مانيب من تآكل عشاه الذيابه
أنا معشي الذيب لامن عوى ذيب
أنا العقيد بوقت مابه طلابه
وأنا على ماقيل عطب المظاريب
أنهب سمين القوم ماحدٍ درابه
أفك عانيهم وارسل مناديب
من مبطيٍ لاجيت كلي مهابه
والحين ياعيني عليهم معازيب
نسكن على متن الهوى والسحابه
الريح نسرجها بوقت المواجيب
حنا خلقنا هكذا للحرابه
مانستكين إلا ندوّر 0مطاليب
بوقت الرخا تلقا القِّرّا والرحابه
تصفو على جال العدود المشاريب
ندمح خطا زلات بعض القرابه
وهفواتنا تكبر بعين الأقاريب
نذرٍ علي لافك قيد الرتابه
وكسر شبابيك العذل والعذاريب
ما أتبع الداني وأهل المعابه
أرقا الرجوم النايفات المراقيب
من أولاٍ وانا خوِي الذيابه
ومعشيٍ الذيب لامن عوى ذيب