من فيكم مشرفة مقيمة قد باشرة من الترم الاول تفيدني
عرض للطباعة
من فيكم مشرفة مقيمة قد باشرة من الترم الاول تفيدني
وشو تبين من مساعدة أنا أقدر أخدمك
كيف سرتي مشرفة وانتي تكتبي (باشرة) بالتاء المربوطة ؟
خلاص ما عاد فيه مشرفه هذا الي سمعت
ههههههههههههههههه
ياحليلكم معلمات وماتصدقون تمسكون على بعض
عدوها ومشوها وش ذا الراتب ينتهي بغمضة عين
والحمد لله على كل حال
شوفي يالطيبة المشروع ناحج 100% لكن لوبس فيه حوافز للمشرفات المقيمات ليكون تعاونهم أشد وتفانيهم بالعمل أكثر إنتاج
المفروض أي إدارة تعمل على توجيه وتدريب المشرفات المقيمات
وهذا المفروض
يعني حاولي يكون اتصالك كثير بالمشرفة والاستفسار عن أي شيء بهذا الخصوص
بالنسبة للمشرفة المقيمة شوفي هذا الرابط يفيدك
حضور الحصص والأنشطة تبع كل إدارة تعميم بهذا الخصوص أما أن المشرفة من حالها تشتغل هذا اللي مايصير
وعلى العموم لو تاركينكم كذا لاتوجية ولا شيء خلي يكون لكِ بصمة في عملك حضور الحصص لأتسوين فيها عنتر بن شداد كل أشوي ناطة عليهم لأتزعلين ترى أنا كذا أسلوبي لو ما أكتب كذا ما أعرف (( يعني لو أنمق ومدري وشو ومدري وشو يضيع الحكي وماكتبت ولا حرف )) المهم يالطيبة أحضري بالشهر لكل المعلمات ثمن اللي تشوفينها تبيلها حضور أكثر أحضري لها مرة ثانية هذا في بداية عملك وبعدين لا .... رتبي جدول لحضور الحصص يعني يكفي حضورك للمعلمة بالترم حصتين ثلاث ويكفي
حضورك للحصص خليه توجيهي أكثر لاتستعجلين بالنقد قدمي الشكر أول ترى النقد هلاك أنا بنفسي أتحطم إذا أحد نقدني
الأنشطة أهم يطالبونكم فيها ودائماً والروتين عندهم درس نموذجي وهلاك للمعلمات المفروض المشرفة المقيمة أهي من تسوي الدرس النموذجي ولا تكثرون من هالحكي خلاص طفشتوا المعلمات
خلي اهتمامك الأول والأخير قياس مستوى الدارسات هنا شددي على المعلمات إذا لأحظتي تدني مستواهم
سوي ملف خاص بهذا الخصوص قياس مستوى الدارسة
أسئلي المعلمات مين اللي مستواها متدني وأنتي اللي تكونين متابعة لهم
متابعة الأنشطة إلا منهجية
إعطاء دورات تثقيفية للمعلمات ضروري وتكفين ركزي على صحوة الضمير والعمل بكل أمانه وليكن هذا أول لقاء بينك وبين المعلمات
فيه أعمال على مستوى المنطقة لكن هذي يبي لها تعاون أعطيك مثال
(( مشروع العمل التطوعي في مجال محو الأمية ))
انا مشرفه مقيمه
من العام الماضي الفصل الدراسي الثاني
اكيد اعطوك السجلات
اول شيء اجتمعي مع المعلمات ووضحي لهم مهام المشرفه المقيمه الي هي دخول الحصص والزياره الاولى توجيهيه والباقي تقويميه
ولابد من متابعة دفاتر التحضير وتوزيع المنهج ودفاتر الدارسات
والدخول للحصه في وقتها وعدم الخروج من الفصل حتى ينتهي الوقت وحتى لو انتهت من شرح الدرس تراجع بعض الدروس التي صعبت عليهم و تسمع قران حفظ لان البعض ما تحفظ في البيت ما عندها احد يذاكر لها تردد معها الايات اهم شيء ان هذا الوقت لصالح الدارسه
تشجعهم على عدم الغياب
وبالنسبه لدخول الحصص ثلاث مرات في الترم لانه مكتوب في السجل ثلاث خانات
والدرس النموذجي مره واحده في الترم والى ترفض ما تجبرينها بس تنقص في الاداءالوظيفي
اي ندوه انتي تجهزيها وتلقينها على الدارسات مثل صيام يوم عشوراء
او التعاميم الى تطلب وضع ندوه لبعض المواضيع الى ترفقها الوزاره وتلقيها على الدارسات
اهم شيء تعاملك مع المعلمات يكون بلطف ولين والابتسامه والتوجيه بهدوء وراح يتقبلون منك
وفقك الله وان بغيتي شيء ارسلي لي بالخاص حياك الله