لو تدرين اختي العزيزة اني احمد الله في كل وقت على هذا القرار
والله انا محظوظات بهذي النعمة بس الكل يدور ع الشقا
مافيه احسن منها دوام ساعتين لا تقولين مضغوطه والا منتدبة والا ملفات والا تحضير والا سجلات
اقووووول للجميع اللي ماجربت دوام الصبح لاتتكلم والله اني جربت دوام الصبح كنت معلمة بديله كنت ابكي بكا كل يوم
اصلي الفجر ولا تسبيح ولا استغفار ولا قران البس واسوي الفطور البس عيالي ومطاردة لين نخرج من البيت
اروح المدرسه طابور ومناوبة صباح ومناوبة فسحة ومناوبة انصراف وريادة ونشاط واذاعة وحلقة تنشيطية والمديرة تطلب والموجهة تطلب وسجلات اكثر من سجلات الامية واحتياط لازم تفعلينه
و و و و و و و
وفوق هذا كله بنات مراهقات قليلات تربيه لا احد يحترمك ولا يقدرك ولايبغون يدرسون من الأصل
غير دوام سبع حصص ويومين ثمان حصص
ارجع البيت لا عندي غداء وتعبانه ومهلووكه واعصابي مشدودة لاانا خلق عيال ولا زوج ابغى انام وكل شي يستناني
وحتى لو عندك الف شغالة مو زي لمن تفطرين عيالك الصغار وتسوين غداك ويرجع زوجك وانت شبعانه نوم واخلاقك تمام وتروحين وانت متطمنه ان عيالك ابوهم موجود والشغالة ماتقدر تسوي شي لعيالك

دوام المساء له سلبيات بس سلبياته اقل بكثييييير من سلبيات دوام الصبح

سواء كنت بنت او متزوجه القرار في صالحنافكرو بنظرة ايجابية

انا خايفة من شي واحد انه يصير اخاف معلمات الصبح يسوون مظاهرة ويقولون ليش ناخذ راتب زيهم على ساعتين والله قهر من جد بس عاد حظنا احسن منهم