قصة معنى النية مطية.

**أم عبدالعزيز** · 06-30-2012, 03:11 PM

للي مايعرف معنى (( النية مطيــّة ))؟؟
النية .. الكل يعرفها ولا أحد يعلم عنها إلاالله..
المطية هي الناقة ..
وهذا المثل له قصه ..
ان واحد الله مرهي عليه وعنده صويحب فقير..
وهالللي مرهي عليه..يتاجر يسافرويجيب بضايع على ظهر الذود ويرد..قال لصاحبه تعال معي..يعني أعين وأعاون ومستعد باللي تبي..
قال الفقير : لامن ناحية الفلوس الحمد لله معي اللي يكفيني ..بس المشكلة في الإبل ما معي ..
قال له اللي الله مرهي عليه: بس .. ولا يصير خاطرك إلا طيب .. أشيل لك البضاعة على ناقتي ..
ايه قاله خلاص اشيل لك البضاعة على الناقة هالمرة والمرة الجاية واللي بعدها بعد ..
لما تضبط امورك..والله يفتحها عليك..
قال الفقير :خلاص مثل ماقلت..
و سافروا الين اوصلولهم لوادي .. واتفقوا يريحون منه من تعب الطريق ومنه علشان يتغدون..
وجلسا تحت شجرة وكل واحد حاط افلوسه بكيسه صغيرة ..وكل واحد علق كيسه في غصن من أغصان الشجرة..

الغني يتمشى بالوادي يشم هواء .. وقام الفقير يسوي القهوة والاكل..

المهم .. بالوقت اللي هو يطبخ فيه جا طير كبير يطب على كيس الغني ويأخذها ..وطبعا الفقير يشوف الطير يوم خذت الكيس وطارت..
وبعدين .. قام الفقير وأخذ كيسه وحطهامكان كيس الغني. وكمل شغله وجهز القهوة والغداء ..
بعد ما جلسوا وشربوا القهوة وأكلوا الغداء .. قال الفقير للرفيقه: يافلان انا قررت الرجوع لأولادي من هالمكان .. يعني مانيب مكمل معك ..!!
حاول معه الغني.. وحاول .. ولكن الرجال معزم ومافيه أمل يغير رأيه ..!!! ومابين للرفيقه الغني شالسبب...

الشكوى لله .. هذا اللي قاله التاجربعد ماتعبانه يقنع خويه وكمل طريقة والفقير رجع لأهله ..

بعد مشوار يمكن خذاله يومين..وقف الغني يسويله الغداء ..

رفع رأسه الا لقى عش طير فيه كيسة ..
تسلق الرجال الشجره وجاب الكيسه..
وعرف ان ذالكيسه كيسته؟؟ وبعدها عرف سبب روحة رفيقه..
والطير خذاهل على بالله لحمه..

الرجال تغدى .. وكمل طريقة ووصل للديرة واشترى منها بضاعة له ولصديقه ..
وبعد ما رجع لديرته نادى رفيقه وعطاه بضاعته اللي شاريها له..
قال له : انا ما اعطيتك فلوسها ..
بعدين قاله االغني انه درى بالسالفه وقال له القصة كاملة ..

وبعدين قاله الفقير: .. خفت اقول لك أخذها طير ولا تصدقني ..
وجتني فكرة التبديل ..

فقال: وعشان كذا نيتك أوصلتك إلى الخير مطية .
وعلشان كذا قالوا المثل ((النيه مطيه))..
وتقبل مروري مقرونة بالجوري...