اسمعوا القصة الحقيقية ياللي تبون التجمع

بسم الله الرحمن الرحيم
السلام عليكم ورحمة الله وبركاته

بلا مقدمات ، تذكرون يامعلمات يوم التجمع الأول اللي صدر بعده التثبيت !!!
كان فيه معلمتين خالفوا المسار وما تجمعوا عند وزارة الخدمة ، كانوا رايحين بلوحاتهم عند إشارة الجوازات ، ومسكتهم الشرطة وشالوهم الحجز ، وحرروا لهم محضر باللوحات اللي هم شايلينها ضد العساف والفايز ، المهم كتبوا في المحضر سبب اعتراضهم والظلم اللي صار ، قال لهم الشرطي بالحرف الواحد / هذا ( يقصد المحضر ) هو اللي بيوصل الملك ، والتجمعات اللي هناك ( يقصد اللي عند الوزارة ) مالها فايدة ، وفعلاً ما طلعوهم من الحجز إلا بأمر من الداخلية والإمارة ، والله إن الشرطي بنفسه قال هذا بيوصل الملك ، قصده إن أي أمر يصير فيه تحقيق من الشرطة وشكاوي كبيرة يوصل ، والتجمعات مالها فايدة ، شوفو كثر التجمعات والاحتجاج في كل مكان ولا حصلوا شي ..
فإذا ناوين طلعة روحوا لمركز الشرطة بشكوى رسمية ضد اللي تبون ، ولا روحوا قصر الملك مرة وحدة ، لا تتعبون أنفسكم في هالشوارع عند مكاتب الوزراء وترجعون بخفي حنين .