عندي راي ربما يكون حل لتثبيتنا الي كل يوم يتعقد ويتصعب
السلام عليكم ورحمه الله وبركاته
أولا أطلب من أخواتي المشرفات أذا ماعجبهم موضوعي يناقشوني مو يوقفون عضويتي ياتقنعوني يا أقنعكم
أطلب من جميع معلمات محو الاميه ياقفون وقفه رجال واحد
الحين الوعد هم وعونا للميزانيه واذا حطينا يدينا على خدنا تطير الطيور بارزاقها وحنا محلك سر
أقتراح ياتوافقون عليه ياترفضون أنتم احرار أقتراحي اننا نسوي أضراب والله والله أن راح ياقف حالهم لا متى وحنا سادين العجز لمتى وحنا مهضوم حقنا أذا موضوع تثبيتنا موضروري وفيه أشياء أهم من تثبيتنا خلينا نوريهم أننا مهمين ولنا مكان وماراح يحسون بوجودنا الا أذا سوينا أضراب وش رايكم حننا نتناقش ونشوف أذا فيه وحده عندها حل تسدحه ونناقشه لحد مانشوف حل لقضيه الشرق الأوسط لان تثبيتنا صار قضيه الشرق الاوسط
رد: عندي راي ربما يكون حل لتثبيتنا الي كل يوم يتعقد ويتصعب
مو الاضراب الحل الحل ان لازم صوتنا يوصل و القرف اللي نعاني منه و الظلم لابد تتضح صورته
من خلال متابعتي لمنتدى البديلات (لسن على راس العمل ) وكانت والله المتابعة من باب الفضول حتى اني ماني مسجل بس ادخل كل ليلة اشوف اخبارهم تعرفون انهم وصلوا الين الملك في البداية كان ينقشون كل خطوة مع بعض في المنتدى بعد كذا سارة المجموعة اللي في الرياض تعمل بصمت وتتطرح لهم النتايج في حال وصل شئ ولا وحده من البديلات اللي في المناطق الثانية تعرف بحكاية موعده لدخول على الملك و نص البنات اللي في الرياض كانو يعتقدون انهم بوصلو برقية وخطاب لديوان الملكي والان انحلت مشكلتهم قابلوا الوزير و الحميدي وراحوا مجلس الشورى وحقوق الانسان و لهم صفحة على تويتر و الفيس بوك شوف قرار التثبيت له سنة من سنة وهم لا على نفس واحد مشاء الله لا قوة الله بلله بصراحة فرحت لهم من قلبي انهم قدروا يحققوا الانتصار و انتزعوا نثبيتهم نحن الان لازم ننتظر زينا زي الالف المثبتين لو سار و ما تغير شئ لابد يكون في خطوة على مستوى التاخير و تحايل على قرار التثبيت الى الان كل المثبتين زينهم زينا ينتظرون
رد: عندي راي ربما يكون حل لتثبيتنا الي كل يوم يتعقد ويتصعب
يااخوات موقلنا هالكلام قبل جدارة تعين وحناجالسين نحتسب الاجروكل ماقرب موعد قصوا علينا بموعدثاني وهلمه جرة حتى تنتهي السنة بس ماحدصدقني ولاحدردعلى موضوعي رسالة الى معلمات محوالامية فخلونا سلبيين ويكفي علينا ايش صاروسمعت وموجهتنا قالت وقال لزوجي والطيور طارت بارزاقها وحنانتناقل اشاعات وخرابيط زيادة وفروقات وعرفت مرتبتي هذا حدنا بهاالمنتدى اما حاجة جدية وحل ينهي معضلتنا مانتناقش فيه نتناقش باشياء جانبية ونترك الاساس بس دام هذا حالنا سلبي اقول يااخوات( يستاهل البردمن ضيع دفاه)
رد: عندي راي ربما يكون حل لتثبيتنا الي كل يوم يتعقد ويتصعب
عزيزتي الخيره فيما اختاره الله انا اشوف انتظرو نشوف السبت العمل بالميزانيه السبت انشاء الله
رد: عندي راي ربما يكون حل لتثبيتنا الي كل يوم يتعقد ويتصعب
جعلهم الله بدرك الاسفل من النار
الله لا يسااامحه ولا يحلله الي وراء عدم تثبيتناااااا
ايش القرف الي حنا فيه
رد: عندي راي ربما يكون حل لتثبيتنا الي كل يوم يتعقد ويتصعب
أنتم وكل اللي عنده السوالف تخلوون الملك يعيييف يصدر أوامر ومكارم بسبتكم ليه شعب ماعنده صبرر
رد: عندي راي ربما يكون حل لتثبيتنا الي كل يوم يتعقد ويتصعب
اصبروا الفرج قادم باذن الله
رد: عندي راي ربما يكون حل لتثبيتنا الي كل يوم يتعقد ويتصعب
اقتباس:
المشاركة الأصلية كتبت بواسطة روح الامل
أنتم وكل اللي عنده السوالف تخلوون الملك يعيييف يصدر أوامر ومكارم بسبتكم ليه شعب ماعنده صبرر
الله واكبر وين المكارم حلات التثبيت بوقته مو بعد سنه ولا حنا عارفين كوعنا من بوعنا
بعدين يا اختي ترى كلمة مكرمة........ هديه خلاص خلونا نشيلها من قاموسنا لان هذا حق من حقوقنا .
