أبيات ومجاراه لها من الشاعره ليلك ..أتمنى أن تعجبكم ..حيااكم
بسم الله الرحمن الرحيم
السلام عليكم ورحمة الله وبركاته..
أبيات ومجاراه لها من الشاعره ليلك ..
اتمنى أن تعجبكم..
أسرجي يا بنت خيلك.. للنزال
وأبدعي من وحي فكرك ما قوى
جيت لك... وأنا معود.. للقتال
مثل ذيبً ..في مراقيبه ..عوى
أدلي بدلوك ..أبي وحي وخيال
من بيوت الشعر..نرسمها سوى
لا تقولي..صعب شي من المحال
لان ردي يكون.لا مالك.. لوى..!!
وش يفك القلب من بعض الدلال
لا غدى جرحه.. وطبه ..والدوى
ي زمان ...الفلسفه قلنا.. وقال
وكل منا ..راح فيما... هو نوى
الضماير تشتكي ..زود الظلال
من حضارت وقتنا ومما حوى
الذكور أكثاار ..لاكن لا رجال
في زمنا كل ..رجالٍ....هوى
صــادق الوجدان
الرد
صادق الوجدان يبغاها نــِزال
يبغى يتحدى ويشوف المستوى
وآنا ليلك شاعره مابـي جدال
أقـدر أبدعها قوافي ومحتوى
اكتب القيفان لو صعـبة منــآل
ماآقول فــلان ... حدّث أو روى
صادق الوجدان ياجــزل النوال
هي حلـآة الشي لي من استوى
الحضارة غيّرت بعض الخصـال
وبدّلت حتى في (ميزان القــُوى)
بس يبقـى الخير في بعض الرجال
بعضهم شارب مراجل لا ارتوى
وبعـضهم بالشـر محتّل المجال
عن طريق الطيب والله قـدغوى
الشاعره ليلك
ي هلابك مرحبً ..وقبل تعال
مرحباً .يابارقً شع.. وضوى
أشهد أنك شاعره فوق الخيال
أجزلي ..من فيض ما عمره خوى
فـ الحقيقه يطري.. بالي سؤال
وش هو اللي يشرب ولا قد روى
لو سقيته ..دهر ماخضر وسال
هو على حاله ..ودهره أنطوى
الا قولي ..وش بلآ لبس العقال
ما تحبه ..من لها قلبً ..غوى
صارت الموضه سلاسل ونحلال
وراح دور اللي.. يعشي لا شوى
صادق الوجدان
http://www.s-3shag.com/vb/images/smilies/heart1.gif
الرد
ياهلا وترحيبة المـزن الثقال
بشاعر الإحساس راقي المستوى
ياعزيز النفس ياوافي الخصـال
يامعـشّي الذيب لامنه عــوى
أنا عندي لك إجابات السـؤال
وعندي تفسير لسلوك اللي التوى
ماحسب للعـرف أيّــه احتمـال
خامل السيره ,, وتبــّاع الهوى
يحسب إن المرجله شكل وجمال ..!!
(لو يعـرف الصقر والله ماشوى)
الشاعره ليلك
..................................
