احنا محتاجين الغرفه وانت حطي مكتبك مع الحارسات او في نفس فصل الدارسات هي تشرح وانتي تخلصين شغلك وانا قلت مقدر انا ابغى اركز
كان هذا اخر كلامها
ورجعت البيت حزينه جدا وارتفع الضغط عندي حسيت بالأهانه وقلت مالي الا الموجهه رااااااح تنصفني مع اني مااحب الشكاوي
فجات الموجهه المدرسه وقالت مايصير بخاطرك شي انا بحل المشكله ودخلت عندها وبعدها جاتني قالت اسمعي ترى الفصول جميعها هي اولى بها مالنا شي واسكتي مشي الوضع واقعدو سوى بفصل وجاتني الصدمه الكبرى
وترى انا ذوق مع مديرة الصباح وماصار بيني وبينها اي شجار وكنت اتحاشاها
خيبت املي الموجهه والحين ماذا افعل بالله ماهي مأساه
والدارسات رفضوا دوام المساء وجوا ازواجهم لين المدرسه يطلبوني

[كادي روز]

الله يكون بعونك هم كذا مديرات الصباح الوحده منهم كأن المدرسة ملكها وكلنا نعاني من تسلطهم انا مديرة الصباح سكرت كل الفصول اللي تحت تقول اطلعوا الدور الثالث .قلت دارساتي زين الوحدة تجي المدرسه حريم كبار ما يقدرون طلعت الدرج .ولاحياة لمن تنادي...بند الظلم متى تجي الحلقة الاخيرة

[honeey]

ج
حسبي الله

متى يجي التثبيت ونرتاح من ها الاهانه

[بشرحنا بشر!]

يالله ايش هذا القهر
ترفع الضغط مادري كيف متحملتها انتي
الله يعينك يالغلا.

[لي لي]

والله انا تعبانه جدا جدا

[لمس الروح]

الله يعينك

ويفرجها عليك يالغلااا

[سامي الشمري]

لـــــــــــــــــــــــــــي لـــــــــــــــــــــــــــي
كـــــــــــــــــــــــــــــــــــــــــــــــــ ــــــادي روز
اخواتي الله يقوم بعون الجميع اصبح التعليم لدينا حاله صعب مره لااعرف لماذا نحن من سبب التدهور وخلقنا المشاكل حتي اصبحت املاك الدوله تخصنا ولنا ان نتحكم بها والسبب الكرسي

والاداره المدرسيه ولكن اخواتي لابد لكن من الذهاب للجهات المعنيه واخبارهم الموضوع وان شاء الله تجدن الحل المناسب لكن بالتوفيق

[تندربس]

وربي وربي بعض المديرات ذوووووووق وبعضهم الله يصلحهم وبس ---اصبري اختى احنا بعد مثلك-- السنوات الى راحت كانت عندنا مديره بالصباحي عسل الله يحفظها يااارب ---وربي انها ذوووق تخليلو تجلس تخلص اوراقها لين دوامنا المسائي وبعض الايام تقهوينا وتجلس معنا-- راحت الترم الماضي وربي حزنا عليهاكثير--بعدها جات مديره الله لايوريكم الله يصلحها وبس--اول شيء ضاقت عينها ع ادارتنا تبيها فصل تقول محتاجه فصول- مع العلم ان المدرسه 3 ادوار وابتدائيه--المهم-- كلمت المديره حقتنا تبي الاداره رفضت مديرتنا لاان عندنا اوراق وملفات المدارس البيعيده اقصد المخيمات-- صبرت الحرمه لين السنه هاذي---اول يوم داومنا طبيعى-- ثانى يوم داومنا الباب مخلوع والاداره فااااضيه ولامكتب ولادواليب ولا شي وربي يابنات ولا شي-- حطتها بغرفه وقفلت عليها---قمنا اتصلنا عليها ماترد-- نتصل ع مديره تعليم الكبيرات عندنا بالمنطقه قالت اصبرو لين يوم السبت وسوو( جرد)للملفات اذا لقيتو شي ناقص اكتبو محظر المشكله يابنات ماادري وين بترمينا هي من اول تقول بترمينا بالمخزن (ع فكره هي قالت محتاجه ادارتنا فصل وفي نفس الوقت فتحت فصلين بالدور الثانى حولتهم مكاتب للمساعدات وبالدور الثالث فصلين مصادر تعلم)الله يستر علينا وش الى جاي

