ألغاز الوالده الله يحفظها

طبعا الالغاز بالعامية نقدر نسميها لغز الاربعات :

الاول: اربعة مع اربعين فوق ضليع مشرفين ليا دنق واحد دنقوا كلهم ؟؟؟؟؟

الثاني : اربع وقوف و اربع صفوف واحد ينادي بالمعروف؟؟؟؟؟

الثالث : اربع سبح و اربع طفح و اربع يمشن مع الوادي؟؟؟

هناك المزيد لمن يريد

روووووووووووووووووووعة الالغاز بس شنو حلهن

لسة بدري اقول الحل خلي فرصة لغيرك عشان يفكرون وووووووووين هواة الالغاز؟؟؟؟؟؟؟؟؟؟؟؟؟؟؟؟

اول وحده الرموش والباقي ماعرفتها ماخليت ولا عجوز الا وسالتها

الثاني والله اعلم ( الهاوند )
الثالث والله اعلم ( الناقة )

اه اه اه ياراسي ودي اعرف الحل تكفين كم رقم جوال الوالده بكلمها تعلمني

>>> متابعة .. وبدور الحل وارجع عليكم ,,

سلمي ع الوالدة :)

لي عوده ان شاءالله
راح اسأل امي عنها يمكن تعرفها
لا يالود لا تقولي الحل خلينا نفكر شوي ..
والله يعطيك العافية

ودودي حبيبتي ياقلبي ارسل الحل علي الخاص اليوم
دقيت علي عجوز من جماعتنا بحفر الباطن عمري ماكلمتها
ولا قولي وشي صار رد ت بنتها وبعد ماسلمت عليها قلت اقدر اكلم الوالدة بسالها عن لغز
وقالت امي توفت من شهرين وانكتمت وستحيت وقلت يوه مادريت الله يرحمها
يلعن ام الفشيله

الود الاصيـل


الالغاز باين عليهـا من العهد القديم ولكـن لو صار فيها توضيـح يمكن نقدر نحلهـا
ممكن توضيـح اكثـر للالغاز ..

اختي الود

الثاني : اربع وقوف و اربع صفوف واحد ينادي بالمعروف؟؟؟؟؟
يمكن :
الاسنان
واحد ينادي بالمعروف مو اللسان ..
ماادري اذا الحل صحيح او لا ؟؟
والباقي قاعدين نفكر فيها ؟؟

طبعا الالغاز مغبرة بس هذي حلااتها
بكرة اقول الحل وترى اللغز الاول وفقت الاخت ((الغلا والحلا)) في حله
والله يرحم العجوز اللي دورتيها تفزعلك ويرحمنا جميعاً وشكرا على جهودك و ترىsmsm قريبة من الحل بس بشويتة تفاصيل

ملاحظة الالغاز للتسية و الهواة يعني مافية جوائز عذرأ

أربع وقوف = الدلال
أربع صفوف = الفناجين
واحد ينادي بالمعروف = النجر

[frame="4 80"]احسنت[/frame]
هذا الحل ولابلاش بقي الثالث لأن الاول انحل قبل وهي الرموش اما الاخير فهي الناقة اربع سبح هي الركب واربع طفح هي ضرع الناقة و اربع يمشن مع الوادي هي حوافرها

الغز الجديد :
ابيضاً جانا يهيف مع رويعات الرهيف يا هبيل القلب معرى

نبات القبا يعيش في الصحراء

لالالالالالالالالا بعيدة

الغيم والمطر

الهواء البارد.. ولاالبرد اللي يجي مع المطر ,,

لالالالالالالالالالالالالالالالالالالالالالا ركزوا

الكما الفقع

لالالالالالالا ابسط لكم الجواب بنفس اللغز

كلمه معري

عليكي نور وسبعة قدر

نور بوجهك

لكن وشو المعرى (((معلومة تراثية ))) هو الحلقة المعدنية او الجلدية التي يربط فيها الشداد فوق ظهر البعير !(((ماهو الشداد)))هو نوع شبيهة بالحقائب يصنع من الصوف لحمل الاغراض عند الشديد اي الرحيل.اتمنى تستفيدوا فالتراث القديم شئ رائع و انا من محبي المعلومات التراثية والقديمة فمن لديها اي معلومة او اسم اداه قديمة تفيدنا فأنا اعتز بهذا التراث ودمتم سالمين.

الله يعطيك العافية ويحفظ لك الوالدة

اللهم آمين