دعوه للذكريات .كيف أول يوم دوام؟؟

بنات هنا دعوه للذكريات عن أول يوم دوام
أنا كنت صغيره ياعيني علي :36_2_23:
بصراحه خلصت المعهد وكنت أنتظر التعيين وثالث سنه طفشت وقالت لي زميلتي ليش ماتقدمي على محو الأميه ترا يعينونك في المدرسه اللي جنبك واتحمس واقدم
وعلى حظي ويجي تعييني في قريه بعيده مشوار ساعه كامله بالسرعه
وأول مادخلت بغيت أنحاش مع الباب وقلت في نفسي بكره اصلا ماني جايه
والمديره تدخلني الفصل وتعرفني على الدارسات وماتطلع مع الباب إلا أنا وراها منحرجه وهي شكلها بلشت بي وتصدقون على هذا الحال مع كل مدرسه جديده المديره تدخلني بالغصب وأنا وراها ليا طلعت بعدين أستانس مع الحريم وأحبهم ونبدع وعلى هذا الحل لمدة 11 عام وعمري ماتخيلت أني أوصل هذه المده وكل سنه أقول أخر سنه باخلص المنهج ولاعادني راجعه وكأن شي يدفعني حتى يوم جاء الترسيم الكذاب ( على وزن كنافه كذابه -سنيبون كذاب ) قلت خلاص فعلا هذه أخر سنه حتى تم الترسيم الصدقي
ومااقول بعد هذا العمر إلا أنه يجعل كل دارسه علمتها في موازين حسناتي
تبغون الصدق يابنات والله إحنا اللي مكافحه ماهي الأميه:sm222: