انا ذيك / الديَار الليْ شكتْ مِن فقد اَهلهَا سنينْ

انا ذيك / الديَار الليْ شكتْ مِن فقد اَهلهَا سنينْ
هَجَرهَا النَاسْ إلى منها غَدَتْ لأجيالهمْ ذِكـرى
وَانا ذيك / النخيلْ البَاسقاتْ اللي حَنَاها البيـن
غروسً مِن زمان أجدادهمْ مَا خَانها المَجرى !!
وَأنا ذيك / الدروبْ اللي تودي لَ البيوت ْالطين
خَلَت مِن زَحمة الاقدام لا صبـحً ولا مسـرى
وَأنا ذاك / المكان اللي جمَع به ذِكريات اخوين
تفرّق شَملهم سبّـة زمـنْ وظروفـه القَشـرَا
وَأنا ذَاك / الحَزين اللي وقفْ لين الغروبْ يحين
وقف يَبكي وهو بَاللي يضيّـق حَالتـه ادرى !!
غَدا صَدري جِدارً كلّ مَا جـاء يمّـه المَاشيـن
كتب به ذكرياتْ وكـلّ مَـا مَـرّه حَـداً يَقـرا
تصبرت ، وتَحريتَ الأملْ متـى علـي يبيـن
تبَاطيته وَانـا بَاللـي يضيّـق خَاطـري أدرى