عرض للطباعة
سلام يا حلوين اخباركم.... انا رحت اليوم الادارة وقالت لي مافى للمسائي توجيه في الوقت الراهن
بس روحى ادارة تعليم البنين واسالى ... رحت وسالت اخذ الموظف صورة الاحوال وغاب حق ساعة تقريبا
ورجع لي بالورقة اللى في الصورة اسفل وقال لي مبروك التثبيت روحى الأحوال وغيرى المهمة من معلمة
لموظفة حكومية وجيبها بكرة.... فالافضل تروحوا وتاخذوا الورقة ونضمن راتب رمضان.... والله يوفق الجميع
الله يعين كل يوم طالعين لنا بشي
مشكوووووره
الله يجزاك خير الجزاء
ومشكورة الله يعطيك العافية
مومشكله نطلع وننزل بس ناخذ حقوقنا من ادارة تعليم الكبيرات بمكة الخايسه
ياعيوني معروف بنظام الدولة أذا كنت موظفة حكومية تسجلين اكترونيا وبانك معلمة
لما رحت اطلع لي بطاقة احوال ( بضغطة زر ) طلع معلوماتي ..
وبما أن طلعت لنا أرقام وظيفبة فتأكدي من غير ما تعبي نفسك حتتغير حالتك من مربية منزل الى معلمة.. وحينزل راتبك على البنك .. الاحوال مالهم خص برواتبنا.
الله يعينا على أدارتنا الفاشلة .. وعلى مستوى تفكيرهم الي عمرة ما يرتقي أو يدراك معنى المسؤولية.
شوفوا حبر القلم ((( منتهى)) أترك التعليق لكم حبيباتي هههه .
miss moony
الله يعطيك العافية ... ما قصرتي تحاولين تفرحينا من جديد..
الله يفرح قلوبنا جميعا .. كلكم يا بنات مكة طيبات ورائعات .. ربي يسعدكم ويحقق أمانيكم .. وينصرنا على من ظلمنا
هههههههههههههههههههههه
هذي الورقه تسكيته اعتقد والله اعلم انه مالها داعي
يعطيك العافيه مس موني
صحيفة التعليم الإلكترونية: صالح المجيدل علمت صحيفة التعليم الإلكترووينة صباح اليوم الثلاثاء أنه قد تم تعديل بيانات جميع المثبتين بنظام فارس
وبهذا يكون التعريف للمثبتين على المسميات الجديدة وسوف يكون التعريف لكل مثبت ومثبته في جميع مناطق المملكة بالراتب الجديد حيث أن صحيفة التعليم الإلكترونية ذكرت سابقآ ان الرواتب سيتم صرفها بشهر رمضان لجميع المثبتين على الرواتب الجديدة في خبر قد نشرته في وقت سابق
البنت تبغى تفرح الناس
على العموم جزاك الله خير مس موني
ومشكوووورة نسيم الورد على التوضيح بس الله يسسسر أمر تثبيتنا ورواتبنا بأفضل مما نتوقع
أشكر اللى ردوا باسلوب حلوووو...
والله لو ادرى ان هذه الردود وربي ما نزلت الموضوع .... ايش التشاؤم هذا وايش يعنى ماله داعى
يا ناس قدموا الخير قولوا كلمة طيبة يمكن ربي يفتح علينا وتنحل المسالة هذه.... الوالدة شملها التثبيت
واعطوها نفس الورقة وعدلت المسمى والشهر اللى بعده نزل راتبها الجديد... عالعموم براحتكم واللى فيه
الخير ربي يقدمه...
