قصيدة(راحت عروس البحر مدينة اشباح)
ياسيل جده فيك كم راحت ارواح....
وش زعلك بالله ياسيل جده
منك الجثث راحت على الموج طفاح
كنك بحر مابين جزره ومده
قوتك مايسبح بها كـــل ســـباح
انسان تشتاله وبيتـٍ تـــهده
لقيت دربك مغتصب صرت تجتاح...
اخطا عليك اللي طريقك يسده
دربك لقو فيه المكاسب والارباح ..
خطط وباعته الوجيه المصده
محدٍ يقول السيل ظالم وسفاح ..
الظالم اللي عن طريقه يصده
راحت عروس البحر مدينه اشباح
شدة عظيمه ماهي باي شده
عوايل واطفال وصراخ وصياح
منها رزين العقل ثوبه يقده
نومن برب البيت في حزن وافراح..
لا جاء القضاء والقدرمحدٍ يرده
اللي سبب قتل الابرياء كيف يرتاح ..
في الاخره يصلى على النار خده
مات الضمير وصار الانسان تمساح
زاد الطمع ضرسه ونابه يحده
تسلم يابو متعب ياكساب الامداح
ياسيفنا اللي يرعب الخصم حده
لاترحم الخاين ترا قناعه انزاح
ما الله معينه وانت بالحق ضده
اللي يعز الدين ويحب الاصلاح ..
سبحانه الخالق بقوه يمده
ياسيل جده كم فيك راحت ارواح
وش زعلك بالله ياسيل جده
شعر: عادل رشيد
