اللي مايبون دوام العصر وش مبرراتهم ووش عذرهم ..............................؟؟؟

سؤالي استفهامي واستنكاري وكل أنواع الاسئله والله اني مستغربه وميته استغراب

أنتم زي اللي يقولون له دوك خير قال مامن مخبى

من جد ياعلم ياهوه يا أوادم فتحو معاي شوي وركزو قبل تردون وافهمو لاتردون علي العنوان بس اقروا لي اخر الموضوع

الحين تثبيت وتثبتنا وصار لنا رقم وظيفي يعني مستحيل يلغى تثبيتنا أو يتغير شي بوضعنا وبما أن لنا رقم وظيفي في الخدمه فعلاوتنا بتصدر كل سنه وخدمتنا محسوبه

لانا موظفات مو قبل كنا عقود وعشان كذا علي كيفهم ناس يحسبون وناس لا

يعني ظمنا الرقم الوظيفي والعلاوه السنويه والخدمه في الدوله

وقالو لنا بنثبتكم مساااااااااااااااااء يعني بس ساعتين وربع بس بس متخيلين انتم

لا إذاعه أنتي مسؤله عنها ولا مناوبه صباح وظهر ولا نشاط "جمعيات سابقا" ولا اطباق خيريه ولا موجهات ومديرات تعاملهم الله بالخير

هذا غير نصابك اللي يتهاوشون عليه المعلمات كل بداية سنه كل وحده تبي مرحله معينه ماتبي غيرها وكل وحده ماتبي حصتها السابعه ولا الاولي و و و والاحتياط اللي معاد

صار احتياط صار لازم يفعل بحقيبة انشطه وتعلمينهم وش سويتي موب زمان تسحبين الكرسي وتقعدين عند الباب هذا غير الفصل اللي واصل الباب من الزحمه وهالجيل من

المراهقات اللي لا حيا ولامروه

أنا أتكلم من واقع تجربه أخر مره كنت بديله عام 1430 وتركتهم ورحت للأميه مع فرق الراتب وبعد المسافه لكن الله يحلل حريمنا عند هالنماذج اللي شفتها

الصبح كررررررررف موب بس حصصك ومادتك إلا عمل فوق عملك وتعب وضغط توصلين البيت تدورين الفراش مهدود حيلك هد ولاتصحين الا المغرب واذا صحيتي حضري ودوري وسائل تعليميه

واختبارات دوريه واساليب جديده بالتقويم لانعرفها ولاعاشرناها

مع كل هالتعب والغثا تهاوشون وتحلطمون في كل زاويه من هالمنتدى تقولون مانبي العصر من جدكم انتم احد يحصل راتب ووظيفه ساعتين وربع ويقول لا

لاتتحججون بسالفة موب حاسبين مافيه شي اسمه موب حاسبين خدمتنا والا علاوتنا خلاص مدام لك رقم وظيفي كل حقوقك بتوصلك كامله ولاتتحججون بسالفة اذا خلصت الاميه وين بيحطونا

بيحطونا بالقطاعات هذا شي مفروغ منه الحين المدن الرئيسيه استوعبت هالكم الهائل من المقولات خارجيا بتعجز عنا........؟؟؟؟

بعدين هذا كلام المسؤلين التثبيت مكاني حسب القطاع يعني اللي بالرياض بالرياض واللي بجده بجده

بعد كل هالكلام وش فيكم ع المسائي أحد يكره الراحه والدوام القصير ويدور الشقا والعنا؟؟؟؟

أنا عني اتمنا العصر مع اني انجليزي واذا جلست مسائي بنكرف بين 3 مدارس بس راضيه وموافقه اقلها مرتاحه نفسيا

بالله عليك ، مصدقة إنتي إنهم بيتركونك كذا

إحنا عارفين لهالوزارة وحركاتهم عشان كذا مانوافقهم ، ماينضمنون

الحين حسدو المعلمين وخلو إجازتهم شهر واحد بدل ثلاث شهور ، تبينهم يسكتون عليك في عصريتك ، إلا بيعصرونك لين تطلع عيونك