مشكورة اخت مس موني
بس لو سمحتي احياناً تطلع حروف مشاركتك عندي بحروف غير مفهومة ؟؟؟؟ وايش السالفة
اقتباس:
المشاركة الأصلية كتبت بواسطة بنت الشوقية
مدرى والله
اقتباس:
المشاركة الأصلية كتبت بواسطة تــووفــــي *ـ^
لا والله مو منتهى ولا شيء بس من التصوير والسكنر مو شغال ولا كانت الصورة اوضح.. اذا مالهم دخل الاحوال كيف
يتحول من تلقاء نفسه من ربة منزل لمعلمة سحر مثلا ... الله المستعان
مو سحر ياقلبي ..اقتباس:
المشاركة الأصلية كتبت بواسطة miss moony
أختي جاء تعينها في جدارة وطلع لها رقم وظيفي .. ولسة ما داومت وفكرت تطلع بطاقة... وتفاجئنا الموظف يقلها انت معلمة.
و الوالد بيسجل في الضمان الاجتماعي بضفطة زر عرفوا ان عنده بيت ملك؟
تقنية معلومات مو سحر
miss moony
عزيزتي والله تعليقي على الحبر قصدي به نشوف كلنا ادارتنا واستهتارها ... لو الورقة لمسؤول كبير كان اهتموا بها شوي.. أما حنا مستهترين بنا.
وردي ياعسوووله ان كان فيه زعل سامحيييييني ولك بووووسة وتهنئة خاصة برمضان..
اشوف هيا أبتسممممممي... ترى الا قمورات مكة لا احد يزعلهم,
اما التفائل فعندنا أمل بأن الرازق هو الله سبحانه وتعالى..
وعندنا ثقة أن الحاسد أدارتنا.
انا ما زعلت بس استغربت من ردة الفعل والتدقيق الغريب حتى في الحبر
وموضوع تغيير المهنة صح حتى انا قريب طلعت البطاقة وحطيت معلمة لكن الان ينحط (موظفة حكومية ) في نظام الكمبيوتر بناءا على الخطاب والسجل المدنى والرقم الوظيفى اللى طلع.. يعنى لا هو تسكيت ولا على قولهم تخدير وكل هذا عشان امورنا المالية ما تتعطل ونقدر نستلم رواتبنا في وقتها فاللى حبت تروح وتسوى ياهلا وسهلا واللى ما حبت براحتها وكلن ينام عالجنب اللى يريحه...
بالفعل كلام الاخت مس موني صحيح لانه راجع لي قريبي وحصل على نفس الورقة وذكر لي ان الاوراق لديهم كثيره واخرج لي ورقتي من بين تلك الاوراق وذهبنا الي الأحوال المدنيه واعطيت ورقه مختومه من الأحوال المدنيه لكي اسلمها مرة اخر لنفس الموظف الذي بالرئاسه ولا ادري ما السر في عدم تبليغ المعلمات بالرساله ما اتعضوا من حركة الكشوف الطبيه والزحمه التي حصلت ولا عادة إدارة مكه تحب الفوضى والشكر الاخير للاخت الفاضله صا حبة الموضوع
الله يكافيهم ...
ليش ما طلبوا من المثبتات ( البديلات والصباحي والاداريات ) حتى معلمات جدارة قبل توجيهم هالشيء!!!!!
بس حابين تعذيبنا وبهذلتنا حنا يا المسائي.
حسبي الله عليهم ونعم الوكيل
عفوا اخواتي ..
الى الان لاراتب ولا توجيه .. رايحين الاحوال ليه .. كبروا عقولكم واحصلوا اولا ع حقوقكم ..
