الكل يعرف قانون الجاذبية اللي اكتشفة نيوتن وانا اقول الحمد لله انة اكتشف القانون وهو شبعان بتقولون وش دراك انة شبعان اقول انة كان منسدح تحت الشجرة لوة جايع ماانسدح كان قعد يطق الشجرة بالعصاء لين يطيح علية أي شي وياكله
المهم من سنة ونص وانا افكرفي ثوابت النظرية الفيزيائية اللي اكتشفها نيوتن وهو منسدح تحت الشجرة وطاحت علية التفاحة المستوية وعلشانة شبعان مااكلها وطلع قانون الجاذبية ولوة جايع كان كلها وقال بلا نظريات بلا هم نر جع لخواص التفاحة اولا التفاحة ثقيلة (قانون الاجسام ) ثانيا راوية من الماء يعني طافحة(قانون الطفح)
ثالثا لها مدة طويلة علي الشجرة (قانون اللزقة )رابعا محد يبها(قانون الازاحة)
اللي اكتشفتة في ها القانون ان هناك اجسام لايسري عليهم هذا القانون (بتقولون شي طبيعي اذا ابتعد عن نطاق الجاذبية)اقول غلط بالعكس اهم في اقوي نقاط الجاذبية00يعني لكل قاعدة شواذ
الزبدة ان موظفين البنود في وزارة التربية والتعليم تنطبق عليه نفس خواص التفاحة ومع ذلك لاينطبق عليهم قانون الجاذبية مع انهم في عمق اعماق الجاذبية
والفرق كبير بيني وبين نيوتن اهو منسدح تحت الشجرة وانا افرفر في المنتديات اهو مامعة شهادة وانا معي شهادة اهو ماعندة ديون وانا ماكلتني الايجارات والمصاريف
الخلاصة العقل لة وزنية ثابتة لو زادت اونقصت يصير راعي العقل (وحدة من الثنتين اما مجنون اوعبقري)
اللي فهم يرد واللي مافهم يقولي وارد علية
اتم الله علينا وعليكم نعمة العقل