منقول المباشرة مع المصدر

مساء الخير للجميع اليوم صباح رحت الوزارة التربيه وعند لاخ أمجد الأحمدي بظبط وسألته 3 أسئله 1- اخوي أمجد اول شي بسألك عن المحاضر فيه الناس تقول ماراحت الماليه وفيه ناس ثانيين يقولون راحت الله يعافيك عطني الخبر الأكيد قالي وبألحرف الواحد المحاضر راحت الماليه والحين خالصه من عندهم قالت أكيد قال مانت مصدقني تعال اكلم لك واحد من الماليه اسمه احمد وكلمه قدامي وسأله وش صار ع المحاضر قال خلص خالصه وقلت الله يعطيك العافيه عندي سؤال ثاني المباشره متى باظبط لان فيه مسوؤلين قالوا من 6/15 او 7/1 قال وش هالتواريخ المحاضر خالصه والمباشره بأذن الله بعد سبوعين باظبط قلت أكيد ترى صرنا نخاف من بسوع وسبوعين الناس طفشت قال اخذها مني انا هنا المسوؤل عن التثبيت واقول لك المباشره بعد سبوعين ان شاءالله وراح ترسل للمدارس قلت طيب تحملني اخر سؤال بالنسبه للرواتب وش صار عليها هل بنستلم رواتب العقود مثل ماهي ولا بنستلم رواتب ع المرتبه الجديده قال من 5/25 هذا الشهر الكل بيستلم راتبه الجديد ع المرتبه الجديده وسألت عن تعيين لاداريات هل بيكون مكاني ولا بيعيننون في مدارس جديده قال لا لاداريات يتعينن في نفس مدارسهم وانا شفت تعييني في نفس مدرستي هذا كل اللي صار معي صباح والله يوفق الجميع


ملاحظه // بالنسبه المنتدى من امس مايفتح معاي كل مفتح يقول ان الموقع سوف يضر في جهاز وش سالفه



الموضوع الأصلي: http://www.ksa-employers.com/showthr...#ixzz1rkWvXAUk