قامت تعاظم غربة الروح يـا سعـود
يالله دخيلـك و استـجـدّت جـدايـد
تغرّبت وسـط الجسـد روح مجحـود
في دارهـا وشلـون راحـت بدايـد
والشوف ذاب و خالطت بيضها سـود
و الزّود نقص وناقـص العلـم زايـد
من اول(ن) و الطيب للناس مقصـود
و اليـوم صـارت طيّباتـه شـرايـد
للوقـت تالـي مثـل باديـه مشهـود
فيه الجهل عوّد علـى النـاس سايـد
يا عازف(ن) عمري على نغمة العـود
هـذي حياتـي غنهـا لـي قصايـد
مر(ن) على الهيّن و مر(ن) على الكود
وعمر الفتى لحظـات هيّـن و كايـد
واسمع من الخفّـاق رجـع و مـردود
قلب(ن) مع الونـات قـد لـه عوايـد
من روائع الشاعر : خالد الفيصل