[رياحين الشووق]

لو منك اتعامل معها بخطابات للمكتب الاشراف
ولو مانصفك الاشراف انشريه بالجريده وافضحيهم ولاتخافي
وربي مايقدرون يسون شيء ورزقك من رب السماء مو من عندهم
ولو منك اتكلم ولااخاف لمكتب الاشراف واخليهم يسوون تحقيق
تعاملي باسلوب الخطابات بس وخليك ذكيه
كثر الكلام ماينفع وكل خطاب صوريه وبعدها قولي علي وعلى اعدائي
وازيدك من الشعر بيت دوري عليهم الذله بالحمامات وانتي بكرامه بالساحه
بالفصول مكيفات وصوري المدرسه ونزلي يوتيوب وشهري في السرقه والغش
اللي هم عايشين فيه امحق علم وتعليم قال تطور قال

[الأمل موجود]

الله يعنكم بس لازم تشتكين الوضع ماينسسكت عليه مو من حقها والفصول
مو حقة ابوها ولاهو على كيفها تتصرف هالتصرفات الغريبه
مرضها مع نفسسسها
الحمدلله مديرة الصباح جداااااااااااا
ذوق ومتعاونه معنا الله لايغيرها ويجزاها خير

[لي لي]

كادي- روز - هني- يشر حنا بشر - لميس الروح - كركر انا-تندر بس - الامل موجود
اشكركن من كل قلبي وياربي يسهل اموركن
لقد شرحت لي الموجهه بأن الفصول من حق مديرة الصباح وهذا النظام ولاتستطيع فعل اي شئ لي وقالت تحلي بالصبر وبصراحه انا انهان قدام الدارسات وهذا اثر علي

[هوى بلادي]

بسم الله الرحمن الرحيم
انا انتقلت العام لمدرسه اخرى بحكم ان مدرستي قفلت لان الدارسات تخرجو
المهم الدوام كان بالصباح وانا كنت ادوم مسائي في المدرسه اللي قبل فقلت للدارسات خل نداوم مسائي افضل قالوا لا ومعصي حنا متعودين بالصباح مع بزورتنا وقلت ابشروا اناهنا عشانكم واللي تبونه من عيوني
ف مديرة الصباح تجي وتشقر عليه وتسألني وش سويتي وكيف الحصص فبصراحه انا انزعجت من كثر اسألتها لأني انا المديره فبدأت بمسلسلها معي
الحارس تمنعه يودي لي اي شي لمكتب الاشراف او المندوبيه وتقول انا ابيه لاحد يرسله مع العلم ان بالمدرسه حارسين
كانت لنا غرفتين غرفه فصل الدارسات وغرفة لي إداره
يوم جيت لقيت فرشه بالوسط في مكتبي وقلت للحارسه هذي الفرشه لمين فقالت والله مديرة الصباح تبي تفطر عليها هي وشلتها لأنها متزاعله مع بعض المعلمات وقلت عادي مع انها حزت بخاطري اش تقصد لانها حقت مؤامرات وزي كذا وتحتك بالدرسات وتشد معاهم بالكلام كأنهم طالبات عنده وقالت انتو تخرجون مع الباب الخلفي وحددت لهم كل شي حتى القهوه منعتها وهم مره يشتكون منها لي وانا مابي مشاكل
فجا يوم طلعت مكتبي برى واغراضي وحطت فرشات وكتبت على المكتب المصلى مع العلم بأن المصلى موجود بالدور الثاني
ورحت لها قالت شوفي احنا محتاجين الغرفه وانت حطي مكتبك مع الحارسات او في نفس فصل الدارسات هي تشرح وانتي تخلصين شغلك وانا قلت مقدر انا ابغى اركز
كان هذا اخر كلامها
ورجعت البيت حزينه جدا وارتفع الضغط عندي حسيت بالأهانه وقلت مالي الا الموجهه رااااااح تنصفني مع اني مااحب الشكاوي
فجات الموجهه المدرسه وقالت مايصير بخاطرك شي انا بحل المشكله ودخلت عندها وبعدها جاتني قالت اسمعي ترى الفصول جميعها هي اولى بها مالنا شي واسكتي مشي الوضع واقعدو سوى بفصل وجاتني الصدمه الكبرى
وترى انا ذوق مع مديرة الصباح وماصار بيني وبينها اي شجار وكنت اتحاشاها
خيبت املي الموجهه والحين ماذا افعل بالله ماهي مأساه
والدارسات رفضوا دوام المساء وجوا ازواجهم لين المدرسه يطلبوني