رد: عندي راي ربما يكون حل لتثبيتنا الي كل يوم يتعقد ويتصعب
اقتباس:
المشاركة الأصلية كتبت بواسطة عبير55
مو الاضراب الحل الحل ان لازم صوتنا يوصل و القرف اللي نعاني منه و الظلم لابد تتضح صورته
من خلال متابعتي لمنتدى البديلات (لسن على راس العمل ) وكانت والله المتابعة من باب الفضول حتى اني ماني مسجل بس ادخل كل ليلة اشوف اخبارهم تعرفون انهم وصلوا الين الملك في البداية كان ينقشون كل خطوة مع بعض في المنتدى بعد كذا سارة المجموعة اللي في الرياض تعمل بصمت وتتطرح لهم النتايج في حال وصل شئ ولا وحده من البديلات اللي في المناطق الثانية تعرف بحكاية موعده لدخول على الملك و نص البنات اللي في الرياض كانو يعتقدون انهم بوصلو برقية وخطاب لديوان الملكي والان انحلت مشكلتهم قابلوا الوزير و الحميدي وراحوا مجلس الشورى وحقوق الانسان و لهم صفحة على تويتر و الفيس بوك شوف قرار التثبيت له سنة من سنة وهم لا على نفس واحد مشاء الله لا قوة الله بلله بصراحة فرحت لهم من قلبي انهم قدروا يحققوا الانتصار و انتزعوا نثبيتهم نحن الان لازم ننتظر زينا زي الالف المثبتين لو سار و ما تغير شئ لابد يكون في خطوة على مستوى التاخير و تحايل على قرار التثبيت الى الان كل المثبتين زينهم زينا ينتظرون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
بيض الله وجهك دام تريدين الإقناع اسمعي يالغلا .. والله اللي شايفته أضراب سالفة أقطعيها من جذورها والله لاأنا ولا كل
من وصل له هدف أبو متعب الحاني ..هذا جزاته يوم طلب تثبيتنا من ذل العقد ونتايجة الويخيمة من اضراب ومظاهرات وتجمعات
و.... وكل مانشوف نتايجة في بلاد غيرنا ... يابنت الإضراب عوايد دخيلة ماعرفانها من صغرنا ولاسمعناها من أبوي وابوك والى يومك هذا إلا من بعد عادات دخيلة طز وش همهم دلهم وماهم ناكرينه ... يابنت اتركي عنك صغر الكلام وكبر افعالة .. ترى أبو متعب مايرضيه هالكلام وقف مصرح لنا بحبه وحنانه والكل هب وصاح ياحظكم بملكم ... بكيت وبكيتي وبكى كل صغير وكبير وكل مريض وسليم وكل فقير ومحتاج وحتى المقيم صاح أبي وأبي يوم شعر بحبه الصادق وحنانه .. هذا جزاته هذا جزاته يوم اكسروا كلمتة الأنذال منهم الحاسد ومنهم الفاسد يبي يحقق مرادة الشين ... أبك والله لصبر لين تجي القرارات لأجل عينك ياأبو متعب كل شيء ينهان .
اللهم طول بعمر أبو متعب ومده بالصحة والعافية اللهم آمييييين
المهم يابنت اللي تشعرين فيه نشعر فيه وبعدين فيه طرق ثانية وثالثة ورابعة توصل أصواتنا وترد حقوقنا بس ننظر للأسبوع الجاي وبعدها ناخذ بالأسباب بدون اضرار ونتوكل على الله .. واذكرك إني معاك ومع كل مظلوم ومظلومة ...
رد: عندي راي ربما يكون حل لتثبيتنا الي كل يوم يتعقد ويتصعب