الله يجزاكم خير ابي رد سريع

السلام عليكم ورحمة الله وبركاته


بغيت اعرف وين المشكله ؟؟

انا بديت بعملي 1/2/1432هـ

يعني باذن الله يشملني الترسيم ..ومسماي ووظيفتي الحاليه مستخدمه ..وعلى الاجر اليومي ...علما بأني احمل شهادة جامعيه دبلوم حاسب

وعند رفع اوراق التثبيت رفعت بمسماي مستخدمه ولكن يوجد موظف بادارة التربيه اتصل على زوجي وقال استحالة

ترفع شهاده جامعيه على هذا المسمى لان فيه مسائله وقام بتعديل مسماي الى كاتبه

عند دخولي جدارة ماكتب لي اني مشموله بالترسيم علما بانه في موظفات بعدي جو على بداية شهر 3 كتب لهم انهم

مشمولات ..اتصلت على الادارة قسم شئون الموظفين وقلت له واستغرب ..قال انتي سجلتي بجداره قلت ايه

قال عادي زيادة الخير خيرين ..حسيت كلامه مايطمن وش زيادة الخير والمفروض اني مشموله

((((تكفون ابي اعرف هل انا اوراقي رفعت ولا لأ لان النظام هنا عندنا ماشي عالواسطات بنات الثانوي جالسات على

المكاتب اداريات وانا الجامعيه مستخدمه وكنت حاطه الترسيم امل لي عشان اصير كاتبه ولا اي شي عدا اني اكون

مستخدمه وافتك من هالظلم ))))الي عندهـ/ـا خلفيه ولا معلومه عن حالتي لا يبخل علي الله يجزاكم خير

انتي من المشمولين بادن الله بالتثبيت وطبيعة عمللك جاء عنها ( الذين يزا ولون اعمال لا تتفق مع مستوياتها) يعني تكونين مستخدمة وانتي شهادتك جامعيه وعمللك مستخدمة لا داعي للقلق

ياختي. وشلون. مستخدمه. وانت. معك. جامعه. اقول. انت. واش. طبيعة. عملك.

الله اعلم ان الجامعيه تقصد سادس ابتدائي


وضحي يااخت شهادة سادس او بكاليوس


ارحمو عقولنا شوي



جامعيه ومستخدمه عيت تخش مخي

انتو مافهمتو هي يمكن رضيت تكون مستخدمة وهي اصلا شهادتها جامعية واحينا في بعض الاداراة يعطون عقد مستخدمة لوحدة تشتغل في المدرسة اما كاتبه وو مدخلة بيانات حاسب بس معطينها عقد بند المستخدمين انا اعرف وحدة كانت كذا

لا والله انا اشتغل مستخدمه واقوم بكل مهام المستخدمه من تنظيف وكل شي علما ان شهادتي جامعيه خريجة كليه المجتمع

لاني يوم جيت اقدم على وظيفه تناسب شهادتي قالو مافيه الا مستخدمه وقبلت وقلت خل اصبر وان شالله ربي يفرجها

وبعد كم اسبوع جابو لنا 4 موظفات جدد حاطينهم تبع الحاسب يعني كان فيه وظايف بس للي يعرفونهم يعني شغل واسطات

وبعض من الي جابوهم ماعندهم شهادة حاسب بس حسبي الله ونعم الوكيل

الله يرزقك يااختي ويسخرلك باذن الله عيال الحلال وإنشاء الله انك مشموله بالتثبيت

لييييه مستغربين يااخوات !
اذا هي كلية مجتمع يعتبر دبلووم ماهي جامعة
واذا جامعية من الحاجة ممكن تقبل العمل بوظيفة بمسمى مستخدمة على الاقل راتب يمشي الحال
والله سبحانه عوضها

الله يعينك تشوف الظلم عينى عينك ولا جامعيه تصير مستخدمه
حسبي الله ونعم الوكيل