أختي مس موني احنا سالنا استاذه عواطف شخصيا قالت مالها داعي الورقه هذي وراح يتغير كل شي من عندهم واسالي كل الي راحوا كنا مجموعه
بنات ساعدوني ليييييييييييش مايفتح لي قسم اخبار التثبيت
ساعدووووووووووووني
اقتباس:
المشاركة الأصلية كتبت بواسطة نسيم الورد 2010
كيف ماله داعى حتى الوالدة اتثبتت واعطوها هذه الورقة راحت الاحوال وعدلت مهنتها والشهر اللى بعده نزل راتبها
فانا على هذا الاساس سويته.. وكيف يتغير تلقائي انا لما رحت الاحوال
كاتبين لي المهنة طالبة وانا في شهر 5 جددت الهوية الوطنية وحطيت
معلمة بس ما اتعدل... فالان بالخطاب اتعدل... بصراحة رحت سويته
إذا ما نفعنى ماراح يضرنى
نفسي افهم كيف شايفين ان عواطف ظالمتكم و واقفه في وجهكم و مضيعيه حقوقكم
و تاخذوا الكلام منها وترجع لها في الاستفسار
ولوفرضا ان كلامها صح ليش ما جاء توجيهنا على مراكز محو الامية ولا احد يقول كلنا في مكانه هذا نحن معلمات البرنامج ماعندنا مقر ولا مكان
الان الموضوع تجاوز عواطف وغيرها
و نسيت اقلكم مبارك عليكم الشهر
ننتظر يامعلمات الى 20 رمضان وراح تنزل الرواتب .. اذا رواتبنا رواتب تثبيت خلاص بكيفهم يحطونا مسائي او صباحي مافرقت ..
اما اذا ماتعدلت فالشغله صارت تخووف .. وما اعتقد بقى الا احنا وساعاتها نبلل الاوراق ونشربها وبتقوم القيامه فوق روسهم .
اليوم السبت 2 /9 لاجديد
غير تخديرات و تسكيتات وتلاعب عواطف سوداني بنا ..
حسبي الله ونعم الوكيل
سبحان الله وبحمدة سبحان الله العظيم
من جد ليش ما طلبوا من البديلات ومحوالاميه صباح ليش موظفه مومعلمه!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
راقاقتباس:
المشاركة الأصلية كتبت بواسطة حلى المورد
كلام سليم و انا و زميلتي اليوم رحنا واخذنا الاوراق وعدلنا المهنة
اممم بنات يمكن اللي مطلعة بطااقة احوال خاصة فيها لازم تعدلها كذاااا ببطاقتها .
اما اللي ببطاقة العايلة مع زوجها او ابوها >> ماتحتاج هالتعديل,
>> تحليلي هذاااا للورررقة .
اقتباس:
المشاركة الأصلية كتبت بواسطة ندى
يالغالية التعديل لكل و اللي تبغى تروح وتروح عشان بنزلك بدل التعين و اللي ما تبغى هي حرة
الله يكتب لنا الخير جميعا ونسمع أخبار حلوة
طيب يابنات متى رحتوا الساعة كم؟
ورحتوا لأحوال النساء ولا رجال ويحتاج موعد ولا عادي
اشرحوا لنا بالتفصيل وين رحتوا والاوراق المطلوبة
انا رحت قبل رمضان على عشرة ونص... ممكن الآن تروحى نفس الوقت لان الدوام ييدا تسعة.. وتروحىاقتباس:
المشاركة الأصلية كتبت بواسطة المبتهلة إلى الله
الاحوال الحريم مايحتاج موعد ولا شيء في اقل من ربع ساعة تسوييها,,, وما يحتاج اوراق الا الخطاب
من إدارة تعليم البنين وهويتك سواءا بطاقة او كرت عائلة وتعطيكى البرنت وترجعى لادارة التعليم .. بس وربي يوفق الجميع
جزاك الله كل خير ماقصرتي ببس وين اقرب احوال للحرم لاني ساكنه هالاسبوع جنب الحرماقتباس:
المشاركة الأصلية كتبت بواسطة miss moony
ادارة التربية و التعليم اللي على شارع العزيزية العام امام البيك بجانب ثانوية الملك عبد العزيز
بعدين الاحوال اللي في الزاهر مافي غيرها تاخدي برنت بتغيير المهنة
بعدين ترجعي لادارة التربية طبعا ولي امرك مو انتي
ملاحظة مكتوب المهنة موظفة حكومية و ليس معلمة مما اثار استغرابي و نفسي اعرف ليش ما كتبوا معلمةو الله يستر من تخطيطاتهم