نلـــــــــــــتــــــــــنــــــــي
وين ما وجهت عينك صبتني
لني مابعدت عيني عن حلاك
خذتني..!! لا والله إلا جبتني
وجيت لك كلي بعد روحي فداك
قالوا إني في غرامك مهتنـــي
مادروا وشلون بعدك .. لي هلاك
أشهد انك يا (فلان) بهذلتني
والبلا... ماتسوى هالدنيا بلاك
عشتك أحلامي.. مثل ما عشتني
كنت لك أرضك.. بساتينك سماك
انهمرت احساس ثم اعشبتني
ثم تفتح بي زهر.. عطره غلاك
بـ(أعشقـك) هذي,, تراك اثملتني
موووت ..لا لحقتها ..عضَة شفاك
تكفى ارحم .. كافي ما بعثرتني
والا انسكب واغرق رمالي وسط مـاك
ياصـبـــ الورد ــاح يومك زرتني
ياهـــ حياك ـــلا يسعد لي مساك
ياهــ بك ــلا.. كثر ما جننتني
كثر ما تنساك ... دام إني معاك
ياهنـــ لك ـــيا تراك أحببتني
لني من حبيتك .. اتنفس هـواك
أغلي ترابك.. لأنك صنتــني
ما أبي عتابك.. كثر عشقي رضاك
صرت ما أملك.. وجُل ما اقتني
قدِر النـعمه .. وبادلنــي عـطاك
تدري إني شهد؟ أو ما ذقتنـي؟..
هـذا انا فـ الحـب.. ذقني ياهناك
مو مهم..عذبتني ..مرمرتني
المهم (تحبني)... وأرشف وفــاك
بس لو ربي قرَدك.. وخنتني
في جهــنم دنيتك عندي جـزاك
وأدري يامن فـ الهوى ولعتني
ما ذُكِر فـ النار.. يتعذب مــــلاك
ذا كلامي للي قالوا مهتنـــي
حرق دم لـ عاذليني .. ولـ عِـــداك
والا أنا.. من يوم مـا ذوبتـني
منعمي .. ما شووف قدامي .. سواك
ايه يابخـتي..حبــيبـي.. نلتني
يا عســاني. ما انحرم .. طلة بهاك
