السلام عليكم ورحمة الله وبركاته ,,

هذي قصيدة للشاعر احمد العنزي تحكي واقعنا المرير في انتظار تثبيتنا الي امر به ابونا وحبيب الشعب ابو متعب الله يحفظه لنا وللامة الاسلاميه.

يقول الشاعر:





يادار ماكنا لك رجال وعيال = يادار حنا في رقبتك خطيه
كيف الفقر يطحن مربين الاجيال = في دار ابومتعب وداره غنيه
دارن لها بالقلب والروح منزال = ياعل عينن ماهوتها شقيه
صدر لنا تثبيت من قبل شوال = بأمر المليك اللي عزومه قويه
ومرت سنة والحال بالعقد لازال = وشوال فات وفات عيد الضحية
ابطى قرار الكنق باسباب الاهمال = اللي منع مد الكفوف النديه
ياشيخنا حنا عيالك على أي حال = واعمارنا من دون عمرك هديه
حنا الرجال اللي على قلب رجال = ومليكنا بالكون مافيه زيه
عبدالله اللي تنضرب فيه الامثال = بالعدل والاخلاص لأجل الرعيه
تكفى يابومتعب نبي الحق لوطال = ولاضاع حقن فيه لأمرك قضيه
في نفس اماكنا نترسم علي أي حال = ونبغى العلاوة يازبون الونيه


اتمنى هالقصيدة توصل لابو متعب عاجلا غير اجل لكي يحاسب من ظلمنا في مملكة العدل .