جاك قافي ..والنخاوي..تستثيره
لا عتزيته ..جاك جيشٍ أجحفل
يكشف ..الخافي ويبحث بالسريره
قوموها..سامريه..... ياحفل
ألعبي لي.. ورقصي لي.. يامثيره
ياريحينً ..تطاير.. من نفل
وأسرجي لي فوق شقراي المغيره
زولها زول الجوازي ..لا جفل
في يدي سيفي وشلفاي الشطيره
وفي حنايايه ..شجاعً ما ..غفل
أن بدعت القاف قيفاني خطيره
تعجب الشايب ..ويعشقها الطفل
مرحباً ي مرحباً ..يأم الظفيره
أنفتح لك كل ..بابً.. منقفل
ياوجود اللي بلا صاحب وديره
في عيونك له من ..الدنيا كِفْلُ
أمطري جوفي غرامي للجزيره
موطن اللي ماعن العليا رفل
ديرتي دار المثنى ..والمغُيره
دونها عشرين مليون.. وقفل
لنتخينا بالوطن جتك المسيره
كلنا شجعان ..مبنا من جفل
دونها ..نارً لواضيها..سعيره
قالها اللي قاف شعره مايفل
صــادق الوجدن
http://www.s-3shag.com/vb/images/smilies/heart1.gif
الرد
مرحبا ياغيمة الشعـر المطيره
غيثها مدرار لامنـه همـل
صادق الوجدان ماهو مثل غيره
يكســب الجولات لامنه نـزل
وأنا والله شاعره ماني صغيره
وفي الصفوف الأوله أحجز محل http://www.s-3shag.com/vb/images/smile_bb/bb32.png
قلتها من قبل مانيب الغريره
وماتخالطنــي الغـشامه والجهل
في الشعر أملك نواصي مع ذخيره
في الشعـر أعرب تفاصيل الجُـملhttp://www.s-3shag.com/vb/images/smile_bb/bb32.png
آباجاذبــه الطواريق الكثيره
وآبأشاركه التفاخر والغـزل
دارنا وحــده وهي أجمل أميره
نعشق الصحرا بها ويّـا الجبلhttp://www.s-3shag.com/vb/images/smilies/heart1.gif
فيها تحلى لو ليالينا المريره
والصبر نتذوقــَه شهد وعسلhttp://www.s-3shag.com/vb/images/smilies/m/m59.gif
ولو تعــذّبنا ظروفٍ مستديره
صعبهـا نلقاه ميسور و سهـل http://www.s-3shag.com/vb/images/smile_bb/bb37.gif
ربي يحفظها ويشملها بخيره
ويحفظ الحكّــام فيها والأهـلhttp://www.s-3shag.com/vb/images/smilies/heart1.gifhttp://www.s-3shag.com/vb/images/smilies/m/m59.gif
الشاعره ليلك
......................
ببتدي مع شاعرتنا ..لي قصيده
حرفهـا نسج الخيال وفكر راسي
أرحبي ثم أرحبي ..لوك ..عنيده
بالملاقى والشعر خصمً سياسي
بنضم الابيات ..وأجيب ..الفريده
لوها بشم الجبال ..اللي رواسي
ماخبرتي ..واحدً ..يبكي وحيده
منها قطع ..من الحسره حواسي
كنها ضبيه ..مع الصحرآ شريده
راسها من غيها ..كلها ..يباسي
خدها..ثلجً ..تشع ...أبه الوقيده
وعينها ..ليلاً..يصح أبه النعاسي
راح ..يطردها ..وينشد عن فقيده
مالها ..في موقع الكوره ..مراسي
صــادق الوجدان
http://www.s-3shag.com/vb/images/smilies/heart1.gif
رد: أبيات ومجاراه لها من الشاعره ليلك ..أتمنى أن تعجبكم ..حيااكم
يتبع
الرد
ياهلا بنسج الخيال اللي تجيده
دون غيرك , وأنت الأول والأساسي ..
لا كتبت القافـيه تاتي شديده
ودايم حروفـك ذهب , درٍ وماسي ..
وأنت دايم ياعسى إسنينك مديده
شاعر مفــوّه , وفــذّ , ودبلوماسي ..
خابرة لي عاشق ٍ مالاح عـيده
طول عمره في الهموم , وفي المآسي
هو عشق له وحـدة ٍ صارت بعـيده
وصار يتحرى تقـلْ كنـه عـساسي..!
ناقصـه إعلان في راس الجريـده
ويكتب الأوصاف مع شكل اللباسي ..!!
