قصيدة التثبيت

. صاح القلم دمعه سكاكين واشواك
اتغزّ في اقلوب المساكين وتصيب .
. وصاحت بك الشكوى ألاليت شرواك
وماللعنا بعد الله إلا انت يالطيب .
. يابوي يابو متعب اليوم ننخاك
حنّا بناتك والرجا فيكم يطيب .
. أعطيتنا والله يجزاك ب عْطاك
لكن أوامرك الجزيله بلا امجيب .
. حنا شملنا الأمر تثبيت برضاك
و هم شتّتونا وأمركم راح بالغيب .
. أمرك بلا تحقيق وماحقّقوا إوصاك
وماثبتونا وضعنا بدون ترحيب .
. وياسيدي اتطول المسافات واجفاك
ونفوس ماترحم والاحلام ماتطيب .
. والبعد بعثرنا ولاحايك ٍ حاك
ثوب الفرح بشرى ولا بان تقريب .
. ننخاك ساعدنا بناتك وعلى ماك
لاتردّ عطشانا وناصيك مايخيب .
. يابوي يابو متعب أرجاك / وارجاك
الوضع مابه صبر والحال تغريب .
. سكة سفر تغتال واجمال واشراك
ونسري بظلما ً مابها ضوّ ومجيب .
. ناس ٍ بنا تحتال ومن غير ادراك
للمشكله وماللقرارات تصويب .
. ياوالدي و ماللمساكين شبّاك
يْردّ عنّا الباس ويجيب ونطيب .
. أمرك يابو متعب نعلّقه ب رْداك
لاتردنا وانغيب بالله لا انغيب .
. و ياممسك التثبيت لاتغلّ يمناك
واسمع حكيم ٍ قال :ماللكفن جيب .
. ويالله تجمع شملنا نْلوذ بحماك
خوف الطريق اللي يودي ولايجيب .
. رابط القصيدة على اليوتيوب .
. http://www.youtube.com/watch?v=lbMmE...e_gdata_player