مدخـــلـــ



برتاح ياحزني .. ويادمع (عيني)

ودي أشوف شلون شكلي وأنا (أضحك)



معي ظلامك من بدايت (سنيني)

وهذي علاماتك وهذاك (جرحك)



هي بس لحظه أنتظر (وحتريني)

ولا أقول أصبر !! ...ما ظني (أضحك)



هي أمنيه جتني وهي ماتبيني

خلك هنا لا تروح (أوعى وأصحك)



أنت وهمومي والليالي (سجيني)

في داخلي ياطول (عمرك وصرحك)



مكتوب أسمك في خفايا جبيني

لا راح ليلك ( هذا أنا جيت صبحك)



واليوم جالك (من يعز ...ويعيني)

نفس الوصايف الا أنا قول شرحك



من زود مايشبهك أسمه (ظنيني)

يضرب بسيفك (وأن طعني برمحك








أنا أعشقك يالحزن لأنك.. خليلي



معي وقفت من الصغر وقفت رجال






كم كنت..تسهرني وحيداً بليلي


وكم كنت تحرق مهجتي واهج اللال






يااما على كسر الخواطر.. تجيلي


وتسقي ثرى ..جرحي من الدمع همال






لك في خفوقي ألف فارس.. قتيلي


ولك في جروحي عزوه وجاه وعيال






صورتك في وجه الكأبه جميلي


كنك.. بكسري بين الأقراب تختال






ظلم..وجفآ ..وفراق هذا حصيلي


منك هجرت من الغثى.. راحت البال






ياوقت هذا الحزن هذا عديلي


ودي أشيدله من الروح ..تمثال






بيني ..وبينه عشق ياهو طويلي


في داخلي ..كم له قصيده وموال






أيه أبتدي يافتنه ..وأسمعيلي


قصيدت (ن) تبكي لها أجيال..وأجيال






فيها بكى وحش الفلا ..من عويلي


وفيها يحطون العرب درس وأمثال






يتيم..مامن بالخلايق ..يجيلي


وحيد مامن ناشدي ..كيف الاحوال






كني حبيس (ن) عاش عمره ذليلي


حكمه صدر والسيف بيدين قتال






ولا كمآ عوداً..دموعه هميلي


محداً سمع في شكوته والذي قال






وحيد مطروح (ن) بدرب السبيلي


ولاله عيال ولا عمومه ولا أخوال






كسير ساق وشوف عينه قليلي


وجسمه نحيل وحاملً كل الاثقال






هذا أنا وياه ظل.. وظليلي


حصان ..فالبيدى وأنا أجيه خيال






هذاا الحزن بين الخلايق عميلي


أجيه وأحبـــه من الجــال للجال






..........










يازماني هاك من بعض أحرفي
علها تبقى وأنا ..منك أكتفيت







قبل لا عنك ..أروح وأختفي
خذ من الخفاق..تنهيده..وبيت







جور وقتك ..ماتشيله أكتفي
باقيٍ في داخلي مهما حييت







تخنق أمالي وهديت أسقفي
دايمً تاخذ ولا عمرك عطيت







ياجروحي هذاا يومك وأحتفي
في دموعي دامني منه بكيت







أصعدي فوق المحاجر وأشرفي
ونادي طيوفي الا مني سريت







أحرقي باقي.. حيااتي وأقطفي
أخر أنفاسي ألامني... شفيت







دام حزني.... باليالي معطفي
وغير همي..بالمضاجع مالقيت







لا صديقً..بالمصايب يسعفي
ولا حبيبً..يستمع لامن شكيت






كل مابي ذكريات....وأرففي
حي لاكني...مع الاحياء ميت














مخــرج
ولا بعد هذي يا دنياي صعبه

من وين مالقيت تعثر بي أخطاي

ومن المشي رجلي تعنت وتعبه

من البكي بالدمع حنيت يمناي

ومن الحزن بقيت جعبه..وجعبه

كني مشرد ماعرف وين مأواي

ولا رئيساً ثار به ظلم شعبه

شكيت من كثر العنآ كل بلواي

بين الليالي والسهر صرت لعبه

لا نامو العالم تبينت مسراي

في واقعٍ موحش يخوفك رعبه

أن قلت بحكي ياقف الحكي في فاه

ومال للبشر شكوى ومن فيه يعبه

لله أشكي حالتي فيه رجواي

ولله دين ورسل وفلارض كعبه






صــادق الوجدان