الحمدلله الذي بشكره تزيد النعم

شلون يعني بيتركوني كذا

أنا عارفه إنهم ماراح يتركوني النصاب 12 حصه اللي أقل عندها برامج محو الأمهي كثيره

مجتمع بلا أميه

وزاره بلا أميه

مشرفه مقيمه

تندب لدور التحفيظ

وأكيد إنهم بيخلقون برامخ جديده في الأميه مدام راح نتثبت عليها

الشي الوحيد اللي ماراح يسوونه وهذا كلام فوزيه الصقر هو إنهم يخلونا نمسك صباح وعصر وهذا اللي كان الجدال عليه

يعني اللي بالعصر ماراح تندب بعض الأيام صباح عشان تكمل النصاب تكمل نصابها بالعصر في البرامج المختلفه

والدوام اكيد بنكون زي الصباح نعامل معاملة معلمات الصفوف الأوليه يعني اجازتنا زي كل سنه مافي تغيير

وما استبعد إن الدوام يزيد والحصص تزيد عشان التثبيت يعني يكون الدوام 3 ساعات مثلا وتزيد الحصص لكل ماده عشان يكتمل النصاب

ومع كل هذا أفضل بكثير من الصباح

صح لسانك راضيه مرضيه والله نبح صوتي وانا اصايح ياعالم لاترفسون نعمتكم برجلكيم المصيبه والله زميلاتي وكل الي اعرف يبون مسائي ومباركين هالخطوه لكن ماهم راعين نت ومايفضون هالملسونات هالفئه القليله هي الي دوشتنا وتلقينهم نفس الاسماء هنا وفي منتدى الكبيرات نفس هالاعداد الي تنعد على الاصابع تنابح في كل مكان وتصايح وحاطين شوشرهم وهم ينعدون عد حسبنا الله ونعم الوكيل

يابنات أعتقد فيه خطط مستقبليه كبيرة في تعليم الكبار / منها راح يغيرون المناهج / فتح قسم خاص بالجامعة لتعليم الكباروالتعليم المستمر
ومن المفيد التفرغ لا العمل بدوامين ولا العمل بنظام المكأفاة

مصلحة العمل تقتضي ذلك

من الأفضل الأستمرار مع من لديهم خبرة لا من يكون جديد على هذاالمجال

أنتم تدربتم وتمكنتم غيركم ماينفع وأهم ماراح يضيعون الوقت في التدريب

واهم شيء في الموضوع قالوا لكم من تكون في قريه ماراح يكون دوامها فيه تكميل لأن مافي القرية إلا مركز واحد فقط

هذا عمل لو كل مايواجهنا نظام يخدم الصالح العام نعارض الأمور ماتضبط

صدقوني تثبيتكم بعدد ساعات أقل وراتب رسمي أمر تنفيذه إعجاز شيء محسودين عليه عشان كذا ماراح يخلونكم الرسميات اللي في الصباح في حالكم

عدد ساعات أقل وراتب زيكم زيهم أف أف

وغيرهذا اخ بس لو تشوفون أعداد المتقدمات عندناعلى العمل بمكافاة من معلمات الصباح تثبيتكم في المساء خرب عليهم
وظيفة وراتب عفواً أقصد راتب إضافي

نصيحة بنات خلوكم مع النظام خلاص مسائي مسائي لاتشوشرون على أنفسكم والله والله فيه من يسعى لمصلحتكم وأنتم ماتدرون

وياعالم مع الأيام الجاية وشو راح يصيرأو وشو ينزل من قرارات أو أنظمة

الداعيه الى الله وجهوني صباحي وانتهى الامر خربتها هالفئه ادعي عليكم والا وش اقول ماقول الا حسبي الله الذي لااله الا هو عليه توكلت وهو رب العرش العظيم

