رد: اكتب بيت شعر يعبر عن حالتك النفسية
لا قدر الله ثم رمتك المقادير ... الرجل منهم وقفته لا وقفها
تسوا لها فزعة صفوف و طوابير ... ما هوب لا شاف الصمايل حرفها
يقلط على الشدة كما سالم الزير ... و تامن به الديرة و هو في طرفها
لا من زهمته قام يشتح كما الطير ... لا ضف جنحانه و كفه عكفها
و الرفقة اللي ما تدلك على خير ... الله يلعنها و يلعن جدفها
رد: اكتب بيت شعر يعبر عن حالتك النفسية
يااازين سجااات القدم وقت الامطاااااااااار
وهذا حالي هالشهر واحلي شهر
ياربي لك الحمد
رد: اكتب بيت شعر يعبر عن حالتك النفسية
وما أحر من دمعه الرجال على فرقى مره غير دمعه المره على فرقى رجلها والمشكله لاصارت تحبه وتغليه وعزت نفسها فوق كل شي وهي دوم تذكره وكل ماتنادي واحدن من اعيالها تطريه وتنسى اسم عيالها وهي مانسته حسبي عليه كانه عذبني طاريه وحسبي علا من حير دمعي بين رمشي وحجره
رد: اكتب بيت شعر يعبر عن حالتك النفسية
يابخت من ضآق يكتب "قصيدهـ"..
مير البلآ لا من غدى شعرنـا " هم "
نكتب ونرجع مآ كتبنآ نعيدهـ..
"آحساسنآ "مهمآ شرحنـآه مآ "تم "..
رد: اكتب بيت شعر يعبر عن حالتك النفسية
شفني جسد من هزتك صرت مذبوح
دخيل رب البيت لاتقتلني
يكفي ويكفي ماحصل لي من جروح
انا بشر مخلوق من صلب طيني
رد: اكتب بيت شعر يعبر عن حالتك النفسية
القنآعه كنز لو حلمك كبير
عيش وقتك وآغتنم فرصة عمر
كل مآ تملك من الخير الوفير
شي مؤقت والحقيقه مآ تسر
رد: اكتب بيت شعر يعبر عن حالتك النفسية
على ذاك الطريق الي يسمونه غرام احباب
وطت رجلي على دربه ولا ادري وش نوى فيني
تبعته لاخر دروبه لين ان القمر قد غاب
تعب قلبي ولا تعبت مسافات توديني
لقيت الليله الجردا هدب وظل وسما واعشاب
بعد ذاك الظلام الي توهني عناويني
صدفتك معجبه فيني وياليت الغرام اعجاب
وتراك انتي الهنوف الي هقيتك تستحقيني
عطيتك عشق من قلبي وسلمت لغلاك ارقاب
وغيرك يحترق قلبه ولا يقدر يحاكيني
رد: اكتب بيت شعر يعبر عن حالتك النفسية
مهما حصل مهما يصير
أنتي وأنا نفس المصير
ايم سوى دايم سوى
نمشي المحبة للأخير
ماهمنا قول العذول
خله يقول اللي يقول
منا أبد لا ما يطول
توه على الفتنة صغير
لو غبت عني يالحبيب
طيفك معي لا ما يغيب
من خافقي دايم قريب
ولك في الحشا قدرٍ كبير
روحين نسكن في جسد
قلبين يجمعنا العهد
حلمين ظللنا السعد
طيرين بالفرحة نطير
تشتاق لي وأشتاق لك
تحتاجني وأحتاج لك
أطلب عيوني جاتلك
تستاهل وماهي كثير
أنت المزن أنت المطر
أنت أحلى أوقات العمر
أنت الحدايق والزهر
أنت الشموع اللي تنير
أنا الفضا وأنت الطيور
أنت الشعر
وأنت الشعور
أنا النحل وأنت الزهور
أنا الظما وأنت الغدير
أنتا لي الماء والهوى
أنت الشفى أنت الدوى
أرتاح لا صرنا سوى
دامك معي فآنا بخير
أنا الغريب وأنت الوطن
أنا الطفل وأنت الحظن
أنا الثمر وانت الغصن
أنا العمى وأنت البصير
أنت الوحيد اللي أبي
أنتا مناي ومطلبي
يشهد علي رب ونبي
أنك الأول والأخير
رد: اكتب بيت شعر يعبر عن حالتك النفسية
رد: اكتب بيت شعر يعبر عن حالتك النفسية
كان حلمي في وجود انسان يبكي لابكيت
وصارحلمي في وجود انسان يفرح لافرحت
كنت اشوف الناس مثلي كل ماجعت وضميت
ومادريت ان الاوادم ناس فوق وناس تحت