تحيه عطرة يامعلمات الكفاح والصبر والأخلاص

أدري أن الكل تعبان والنفسيه ماعاد تحمل والوضع طال والصبر مل منااااا ....أنا بقولكم على الحل الي نقدر فيه نأخذ حقوقنا غصب عنهم دون ضرر علينا .........أنتم يامعلمات المسائي لو ماتجمعتوا ماكان صار لكم نصيب بالثبيت
أنتم ماغلطتوا طالبتوا بحق من حقوقكم وش ينقصكم عنا ما أنتم معلمات مثلنا بس حنا صباحي وأنتم مسائي لو ماطالبتوا بحقكم كان ماحد سأل فيكم !!
الآن فيه وحده من المعلمات نزلت موضوع أن التثبيت على مراحل وفيه ناس أكلوها بقشورها ...والله الذي لا إله إلا هو
كنت حاسه بهالشيء تبوني أصدق أنهم بيثبتونا دفعة وحده مع هالأعداد الهائلة إذا قرارات ملكية وتمغطوا فيها شهور
تبون ينفذون التثبيت بعد الميزانية على طول .....أقول حلم إبليس بالجنه .(اعتذر عن هاللفظ بس هذا الواقع وهو لفظ كناية يدل على المستحيل )
والله أن موجهتنا لماسألناها قالت لنا يوووووووه توكم مطولين !!
بس مابغيت أكتب وأنزل خبر سيء وأغث البنات بس الي خلاني أطلع من صمتي هو أن الميزانية الي يتحججون فيها ونزلت وش بقي ثاني .........

بقي نخلص أعمالنا وإمتحاناتنا حقت الترم الأول وإذا بدأ الترم الثاني وحنا مابعد جتنا محاضر التثبيت أنتم يامعلمات الي وجهوكم صباحي لاتأخذين أكثر من 15 حصة هذا هونظام عقدنا يعني لو وش ماسووا خلي إحتياجهم قائم يجيبون لهم رسميات وإلا بديلات ماحنا شغالات عندهم يكفي استغلال ويكفي هضم حقوقنا ويكفي أنا مانحس بأي عدل مع زميلاتنا الرسميات والبديلات وهذا الي أتفقت عليه أنا وزميلاتي ........والي تقول نصبر أقول لها لو كان معلمات المسائي ماتجمعوا ماكان نزل قرار تثبيتهم للحين ........الوقت تغير الحين الكل يطالب بحقه بكل شفافيه وفيه صحافة تكتب.

رااااح زمن الاستعباد والفساد الأداري ..........كل مواطن من حقه يعيش بكرامة ويطالب بحقوقه الي يكفلها له النظام .
لازم نساهم كمواطنين ومواطنات بالقضاء على بؤرة الفساد الأداري والواسطات والمحسوبيات إلى متى يعني نكون مذلولين والمسئولين نايمين بالعسل يكفي حافز قصصوا جنحانه لما طلعوا منه المتخرجات لهن سنين بس لأن أعمارهن فوق الـ35 !! بأي شريعة وبأي قانون هالقرار ؟؟ بالله وش ترجون من وراء هالوزراء بعد كل هذا ........أنا من الناس الي كنت متفائلة وما أحب التشاؤم بس مليت وتعبت وصبرت لين طقني مرض وصرت اتعالج .بس حسبي الله فيهم ونعم الوكيل . وأختلاف الرأي لايفسد للود قضية .........بس جاء الوقت الي لازم نكون فيه يد وحده ويد الله مع الجماعة والله مايخيبنا لأنا أصحاب حقوق .....