قالت قصيمي قلت فخر ومعزة *** أهل الكرم والعلم والحلم والباس
قالت قصيمي قصدها بي تهزة *** ماتدري إني بفتخر وأرفع الرآس
الحـــــــمد لله روسنا دوم رزة *** اللي خلقنا بس نحمي له الـــرآس
صافي نسبنا والحسب فيه عزة ***أصل أصيل وفصل العرق دساس
أهل الوفا والدين صافي منزة *** عن كل ماشاب العقيدة من إدلاس
حنا العقيلات إنشدي رجال غزة *** حنا هل الدنيا وللدين حراس
حنا سنايد نجد في كل حزة *** لا خانت حلوق الرجاجيل الأنفاس
حنا جبال يعجز الريح هزة *** حنا لنجد حزام وعصابة الرآس
نارد حياض المرجلات وتلزة *** مانمشي دروب الرذيله والأدناس
من يغلط لسانه علينا نجزة *** والي يحقر قدر الرجاجيل ينداس
منا العدو تكفيه بالعين خزة ***يقضي عليه الخوف مع كل هوجاس
من ذكرنا في قلبه تثور نزة *** من طاري القصمان يبلاة وسواس
نومه كوابيس ووروعه وفزة *** دقت نواجيس الخطر له والأجراس
وأن هو لقى من علينا يوزة *** هون له الصعبات وإبليس خناس
مايدري أنه للمهالك يدزة *** عجل على مبناة يمحى من الساس
يابنت حنا من نخانا نعزة *** يأمن بنا الملهوف وتهابنا الناس
مرسولنا للخير دايم نكزة *** ولصرخه المحتاج نرخي الأكياس
تاريخنا مجد لبسناة بزة *** نمشي بوسط السوق ماندحم الساس
لك ماتركنا بكاس الأمجاد مزة *** واجد عليك ومثلك حثالة الكآس
وش جاب حرالطير لفريخ وزة *** منهو يساوي جوهرالماس بنحاس
لاتحسبين إنك لنا مستفزة *** وش يآخذ الباعوض من ريش قرناس
