يابعد كل القلوب الظامية شوفك هلا
مرحبا عد المزون وعد مانسنس هبوب
من حدود الكون لاطهر موطن فيه انتلا
الكتاب اللي نزل به ذكر علام الغيوب
أزهرت جرد الخمايل بالورود وبالكلا
وانورت أعماق قلبي واسفرت شمس الدروب
عيني اليمنى في بعدك عافها النوم وسلا
وعيني اليسرى تباطت عن كحل دمعي تتوب
عالمي ياكل كلي في مدى الوحشة خلا
لاالشمال يذيب شوقي ولايلملمني جنوب
ولاالشروق بيوم شفته مدة غيابك حلا
ولاتهنيت الأصايل كلها اوقاتي غروب
دنيتي من يوم بعدك يامطر عمري فلا
كنها الصحرا وكني أثلة جردا شحوب
والله لو ماهي الأماني وحلمك بنيل العلا
* مااترك اشباح ابتعادك تاخذك عني وتنوب
ليتك بتبقى ولكن حكمة الله في الملا
ينفرط عقد الشتات وينتثر في كل صوب
ومن هنا لين الموادع لاأسى لاحزن لا
ماأبي ذكر المفارق ياعسى وعده كذوب
ضمني لين ارتويبك واشعر بجفني امتلا
ودي احياك بسعادة واعلن لحزني الهروب
وادفن جروح القوافي دام هالليل انجلا
واكتبك أحلا قصيدة أمتزج فيها واذوب
من بدايات اشتياقي لا نهايات الغلا
ارقصي ياافراح قلبي نبضي الليلة طروب
