المفارق عنك لايعني ضياعي

المفارق عنْـك لا يعنـي ضياعـي

.......... والمعيشه معـك لا تعنـي متاعـي

في كِلا الحاليـن مـا تفْـرق لأنّـي

.......... واعي ٍ لا رِحْت .. ولاّ جيت واعـي
..
أدري انِّي حيّ بِـك .. والاّ بدونـك
.......... وانت جزء من الحياه ولِك دواعـي

بس ما يعني وجـودك فـي حياتـي

.......... إمتثالي دوم لامْـرك.. وانصياعـي
..
لي طريقي.. وانت والله واختيـارك
.......... يا ابتعادك عن طريقي ..يا اتّباعـي

إقتنع في كـل مـا اسـوّي واقولـه.

......... عقبها شوف انطباعك .. كانطباعي؟
..
ولو تحسّ الإختـلاف بـردّ فعلـك
.......... لك طباعك يا عزيزي .. ولي طباعي

يعني لو إنت اندفاعي في شعـورك

.......... في شعوري ما ني مثلـك إندفاعـي
..
باقتناعي لا عشقت اعشـق وطبعـاً
.......... لا كرهت اكـره بكيفـي واقتناعـي

هذا أنا من يـوم مـا ربـي خلقنـي

.......... فطري باحساسي ولاَني باصطناعـي
..
عاطفـي جـدًا .. وكلّـي شاعريّـه
.......... وانطوائي كثير وشـويّ اجتماعـي

وانت بس ارجوك لا تزعـل وقـدّر

.......... مثل ما اراعي.. لزوم انّك تراعـي
..
يعني لو ما كنت احبك .. لا أهـزّك
.......... خلك أقوى من كلامي.. وامتناعـي

كلمتين .. وقلتها لـك ألـف مـره

.......... بس شكلك ضقْت من كثرة سماعـي

..

قلت: "لو أقدر أحبك كـان احبـك"
.......... البلى انّ الحب ماهـو بْمُستطاعـي

ليت والله تطلـب اللـي أستطيعـه.

......... لجل تبقـى دوم مسموعـاً مُطاعـي

..
فالسموحه كـل شـيّ الاّ شعـوري
.......... مو لأيّ انسـان شفّـي والِتياعـي

وانت أكيد انّك بتلقـى فـي حياتـك

.......... من ينسّيـك بوصالـه .. إنقطاعـي
..
والحيـاه بتستمـرّ وشـي طبيعـي
.......... لو تجي تسحب ذراعك من ذراعـي

ما أموت من المفارق وانت تـدري

.......... وش بقول انْ جيتني ناوي وداعـي
..
بختصار انْ غبْت يالطيّـب.. تأكّـد
.......... المفارق عنْك .. لا يعنـي ضياعـي

ممـآ رـآق لي

سلمت الايادى الجميله على ما طرحت ننتظر المزيد

لله لله يا مزووووووووووووووووووون مبدعة كالعادة الله يعطيك العافية

ولا تحرمينا من جديدك


تحياتـــــــــــــــــــي،

قصيدة رائعة جداااااااااااا اختيار جميل مزونة عوبة حتى باختيااار الشعر ههههه

هذا أنا من يـوم مـا ربـي خلقنـي

.......... فطري باحساسي ولاَني باصطناعـي
ابيات رااااائعة اختي مزون

http://dc05.arabsh.com/i/00208/kr2tpp9kt79b.gifجزاكِ الله خيرالجزاء http://dc05.arabsh.com/i/00208/kr2tpp9kt79b.gif
وجعله في موازين حسناتك
http://dc05.arabsh.com/i/00208/kr2tpp9kt79b.gif

بااارك الله فيك

اهلين ومنورين وبقوه
تاج خالد .استاذ كركرانا.وايليه.الماس.استاذه فايزه.الحام المنتظر
شاكرة لكم حضوركم وتعطيركم صفحتي
دمتم كما تودون

نيّر هوَ بنآنك ليختآر إلآ آلنيّر
فطآبت لي قرأة طرحك الثمين
شكراً جزيلاً لك ولحسن نقاءك
لِـ أنفآسك آلجوري

http://upload.7bna.com/uploads/0c63535332.gif

ضفاف الروح ،راما.
ياهلا ومليون فيكم ازدانا متصفحي بحضوركم الجميل شاكرة لكم جميل مروركم.
دمتم بحفظ الرحمن

مزون


الله يعطيكِ العافيـة يالغلا

اشكـرك على اختيـارك الجميـل
ربي يسعدك

ابيااااااات غايه في الروعه ..
اختي مزون ..
دائمآ مبدعه ..