وشلون توجهتي صباحي ومن متى ؟
إدخال الرغبات يمكن عشان يكون فيه إعداد كبيرة راح يتحولون صباحي بالمفاضلة

وهذا بعد حصر الأعداد للمعلمات والحاجة الفعلية للمراكز

وبكرى وين فيه قالوا لكم تداومون

الله تعالى يكتب لنا الخير ويعطينا خير التثبيت و يكفينا شره امييين

وجهوني الان برساله المباشره غدا وباسم المدرسه انا بالرياض حسبنا الله

اسامة انتي مؤهل ثانوي ولا بكالوريوس واي منطقة

معلمه بكالوريوس الرياض

معليش اخت راضية محد يكره الراحة والدوام القصير بس الراحة النفسية لها دور وحسن التعامل كمان
كونك مرتاحة في محو الاميه ولاقية مديرة تعاملك باحترام وتقدير الله يوفقك ويسهل امورك
بس غيرك متضرر اعداد دارسات هائلة ومعاملة سيئة ولا كانك معلمة مناوبات وانشطة واحتياط
مثل الصباح بالتمام لا تفرقة في الحصص معلمات يكرفوا بال 15 حصة ومعلمات على 6 و 9 و 2 حصص
لا وتتساووا في الاداء الوظيفى ففى الحالة هذه دوام الصباح في نظرى افضل على الاقل تلاقى شوية
تقدير واحترام ... وفي النهاية ربي يختار الطيب للجميع

و من قال إنهم ما راح يخلونا نكمل النصاب من الصباح ؟؟
صديقتي أجبروها على إكمال النصاب في الصباح
يعني تداوم يومين عصر و ثلاث أيام الصباح
غير إننا لم أتخرج من أجل أن أُدرس تخصص غير تخصصي
أدب إنجليزي و عقد مجتمع بلا أمية !!!!!!!

والله انا و زميلاتي كلنا ما نريد دوام الصباح نريد العصر
و لويخيرونا يكون افضل

وانا وجهوني صباحي وكل منطقة جيزان دبلوم وبكالوريوس

وحنا الثانويوين وجهونا صباحي ولا مسائي

فرحنا لما قالوا انهم راح يثبتونا في المساء خاصة معلمات البكالوريوس فرحة لاتوصف لكن للاسف في بعض المعلمات عندهم جهل الى الان في موضوع التثبيت على بالهم انه معلمات الصباح اكثر حظا ونصيب وظلوا يتفننوا في اساليب الاستغراب والاستنكار والحين تركنا المكان اللي ابدعنا فيه سنين واثبتنا فيه جدارتنا ووضعنا بصمة لنا فيه... سنين انقضت من عمرنا في هذا المكان ....... اتمنى من الله ان يوفقنا في طريقنا الجديد وان يسخر من يكمل مسيرتنا بمحو الاميه ..

وينكم من زمان ماشنتوا مثلهم حمله يوم طارت الطيور بارزاقها جيتوا تندبون بح حلقي وانا اقول المسائي افضل مليون مره ولاتخربون علينا خلونا في محو الاميه الي تدعي والي تدخل على موقع الكبيرات تسب الاستاذه فوزيه وتدعي عليها عجبي ؟؟؟؟؟؟؟؟؟؟

بالعكس انا افضل وابغى دوام صباحي ياليت بس احد يحولني صباحي

اذن لا بد يكون الموضوع اختياري و ليس جبري
انا معلمة انجليزي و عندي 3 حصص في مدرسة اريد ان اتولى ادارة المركز اللي انا فيه
بالاضافة لحصص الانجليزي
كذلك بالنسبة للمعلمات الباقيات من ترغب ممكن تمسك ادارة المركز بدلا من ترشيح معلمات من الصباح

اقتباس:

---

المشاركة الأصلية كتبت بواسطة نردينه

وانا وجهوني صباحي وكل منطقة جيزان دبلوم وبكالوريوس

---

من قال وجهووو الدبلووووم فين وجهوكم ...ماجانا شي لذي الساعه