قصيدة تحكي الواقع المـــــريــــــر

السلام عليكم ورحمة الله وبركاته ,,

هذي قصيدة للشاعر احمد العنزي تحكي واقعنا المرير في انتظار تثبيتنا الي امر به ابونا وحبيب الشعب ابو متعب الله يحفظه لنا وللامة الاسلاميه.

يقول الشاعر:





يادار ماكنا لك رجال وعيال = يادار حنا في رقبتك خطيه
كيف الفقر يطحن مربين الاجيال = في دار ابومتعب وداره غنيه
دارن لها بالقلب والروح منزال = ياعل عينن ماهوتها شقيه
صدر لنا تثبيت من قبل شوال = بأمر المليك اللي عزومه قويه
ومرت سنة والحال بالعقد لازال = وشوال فات وفات عيد الضحية
ابطى قرار الكنق باسباب الاهمال = اللي منع مد الكفوف النديه
ياشيخنا حنا عيالك على أي حال = واعمارنا من دون عمرك هديه
حنا الرجال اللي على قلب رجال = ومليكنا بالكون مافيه زيه
عبدالله اللي تنضرب فيه الامثال = بالعدل والاخلاص لأجل الرعيه
تكفى يابومتعب نبي الحق لوطال = ولاضاع حقن فيه لأمرك قضيه
في نفس اماكنا نترسم علي أي حال = ونبغى العلاوة يازبون الونيه


اتمنى هالقصيدة توصل لابو متعب عاجلا غير اجل لكي يحاسب من ظلمنا في مملكة العدل .

صح لسانك
وماشاء الله عليك

الله يسر امرك والله نزلت دمعتي لما قرئته

صح لسانك
وماشاء الله عليك

صح لسانك
إيه هذا الشعرموزنقة زنقة وأبوعزيز

الله أكبر صح السانك

شكرا لكم جميعا ,,

وصح لسان الشاعر احمد العنزي انا مجرد ناقل للقصيده.

الله يفرجها علينا قريبا ويرزقنا بالتثبيت المكااااني .

صح لسانك ... بس قطع قلبي البيت اللي يقول
كيف الفقر يطحن مربين الاجيال = في دار ابومتعب وداره غنيه

صح السان الشاعر وتسلم اليد الي نقلته جد من واقعنا المرير

صح لسانك
تنقل القسم المناسب
دمت بود

صح لسان الشاعر فعلا كلمات معبرة وفي الصميم


وسلمت انامل ناقلها

الله يسلمكم جميعا ..

ومرت سنة والحال بالعقد لازال = وشوال فات وفات عيد الضحية
ابطى قرار الكنق باسباب الاهمال = اللي منع مد الكفوف النديه



يارب عجل بالفرج من عندك بارك الله فيك وصح لسان قايلها

الله يعطيك العــافيــة