يخسى والله اللي يبغى يتلاعب بأمر أبو متعب أمر طويل العمر نافذ نافذ

اقتباس:

---

المشاركة الأصلية كتبت بواسطة خريج الأدب

السلام عليكم ورحمة الله وبركاته
آسف على التأخير ،،،
بعد انتهاء اجتماع يوم السبت مع الفهيد لم أكن فرحاً لما سمعته من الفهيد ( مثلكم ) فكلامه كان يعني بالنسبه لي ( المزيد من الوعود والمماطلة*حتى ينفذون اللي يبون * ) .
كان ودي نروح للملك لكن الشباب منهم اللي حاجز بنفس اليوم ومنهم اللي عنده موعد بالمستشفى واللي بيمسك خط للشرقية او الجنوب .... والناس بظروفها
المهم افترقنا وانا والله متخاسر الـ ٥٦٠ حقت الرحلة من والى الرياض بدون فايده !*
ما لكم بطوالها ....
يوم الأحد رحت للوزارة قبل الظهر ، كلمت الاخوان وسلمتهم المعروض ، قالوا تقابل الوزير بعد الظهر وتشرحله وضعكم ،،،
رحت لمكتب الحميدي ، وقالوا انتظر الحميدي مشغول بالميزانية ، انتظرته اكثر من ساعة بدون فايده ،،
تركته ورحت لمكتب السبتي قالوا ماهو فيه ..
رحت لنائب الوزير لشؤون البنين آل الشيخ ،،
رفض السكرتير يدخلني عليه يقول عنده اجتماع مع الفهيد ،، قلت تكفى انا أبغاهم سوا ، موضوعي عندهم ، رفض !!
يازين يا شين ، قال والله لو يجي الحميدي ما دخلته .. ممنــوع !
انتظرت حتى الساعة 1:45 ما طلعو .. تركته ورحت لمكتب الوزير ..
نزل الوزير ، وجلسوا ينادون بالاسماء ..
جاء اسمي وجلست معه ودار بيننا الحوار التالي :*
أنـا : السلام عليكم*
الوزير : وعليكم السلام ، مرحبا*
وأخذ يقلب ويقرا أوراقي ..*
الوزير : محو أمية ؟
أنـا : ايه نعم*
الوزير : طلباتكم ؟
أنا : حنا معلمين محو الأمية نطالب بتنفيذ الامر الملكي بتثبيتنا ..
الوزير : تثبيتكم ؟ أنتم صدر لكم أمر بتثبيتكم ..
أنا : صحيح لكنه له أكثر من ١٠ شهور وهم يأجلون ويتلاعبون فيه والى الآن لم ينفذ !
الوزير : ليه انت ما تثبت ؟ إش المشكله ؟ وش قالو لك ؟
أنا : مو أنا ، كل معلمي ومعلمات محو الامية في المملكة العربية السعودية ما جاهم التثبيت مو بس أنا !!*
الوزير : انتم الى الآن ما تثبتوا ؟؟!!!
أنا : لا والله ... الى هالحين وهم يماطلون ..
الوزير : لا لا ابشروا بكل خير*
أنا : سمو الوزير ، أمر الملك تلاعبو به وفسروه زي ما يبغون هم وتقول لنا أبشرو ؟
الوزير : من اللي يتلاعبون هاذولا ( بزعل شديد وتغير ملامح وجهه *�� )*
أنـا : اللي من المفروض ينفذون الأمر الملكي هم اللي قالوا ( تثبيتكم مو مكاني ) ، وهم اللي قالوا تثبيتكم يمكن مو الميزانية هذي !!
ياطويل العمر حنا تضررنا وانظلمنا .. وانا جايك من مكة وابغاك تنصفنا ..
الوزير : أنت وش اسمك؟ ( وهو يناظر الاوراق )
أنا : سامي الحربي ��
الوزير : يا سامي إنت تسمعني .. ( يخسى والله اللي يبغى يتلاعب بأمر أبو متعب أمر طويل العمر نافذ نافذ ، ولا أحد يتجرا )*
أنـا : بس هذا اللي نبغاه .. يتنفذ أمر ملكنا الله يطول عمره ، تثبيت فوري ومكاني ..
الوزير : مالكم الا اللي يرضي الله ويرضيكم ..
أنا : بيض الله وجهك ورحم الله والديك ..
بس معي هالاوراق أبغاك تّطلع عليها ..*
الوزير : أنا والله مامعي وقت هالحين ، لكن خذها ياسليمان ( واحد وراه ) ..

