مات الغلا عقب البطا ويش يحييه!
. . . . . هي انتهت الاشواق وإلاّانتهينا!!
الحب زرع وطاري الوصل يسقيه
. . . . . وإلاّ الـجـفـا // ما يذبح إلا حدينا
يا عـــاشـقٍ قـلـبـي ويا زاهـــدٍ فيه
. . . . . لـعـبٍ عـلى الحبليـن ما هو علينا
شـف ظـلـمـك اللي بايناتٍ مواريه
. . . . . صوب الضلوع اطعون حدٍ سنينا
مــرٍ تـنـوش الـقـلـب ومـرٍ حواليه
. . . . . الله مـن الـثـنـتـيـن يـا مـا خـذيـنا
أول .. كـلامـك بين تـآآآمـر ولبيه
. . . . . والـيـوم نـاسـيـنـا وحـن ما نسينا
الـمـشـكـلـة مـاهـيـب خـلّ وتغـلّيه
. . . . . الـمـشـكـلـة فـي عهد حبّـك وفينا
وإلاّ بـديـلـك لـو بـغـيـتـه بـلاقـيـه
. . . . . كـم من خـفـوقٍ قـد تـعـنـّا يـبـيـنا
أقـبـل يبي منصافي الود نعـطيه
. . . . . وأقـفى يـعـاتـبـنـا ولا بــه دريـنا
مدري عنيد وطـارقٍ سـكّة الـتيـه!
. . . . . وإلاّ سـجـيـن وبـالـقـيود ابتـليـنا!
لكن حفظت البيت من قول راعيه
. . . . . قــالـه وأنـشـهـد إنّ مـا قــال فينا
( اللي يـبـيـنـا عيّت النفس تبغيـه
. . . . . واللي نبي عيّا البخت لا يجينا )
