حسبي الله ونعم الوكيل
عرض للطباعة
حسبي الله ونعم الوكيل
كشكول ..
مرره تقولي كذاب و اني اتوهم و مره انا في الوزارة و انا بروفين
خلك على وحدة منهم عشان اعرف اتفاهم معاك ههههه
يعني تتهميني بكلامك و تقولي ارتقي بالحوار
لكل مقام مقال يا معلمة ..
و خلك من الكلام و الخرابيط الي تقوليها ..
انا ما قلت مافي عقود و سالوني كم مره زميلاتك على العقود قلت ما عندي خبرها و لا ادري عنها
و موضوعي المثبت موضح في احد الردود بالتفصيييل
ولو انت كبيرة في السن و ما تفهمي بسرعة هذة مشكلتك ماهي مشكلتي
اما كلامي كان اوضح من الشمس
و انا على قولك ما تصدقي كلامي منت مجبرة تقرأي مواضيعي
قولي لي شي واحد انا ذكرته و ما جاء صحيح
ولله الحمد كل اخباري انا مصدرها ههههه
و بالنسبة للدعوات الله مقسم الارزاق مو امير الذوق
و اعتقد هذا اخر رد عليك .. لانك انسانة على كلامك انك دخلتي مجال التعليم قبل اولد
اعتقد تقديرا و احتراما ما ارد عليك و اتقبل كل كلمة منك
و كلامي السابق كان للتوضيح لا اكثر انك انت الي غلطي علي
و اسف من جديد احتراما لعمرررك
سهام الليل لاتخطى
روح الامل ..
الموضوع الجديد مثببببببببت الحين
الخبر الي قلته انتهى
ولو تثبتوكم بعد سنة انا ما قلت تثبيتكم شهر معين
انا تابعت معاكم الخبر المذكور لا اكثر
انا لليوم ما قلت متى المباشرة اجل ليش تنتظر لاخر ٨ هههه
سعودية طموحة
وش مستخبي وش الي بان .. الي ذكرته في هذا الموضوع ما اعتقد في شي كذب ههه
صدقوني يا انا غلطان في الكتابة او انتوا حرام تكونوا معلمات لانكم ما تفهموا ههههههههههه
المقصد البعض و ليس الكل ..
معقولة الفهم معدوووم لهذة الدرجة ههه
بصراحة انت امير الذوق ولا أميرة الذوق نفسي اعرف وإحساسي دائم صااااااااااادق
كتابة في المنتديات ماتفيدنا خلونا نتفق على شي خلوا راينا واحد
الحمد لله
جزاك الله كل خير
المشاركة الأصلية كتبت بواسطة أمير الذوق http://www.wtb28.com/dc.net.sa-hewar...s/viewpost.gif
http://www.wtb28.com/clear.gif
كشكول سلامات ..
تعبتي يدك هههه مسكينة و الله و انا ما راح اتعب نفسي
على قولك ماصار من كلامي شي ..
اجل اسمحي لي انت مريضة نفسياً
ههههههههه
ههههههههههههه
مع احترامي الشديد لك يا امير الذوق وانت ما تقصر تحاول تدخل الفرح لقلوبنا
بس والله والله والله انها صــــــــــــــــــادقــــــــــــــــــــــــــــ ـه بكل كلمه وحرف كتبنه
اقسم بالله العظيم انها انسانه متعافيه وصادقة وهي أصدق من جميع موظفي وزارة الجهل والضلال وكلامها سليم بسليم وواضح وضوح الشمس
وهي والله ما كتبت كذب هي كتبت بسب حرقه في قلبها
امير الذوق يقول المثل النار ماتحرق الا رجل واطيها : والنار ما تحرق الوزير ولا الموظفين تحرقنا حنا المعلمات ندواوم بين الشمس المحرقه نداوم بين المطر والصواعق والرعود والبروق القويه نداوم بين الغبار والعواصف هذا من غير دفع اجرة السيارات لدوام والرجعه .
انا اقرب مثال داومت الفتره الصباحيه 10 سنوات طلعت جبال ونزلت اوديه ودرست في قرى وهجر بعيده وداومت 2 سنوات مسائي .انقلبت اشكالنا من الشمس ورق لحالنا القريب والبيعد .
امير الذوق . في قلبي غصه لا يعلم بها الا الله تعبت امي وتعب ابي وهو ينقلني من مدرسه الى مدرسه ويدفع من جيبه ايجار السيارات .
ويوم امر الملك عبدالله بالتثبيت كان فرح امي وابي اكبر فرحتي به
وانتظرنا كثير ولكن لا حياة لمن تنادي
وفي كل يوم وابي يسألني هاه يام سعود بشري مامن خبر زين اصبر اصبر هااااانت .
واتدري ماذا حصل مرض الغالي ابي وصار في غيبوبه من اثر جلطه ولم يطعم فرحه التثبيت
وامي الحبيبه مريضه ودائماً وانا اقول لها اصبر ييجي التثبيت وانا واستلم الراتب واسفرك الى احسن المستشفيات للاعلاج
واليوم اتفاجئ بالعقود .هل هذا هو الجزاء لنا
حسبي الله ونعم الوكيل على من حرم ابي فرحه التثبيت حسبي الله عليه قادر الله جل وعلا ان يحرمه اعز عزيز على قلبه وان يذيقه طعم المر الذي تذوقه كل معلمه .
ماذا ستقول عني مريضه نفسياً والله ان الاستاذه كشكول من اصح المعلمات وان المرض النفسي سكن وزير الجهل والضلال
الله يشفي والدي ووالديك يا ام سعود
كلامك طالع من قلب فديتك يا عسل
اللهم في هذه الساعة المباركه اسألك يا حي يا قيوم يارب العرش العظيم ان تشفي والد ام سعود شفاء لا يغادر سقما
وان يرزقها رزقا حلالا طيبا وصل اللهم وسلم على نبينا محمد وعلى آله وصحبه أجمعين