السلام عليكم يااخواتي المقهورات ـــــــ المتأملات التثبيت ــــ الصابرات على ظلم الوزارة ... والله خلاص طفح الكيل واصبحنا نترقب كل يوم امل في قرار تثبيت او تعويض اونزول الفروقات كل شيء اصبح امامنا مبهم وعلامات استفهام مامصيرنا مامصيرنا ؟؟؟.........الوزارة بدل من ان تشتغل بأمرنا وتوزيعنا اشتغلت بتوزيع وتعين مديرات ومعلمات الصباح وتعينهن في مراكزنا والامر الجديد تعين مشرفات طلابيه في مراكز محو الاميه .....ومعلمة محو الاميه تنظر حولها لترى التعينات الجديده في مركزها وهي لاتعرف اين يكون مصيرها ؟؟؟؟ ... ومدارس جده تشهد هذه الايام نشاط بتعين معلمات الصباح وتوزيعهن على مراكز محو الاميه كل يوم كذا معلمة صباحي تتوجه للمساء .. وهنا نتسال ايهم اولى بالامن الوظيفي نحن ام معلمات الصباح ؟؟ انا لا احسدهم على مارزقهم الله ولكن هم يستلموا رواتب في الصباح اضعاف مضاعفه لما ناخذه نحن في المساء وللزيادة امنهم الوظيفي يحسب راتب المساء بنصف راتب الصباح ( يعني اذا المعلمه تاخذ 20 الف في الصباح راح تاخذ بالعصر 10 الاف يعني برضوا اضعافنا ) ونحن لاحد يعجل لنا بالامن الوظيفي او حتى يزيد راتبنا 100 ريال والله حرام حرام
دخل معلمة بكالوريويس في الصباح والمساء 30 الف في الشهر ماشاء الله ومعلمة بنفس الشهادة وبنفس سنوات الخبره ان ماكانت اكثر 3000 الاف في الشهر ليش يهتموا بالمرتاح ويغضوا البصر عن المحتاج ايش ذنب معلمات محو الاميه اللي وجهوهم صباحا يكرفوا طول النهار براتب 3000 ومعلمة الصباح اللي تم توجيها للمساء يزيد راتبها على طول ونحن .. نعيش على امل التثبيت حتى تعلى رواتبنا ليش وليش وليش ؟؟؟؟؟؟؟؟؟؟؟؟؟؟؟ لكن لنوحد الدعاء على كل من اخر الخير لنا وكل من اهمل في امر تثبيتنا ولن نسامح من كان سبب في دمار نفسياتنا وحسبي الله ونعم الوكيل .