-
هدايا لدارساتي ؟
يابنات الله يحفظكم طبعا احنا على نهايه العام ودي أكّرم :more12:دارساتي محتاره شو اجيب لهن ؟
طبعا الفصل اللي أدرسه فيه متفوقات يعني سبق ودرسنا صباحي ممتازيين
وفيه دارسات شاطرات ومجنهدات ويريحونا لكن مهو مثل اللي قبل لانهم مدرسوا قبل كذا ولكن يفهمون بسرعه وشاطرات
وفيه دارسات يتعبون كثيرا نجحهم بعد مانعيد لهمالاختبار كم مره يعني بالعافيه ينجحون
وانا ابغى اكرمهم جميعا منعا للاحراج لكن ابي هدايا متفاوته للمتميزات وللمجتهدات و للمكافحات ومحتاره عندي دارسات صغار تحت العشرين وعندي دارسات في الاربعين اعمارهم
ابيكم تعطوني افكاركم وارائكم في الهدايا
اش يحبون ؟ اش اجيب لهم ؟
وبعد وروني هداياكم حق دارساتكم ؟
رح اجيب للتجاوبني هديه حلوه
:more12:
:more12:
:more12:
دعوه من قلبي
-
رد: هدايا لدارساتي ؟
يا اختي انا اخذت الترم الاول للامهات من عند لمسة في مكة صحون تقديم وللشابات اكسسورات و شباصات تقدرين تاخذين لهم الامهات مثلا ساعات يد و للشابات اكسسورات و بالتوفيق
-
رد: هدايا لدارساتي ؟
جيبي من ابو ريالين علشان يتبقي شي من الراتب الشغالة تطلب والعيال تطلب والصيف علي الابواب وكروت الاعراس ملت الدرج والله يعين ولاوالله قدرهم عندي غالي
-
رد: هدايا لدارساتي ؟
المشاركة الأصلية كتبت بواسطة ام دانية http://www.wtb28.com/dc.net.sa-hewar...s/viewpost.gif
http://www.wtb28.com/clear.gif
يا اختي انا اخذت الترم الاول للامهات من عند لمسة في مكة صحون تقديم وللشابات اكسسورات و شباصات تقدرين تاخذين لهم الامهات مثلا ساعات يد و للشابات اكسسورات و بالتوفيق
وش ساعات يد غاليه مره والصحون ملينا من تكريمهن اياه خلي المكافحات عادي بس المجتهدات والمتفوقات حاجه ثانيه يستاهلن
بفكر
مشكوره اختي الله يوفقك
-
رد: هدايا لدارساتي ؟
المشاركة الأصلية كتبت بواسطة الحاير http://www.wtb28.com/dc.net.sa-hewar...s/viewpost.gif
http://www.wtb28.com/clear.gif
جيبي من ابو ريالين علشان يتبقي شي من الراتب الشغالة تطلب والعيال تطلب والصيف علي الابواب وكروت الاعراس ملت الدرج والله يعين ولاوالله قدرهم عندي غالي
وخزياه من عند ابوريالين كل شيء يفشل وش اجيب لهن منه
بعدين ماني متزوجه يعني مافي مواجيب شغاله وزواجات وعيال :sm114:
يالله نحفزهن
بعدين بعضهم تبرد كبدي وتريحني تستاهل هديه من هديه
شكرالك الحاير على مرورك الطيب لاعدمتك
-
رد: هدايا لدارساتي ؟
والله حتى أنا نفسي ف شي مرتب لدارساتي
-
رد: هدايا لدارساتي ؟
حبيبتي ساعات اليد فيه رخيصة بعشرة ريال عندنا في مكة في اسواق الجعفرية وفيه 12 ريال و صحون التقديم مو الكبيرة لا صغيرة ستة حبات ب 12 ريال والله مره حلوة من عند لمسه ولو كانت عندى صورتها لك
-
رد: هدايا لدارساتي ؟
اذا كانوا كبار
جيبي سجادة صلاة .. او مبخره .. او دهن عود / مسك /
.. طقم اشرطه لقصص الانبياء او تفسير للقران ..
القصد شي يحبونه ويستفيدون منه وتاخذين اجر كل من سمع وقرى
!!!
اما اذا كانوا صغار
ممكن كتب الانبياء للصغار عشان خطها يكون كبير ومختصره المعاني
او اكسسوارات / محفظة / شنطه / عطور زي نكتار التقليد .... الخ
!!!
ختاما ..
ربي يسعدك ويدخل الفرحة بقلبك
مثل منتي حريصه على ادخال الفرحه لهم ومشاركتم النجاح
احترامي للجميع
-
رد: هدايا لدارساتي ؟
فيه. ياحبيبتي. طقوم. للبيت. مره. حلوه. واتوقع. انهم. بيحبونها. اتذكر. العام. جبت. لهم. طقوم. من. علئ. كيفك. تجنن. مثل. الكاسات. او. طقوم. صحون. تقديم. فيه. اشكال. تجنن. والله. لو. تجيني. انا. بفرح. بها. هذا. للامهات
اما. البنات. عطيهم. اشياء. للبنات. مثل. تعاليق. جوالات. حلوه. ماركات. او. ميداليات. منقوش. اسمها عليه. بناتي. في. الجامعه. ويحبون. كذا
-
رد: هدايا لدارساتي ؟
هدايا جربتها وانبسطوا منها والله
الحريم الكبار جبت لهم قطع قماش ماكانت غاليه مترها عشرة ريال بس انبسطوا لان فيها تغيير
البنات جبت لهم فواحات للغرف بشموع ملونه بعد مو غاليه وكانت شكلها راقي ب15 ريال بس