الله ينصرك ياقلبي عليها تدرين إن مشاكل مديرات الصباح بل وحتى معلمات الصباح مع المساء لها أول ومالها تالي من قفل الفصول وغرفة البواب و..... بس ماعليك اصمدي أنت منتي غلطانه ولا عليك ياقلبي اثبتي لها إن المبنى حكومي ماهو لها ولا لغيرها الكل يعمل فيه عمل حكومي ويضرب الباب أما بالنسبة للدارسات أكيد أنهم كبار ماهم بصغار يعرفون الظالم من المظلوم .

[سارة]

الله يعينك ويفرج همك وجهي خطاب للاشراف ولكن كلمي المشرفه مره ثانيه

لأن فيه خطاب موجه لمديرات الصباح بالسماح باستخدام المرافق المدرسيه

[لي لي]

"]اختي هوى بلادي اشكرك
كل الدارسات يحبوني
ولكن النفسيه الله يفرجها
الاربعاء رحت لمكتبها اريد الختم فقالت الحين اعطيك وبيدها اوراق وتماطل تماطل وجلست وحده تسولف معي وانا اطالع كل شوي فيها ابيها تلفت لي تعطيني الختم وقلت لها ابي الختم لو سمحتي فقالت شوي شوي
وانا طال انتظاري وفهمت انها تبي تسوي فيني كذا بالعاني
فخرجت من الغرفه وانا ماختمت
فقلت يالله بوقت ثاني
انا والحمد لله ماني ضعيفه ولي شخصيتي بس ماابي مشاده معاها
امسك اعصابي ارحم كبرها
وقالوا لي المعلمات ترى احنا احزاب بالمدرسه وقد اشتكيناها وجاتها ثلاث شكاوي وكل مره ترجع اقوى من قبل وكل وحده فينا لها قصه معاها [/size]

[الؤلؤة]

الله يعينك ويصبرك هذي مشكلتنا كلنا معلمات المسائى مع مديرات الصباح وكأن المدرسة ملكهم لوحدهم لايوجد قرارات صارمة ولا امر اداري من ادارة التعليم لمديرات الصباح الله يفرجها عليك ان شاءالله

[لي لي]

اختي ساره - الؤلؤه تسلمون حبيباتي
آه يالقهر حتى الحارس والحارسه زينه يعني راتب اضافي بلاش والدوام مره وحده في الصباح زوجي هوه الحارس يوصل الأوراق ويجيب الكتب من المندوبيه
كلمت المشرفه قلت وش رايك ماارفع للحراس مباشره لأني ما استفيد منهم فزعلت وقالت احتمال الدارسات ينسحبون من المدرسه لان الحارسه هذي تأثيرها قوي عليهم
ليه ليه مو حرام تكفون قولولي حتى الحراس يقهروني لا وشايفين انفسهم والله تقولون مدراء

[رسيل المطر]

معليش يالي لي اصبري واحتسبي هانت ماباقي الا قليل ونتثبت ونرتاح من همنا بس قولوا يااااارب

[لي لي]

حسبنا الله ونعم الوكيل

[لي لي]

درست بخمس مدارس كل سنه بمدرسه احلى من الثانيه والمديرات مثل اخواتي والحارسات ياحليلهم عسل الاهذي المدرسه كانت اسوأ مدرسه

[رسيل المطر]

لي لي والله مافي شي يستاهل ترفعي ضغطك وتزعلي معليش اصبري ومشي حالك وهانت كلها شهرين ونتوجه للمدارس الصباحية ونرتاح واضح عليك اثر الزعل اصبري واحتسبي.