طلعت من عنده أنا وسليمان هذا .. ( الصراحة ماني متأكد من اسمه )

يتبـــع ..

خرجت أنا والرجال ..
علمته بالاوراق اللي طلبها الوزير بس قلتله التقرير يبغاله تنسيق واضافات وحذف ، لكن ابي انسقه وارسله لك ..
قال نسقه وخذ رقم فاكس الوزير ارسله عليه ،،،
وسجل رقم القيد في المعاملة السابقة

---

منقووووووووول من منتدى خريجي اللغة العربية

الله يعطيكم العافية

غريبة وزير التعليم بكبره مايدري عن موضوعنا ؟!!!!!! وين عايش فيه

هههههههههههههههههههههههههه لا والله جانا التثبيت الوزير ما يدري عنا ولا عن اوامر الملك !!!!!!!!!!!!!!!1

الله يفرح قلبك يا سامي زي ما فرحت قلبنا ودخلت عند هذا الوزير

ياناس يا اخوات افهموها بلاه وزير وما يدري
واقسم بالله انه يدري بس يعرف يمثل افضل من كل الممثلين بالعالم
ولا كيف يتغير وجهه
لا تمثل و لاتلعب دور البريءمن الذنب
والله انهم مثل اخوة يوسف وازود منهم
حسبي الله عليك من ممثل

الوزير : انتم الى الآن ما تثبتوا ؟؟!!!


ان كنت تدري فتلك مصيبةى و ان كنت لا تدري فالمصيبة اعظم

لاحول ولاقوة الا بالله
كيف مايدري عننا ؟؟
مو احنا من منسوبي التربيه والتعليم اللي هو وزير لها ؟؟
انا متأكده انه يدعي الجهل بأمر تثبيتنا حتى ينهي المقابله مع المعلم بأسرع وقت
لان ماعنده وقت للاخذ والرد وكثرة الاستفسارات
فاحب ان يتقمص دور البريء ~

شكرا لمرووووور الجميع

اقتباس:

---

المشاركة الأصلية كتبت بواسطة خريج الأدب

نقاط هامة :

١- هذه الخطوة الأولى ، ولا بد لنا من تكثيف الزيارات للوزارة وخاصة الوزير ..
٢- الوزير في قمة الأدب وسعة الصدر ، ولكنه لا يعلم بما يفعله الحميدي والفهيد من تحته .
٣- الوزير يستقبل المراجعين يوم الأحد ، وتسجل المواعيد قبل الظهر ..
٤- لا بد من ارسال مئات الفاكسات يومياً على رقم الفاكس الخاص بالوزير ، كي يكون لنا صوت قوي بالوزارة وبالتالي يحسبون لنا ألف حساب
٥- الميزانية جات للوزارة ، من يوم السبت والآن هي مسؤلية الحميدي فلنكثر الزيارات له ..
٦- هدفنا الآن أن يضغط الوزير على الحميدي والوزير وسنكسب القضية باذن الله ..

---

الوزير يستهبل
السعوديه كلها عرفت بأمر التثبيت حتى العجايز بحارتنا عارفين
ههههههههههههههههههههههههههههههههههه
ياناس حدثوا العاقل بما يعقل .
الموعد السبت امام امارات المناطق