قالوا : العــاشق ولا طبٍ يفيده
ينقضي يومــه على ضر ٍ و باسي
الشاعره ليلك
مرحباً ..ترحيبة الصايم ..بـ عيده
وعد مابالكون ..من خلقً وناسي
هاك مني ..وستلم ..بيت الجديده
مرسله ..في طايره ..ماهي تكاسي
تاصلك مني ..وراعيها ..وليده
ما يهاب الغير ..وطوال الحساسي
ذيب لاكن ماكله.. بأطراف.. أيده
لعتزيتي به كما الصخر متواسي
وأنتي ..اللي لابتك ..طي المجيده
ما تغيرها ..الظروف ...وللكراسي
ألف ..نعم ..ونعم ..والنعم بنعيده
ودري أن. بحقهم ..ماهي. تواسي
هل... يالحبر.. وتنثر ..بالمفيده
قبل ..لا دمعي ..يسبب .بنتكاسي
شفت ..في دنياي شوفاتن عديده
وكثر اللي هدني.. ناسٍ..نجاسي
تنقل ..النمه ..وهي فيها سعيده
وتبااشر. ..بالمصايب..والمآسي
ماتخاف الله ..في.. دعوة عبيده
لـ شربت ..مرً ..يزلونه ..بكاسي
ناس ..لاكن في مشاعرها. بليده
ناس لاكن ناس.مذمومه خساسي
صــادق الوجدان
http://www.s-3shag.com/vb/images/smilies/heart1.gif
الرد
كرر الترحاب ياقافـي وزيـده
لْ صادق الوجدان مشعـل هالأماسي
ماعليكـم زود وعـْلومك فـريده
ياعسى أيامك بلا غم وعـماسي
زيــّنتـْك أفعال وخْـصالٍ حميده
يوم غيرك زيـّنتـّه أعلى الكراسي
أنت تاج الشعـر , أفخر ياعـميده
تبدع الأبيات من دون اقـتباسي
وأنا ليلك ظبي ماكلن يصيده
ظبي مكة من يقرّبـْه بْ يحاسي
البشر أصناف وأجناس عديده
منهم الطيب وفيهم بعـد خاسي
به بعضهم طيبته تمشي بوريده
وبه بعـضهم ظالمٍ جداً وقاسي
به عقولٍ ناقصه وأخرى رشيده
وبـه أراضي ممطره وأخرى يباسي
هـذي الدنيا مراميها بعـيده
لجــةٍ من غير شطٍ أو مراسي
الشاعره ليلك
وسلامتكم ..
رد: أبيات ومجاراه لها من الشاعره ليلك ..أتمنى أن تعجبكم ..حيااكم
صحت ألسنتكم على هذا الأبداع
محاوره جزله و جميله استمتعت بها كثير ..
يعطيك العاافيه ..
رد: أبيات ومجاراه لها من الشاعره ليلك ..أتمنى أن تعجبكم ..حيااكم
الله يعطيك العافيــة
اختيــار جميــل
ربي يســعدك
رد: أبيات ومجاراه لها من الشاعره ليلك ..أتمنى أن تعجبكم ..حيااكم
مجاراة رائعة بما تحمله الكلمة من معنى.....
فسلمت الانامل ويعطيكم العافيه
رد: أبيات ومجاراه لها من الشاعره ليلك ..أتمنى أن تعجبكم ..حيااكم
رو ووعـــــــــــــــــــــــــــــــــــه يعــــــــــــــــــــــــــــــــطيكم العافيــــــــــــــــــــــــــــــــــــــــه من جد استمتعنا بمحاوراتكم الشعريه ننتظر جديدكم المميـــــــــــــــــــــــــــــــــــــــز
رد: أبيات ومجاراه لها من الشاعره ليلك ..أتمنى أن تعجبكم ..حيااكم
رد: أبيات ومجاراه لها من الشاعره ليلك ..أتمنى أن تعجبكم ..حيااكم
صح السانك شاعرنا المبدع ...
محاوره رائعه وجميييله ...
وعساك دوووم ع القووه ..
رد: أبيات ومجاراه لها من الشاعره ليلك ..أتمنى أن تعجبكم ..حيااكم
ي هلا بكم جميعاً سعدت بمروركم
باقة ورد لأرواحكم
تقديري
رد: أبيات ومجاراه لها من الشاعره ليلك ..أتمنى أن تعجبكم ..حيااكم
استمتعت بقراءه المجاره السابقه
يعطيك العافيه
رد: أبيات ومجاراه لها من الشاعره ليلك ..أتمنى أن تعجبكم ..حيااكم
الله الله ياصادق
ربي يعطيك العافية والصحة
رائع رائع ماسطره قلمك ياالغلى
تسلم يمناك ولا فض فوك
تحياتي وتقديري