[لي لي]

اختي رسيل المطر بالله اللي يصير معي شويه حسي فيني وانشالله
يوجهونا لمدارس الصباح بأسرع فرصه وتوبه من الإداره

[الحنونة777]

صراحةالله يكون بعونك انا بس قريت الي كاتبته ارتفع ضغطي
عندناوعندك زود عندي وحدة من مديراتي بتجيب لي الجلطة من اسلوبها وافترائها وكذبها علي
تغلط علي وتروح تقول للمعلمات انا الي غلطانها عليها تكذب وتصدق كذبتها وتنتفخ بعد علي

ما اقول الا الله حسيبها

[ربي طبي]

ذكرتيني بمديره جات او ل شي اخذت ماكان المديره الاولى غصب
وهي ماهي قد الإداره لا صباحي ولا مسائي تداوم صباحي ثم مسائي في نفس المدرسه
قبل تخرج من دوام الصباح توقع دخول دوام العصر وبدري
رواتب كانت تستلم باليد اخر ناس تسلمنا بعد ما نطارد ونلح عليها
فترة الإختبارات تختفي تماماً نحن نشرف على الإختبارات وكل شيئ
وشيئ ما ينقال ويوم ماتروح بيتها تأكل غدى الخاله مادري وش هالمخلوقه وطلع حتى معلمات الصباح ماهم قابلينها وشكاوي للإدارة لاحيات لمن تنادي
ومعلمات الصباح كل من لقيت واسطه نقلت ودعاء المسلمين عليه تقشعر منه الابدان ولا مؤهل ولا شي تقولين مسويه سسسسسسسسسحر
المهم اصبحنا حذرين منها واستعملنا الرقي والذكر اولحرص منها وغير الاحلام اتحذيريه لنا وكان فزعت ربنا
لجنه من الوزاره تحقيق مغلق معها خلال الدوام كانهم اول مره يعرفوها
اختفت تأديب الله اعلم بها الحمد لله

[رسيل المطر]

والله أنا عانيت نفس معاناتك وحاسه فيك وكنت في قرية تبعد عن الطائف 150 كيلو وماكان لنا غرفة ولا شي غير فصلين نجلس فيهم وونشرح بعد وصبرت والحين ربي عوضني إنتِ اصبري وشوفي كيف ربي راح يعوضك وأصلا مالك الا الصبر لأنه مافي فايده من الزعل مافي أحد حولك بس مشي حالك.

[لي لي]

اختي الحنونه
حاولي تخلين علاقتك بها ختم وبس لاتحتكين فيها والله يكفيك شرها وينصرك عليها
اما انا والله ودي العن شكلها وامسح بها بلاط الحمام واخليها نكته قدام معلماتها
ولكن راح تشتكيني واروح في خرايطها

[لي لي]

ربي طبي - سبحان الله مديرتكم اخذت جزاها بالدنيا
وانشالله ربي يعجل بالعقوبه للظالمه مديرتنا قبل لا افقد اعصابي

[منى..]

قول حسبي الله عليها ونعم الوكـــــــيل

[حروف صادقة]

الغريب موقف الموجهة مو معقول ترضى بالامر ..المرافق مشتركة بين الصباحي والمسائي ضروري تتصرف ماتخليك كذا لو انتقلت لمبنى اخر لو متوسط او ثانوي
انا كنت نفس المشكلة بس الحمد لله انتقلنا لمبنى المتوسطة الله عوضنا وصار لنا غرفة وتعاونو معنا المديرة والمعلمات

[الداعية لله عزوجل]

مشكلتك هذي مشكلة \\

اول شيء ليه الدراسة ماهيب بالعصر أزين تفتكين من خشة وجهها

و حاولي تحلين المشكلة بهدوء واهم شيء الدارسات مايعرفون أن من الاساس فيه شيء بيناتكم زين

وبعدين قولي للمشرفة هذا موهوب حل ولا على كيفها اللي تسويه والمدرسة ملك للجميع وهناك تعاميم بها الشيء يمكن مشرفتكم ماتعرف
المشكلة عندنا أن عقد المشرفة متجدد لو أنا وزيرة التربية والتعليم التعاقد مع المشرفات مو بالسنة خمس سنوات أن قل قل 3 سنوات
لكن المشكلة كل سنة تجيكِ مشرفة جديدة والبعض منهم ماعندها أي فهم للقرارات والتعاميم في محو الأمية

