حنين الذكريات

شفتها ياسعود صدفه بعد ماغابت سنين
(=)عند قسم المختبر وسط مشفى الجامعه
جيتها ثم قلت ممكن في سؤالي تسمحين
(=)ناظرت فيني بدهشه نظره متواضعه
قالت انت تحسبني من بنات صايعين
(=)تحسبني في زماني عن طريقي ضايعه
قلت أنا ماراح أطول كل أبوها كلمتين
(=)وأبعدت عني شويه ثم جتني راجعه
قالت اسأل واضح انك من رجال طيبين
(=)بس هرجك يالسنافي كان وش هو دافعه
قلت أنا حبيت وحده يوم كنا صغيرين
(=)ومن ثمان سنين راحت للمواصل قاطعه
عقبها ماذقت نوم يهتـنيه النايمين
(=)ساهر في طول ليلي لين شمسي طالعه
اذكر انه فيه حبه فوق ثغره من يمين
(=)وأذكر انه لاجرينا كن شعره تابعه
وأذكر انه عاشق الورد والياسمين
(=)صار قلبي بالورود اللي عشقها زارعه
طابعا اسمه بقلبي فيه سين وفيه عين
(=)وفيه ألف وفيه دال وسط قلبي طابعه
قاطعتني بقولها سبحان رب العالمين
(=)كررتها مره....ومرتين....ورابعه
قلت وش فيك وش بلاك يابنيه ترجفين
(=)ليش عينك يابنيه من كلامي دامعه
قالت الموقف وقلبي والمحبه والحنين
(=)كيف أشوفك بعد ماكنت عنك قانعه
قلت أنا بسألك ان كانك انتي تذكرين
(=)عن مواثيق ثمنها من حياتي دافعه
قالت ظروف الزمان ماتطيع العاشقين
(=)بيعوني غصب حبك لو هو ماني بايعه
أنا في دنياي حالي كنها حال السجين
(=)حتى لو فكوا سراحه فيه شي مانعه
زوجوني غصب واحد وحرموني حاجتين
(=)السعاده في حياتي والحياة الرائعه
والحين أنا أم لثلاثه عندي ريم وياسمين
(=)والولد اسمه على اسمك والمشاعر جايـعه

عجبتني وحبيت انقلها لكم حنين الذكريات