جمعت الشوق واهديته عيونك
وكل الحب في دربك نثرته
وعطرت المشاعر من جنونك
وزفيت العمر لك لو خسرته
زماني ما تخيلته بدونك
وليلي بدون همسك ما سهرته
احبك مثل ما حظك يخونك
ومثل ما جابك الحظ وشكرته
ملكت القلب لا تكثر ضنونك
ولو قلبي يبي غيرك نهرته
يمر البال ناس يشبهونك
كثر ما مر غيرك ما ذكرته
رياح الشوق تستأذن سكونك
بها من الوجد فوق اللي انتظرته
يكفيك العمر فدوة عيونك
وكل الحب في دربك نثرته