تبين الصدق واضح أنها تبي تطفشكم
باالله عليكِ جو المدرسة مافيه إزعاج طالبات الصباح ومعلمات وحركة وزاد عليهم الدارسات وفي بعض الأحيان منهم من يجيب صغار معهم
أنا ما أدري كيف اسمحوا لكم بالدراسة في الصباح وبهذا الشكل
لوكان في المبنى دور مخصص لكم وبوابة خارجية ومكان منعزل يعني لا أهم اللي يشوفونكم ولا أنتم تشوفونهم أفضل
حاولي تشجيع الدارسات بان الدراسة في العصر أفضل أهم ترى الدارسات سهل إقناعهم وخلي الموجهة تقنعهم حتى لو كذبتم عليهم بان هذا قرار من الوزارة وقتها راح يستجيبون لكم

[مس برونز]

السلام عليكم ورحمة الله
اسمعن يا خواتي العزيزات الامر واضح مايحتاج تفسير معلمو الصباح تبي مكانك يعني تبي ربع الراتب طمع دنيا ولو تقدم للجهات المعنية راح يقولون لك هي اولى منك لأنها ادارتها
يعني مافيه غير الصبر ومسايرتها

[سُفانة]

إرسلي ياقلبي تقارير إدارية للجهات المسؤولة فقط

أصلاً حتى بعض الموجهات صار وجودها زي عدمها

وإن شاءالله تنحل المشكلة

في هالبلد لو كل واحد عرف حقوقه ماكان أحد يتعدى على أحد

[الواثقه]

الله يعينك والله انا رايي من راي رياحين الشوق اذا كنت مكانتك لاقدر الله باسوي مثلها ماينفع الا كذ

[لي لي]

اشكر كل من ردت على مشكلتي
الدارسات رافضين دوام العصر وبشده واشتكوني لاني قلبت الدوام مسائي فتره
والحارس والحارسه يبون دوام واحد مايبون يجون مرتين
واثروا على افكار الدارسات وشيشوهم عليه وقامواتصلو على الموجهه يشتكوني وقالت الموجهه الدوام في الصباح لاتغيرينه

ومديرة الصباح فعلا تبي الاداره لانها مره قالتها بوجهي متى تتثبتون بصراحه ودي امسك ادارتكم

وتسوي لي تتطفيش فعلا طفشت وطلبت نقل رفضت الموجهه قالت مانستغني عنك لانك مديره واحنا في منطقتتنا المسائي هم اللي يقومون بإدارتهم
مشكلتي
مأساه

[ام صوفان]

أختي الغالية صح الوضع مخزي وكان من اول رفعتي خطابات للمسؤلين لكن الحين ما ينفع احنا على باب ترسيم يعني صبرتي الكثير مابقي غير القليل اخاف يوقفون لك في الإدارة تجملي الله يجمل حالك وتحسبي عليها الله يوفقك ..........ويعينك

[ام راشد]

طيب وش رايكم الله يكرم الجميع في مديرة مدرسة صباحي تقفل دورة المياة عن معلمات محو الامية

[ام نفنوف]

تبين الصراحه شكلنا بنطق خيمه في الحوش ونخليها فصل انا مثلك ادارتي متر ونص في متر ونص شكلها مخزن ماقدر اتحرك فيها والفصول احيانا تقفل مانقدر نفتحها الابعد الشقى يتمننون علينا هالصباح كنهم شارين المدرسه بفلوسهم

[هديل]

اهلين اختي انا نفسك مديره مسائي بس والله علي طل وانا اختك كل يوم مديره الصباحي تحذفني انا وادارتي بغرفه والان بداء المسلسل تخيلي ورب الكعبه توي مستاجره عمال ينظفون المخزن الخارجي ويحطون اغراضي والله العظيم مليت وماااعاد ابي الاداره المسائيه ماللك اي اهميه حتي التوجيه والاداره ماتنصفك العام الماضي قشي ومكتبي عيت تستقبله المديره والموجهه ماحركت ساكن كانه بيت المديره مو مبني حكومي والبزوور لعطتنا غرفه الفنيه ركن صغير انواااع الحوسه ولا والغرفه بس كاتبين عليه غرفه فنيه وهم مايستخدمونه الله يعين بس

[ريما1999]

الله المستعاان مازلنا نعاني ولا صوت يستجاب الله المستعان

[بنت الصعاب]

هم يضحك وهم يبكي