أبيات ومجاراه لها من الشاعره ليلك ..أتمنى أن تعجبكم ..حيااكم

بسم الله الرحمن الرحيم

السلام عليكم ورحمة الله وبركاته..

أبيات ومجاراه لها من الشاعره ليلك ..

اتمنى أن تعجبكم..





أسرجي يا بنت خيلك.. للنزال
وأبدعي من وحي فكرك ما قوى


جيت لك... وأنا معود.. للقتال
مثل ذيبً ..في مراقيبه ..عوى


أدلي بدلوك ..أبي وحي وخيال
من بيوت الشعر..نرسمها سوى


لا تقولي..صعب شي من المحال
لان ردي يكون.لا مالك.. لوى..!!


وش يفك القلب من بعض الدلال

لا غدى جرحه.. وطبه ..والدوى


ي زمان ...الفلسفه قلنا.. وقال

وكل منا ..راح فيما... هو نوى


الضماير تشتكي ..زود الظلال

من حضارت وقتنا ومما حوى


الذكور أكثاار ..لاكن لا رجال
في زمنا كل ..رجالٍ....هوى



صــادق الوجدان




الرد

صادق الوجدان يبغاها نــِزال
يبغى يتحدى ويشوف المستوى

وآنا ليلك شاعره مابـي جدال
أقـدر أبدعها قوافي ومحتوى

اكتب القيفان لو صعـبة منــآل
ماآقول فــلان ... حدّث أو روى

صادق الوجدان ياجــزل النوال
هي حلـآة الشي لي من استوى

الحضارة غيّرت بعض الخصـال
وبدّلت حتى في (ميزان القــُوى)

بس يبقـى الخير في بعض الرجال
بعضهم شارب مراجل لا ارتوى

وبعـضهم بالشـر محتّل المجال
عن طريق الطيب والله قـدغوى

الشاعره ليلك

ي هلابك مرحبً ..وقبل تعال

مرحباً .يابارقً شع.. وضوى

أشهد أنك شاعره فوق الخيال

أجزلي ..من فيض ما عمره خوى

فـ الحقيقه يطري.. بالي سؤال

وش هو اللي يشرب ولا قد روى

لو سقيته ..دهر ماخضر وسال

هو على حاله ..ودهره أنطوى

الا قولي ..وش بلآ لبس العقال

ما تحبه ..من لها قلبً ..غوى

صارت الموضه سلاسل ونحلال

وراح دور اللي.. يعشي لا شوى

صادق الوجدان




الرد



ياهلا وترحيبة المـزن الثقال
بشاعر الإحساس راقي المستوى

ياعزيز النفس ياوافي الخصـال
يامعـشّي الذيب لامنه عــوى

أنا عندي لك إجابات السـؤال
وعندي تفسير لسلوك اللي التوى

ماحسب للعـرف أيّــه احتمـال
خامل السيره ,, وتبــّاع الهوى

يحسب إن المرجله شكل وجمال ..!!
(لو يعـرف الصقر والله ماشوى)

الشاعره ليلك

..................................



جاك قافي ..والنخاوي..تستثيره
لا عتزيته ..جاك جيشٍ أجحفل

يكشف ..الخافي ويبحث بالسريره
قوموها..سامريه..... ياحفل

ألعبي لي.. ورقصي لي.. يامثيره
ياريحينً ..تطاير.. من نفل

وأسرجي لي فوق شقراي المغيره
زولها زول الجوازي ..لا جفل

في يدي سيفي وشلفاي الشطيره
وفي حنايايه ..شجاعً ما ..غفل

أن بدعت القاف قيفاني خطيره
تعجب الشايب ..ويعشقها الطفل

مرحباً ي مرحباً ..يأم الظفيره
أنفتح لك كل ..بابً.. منقفل

ياوجود اللي بلا صاحب وديره
في عيونك له من ..الدنيا كِفْلُ

أمطري جوفي غرامي للجزيره
موطن اللي ماعن العليا رفل

ديرتي دار المثنى ..والمغُيره
دونها عشرين مليون.. وقفل

لنتخينا بالوطن جتك المسيره
كلنا شجعان ..مبنا من جفل

دونها ..نارً لواضيها..سعيره
قالها اللي قاف شعره مايفل

صــادق الوجدن




الرد



مرحبا ياغيمة الشعـر المطيره
غيثها مدرار لامنـه همـل

صادق الوجدان ماهو مثل غيره
يكســب الجولات لامنه نـزل

وأنا والله شاعره ماني صغيره
وفي الصفوف الأوله أحجز محل

قلتها من قبل مانيب الغريره
وماتخالطنــي الغـشامه والجهل

في الشعر أملك نواصي مع ذخيره
في الشعـر أعرب تفاصيل الجُـمل

آباجاذبــه الطواريق الكثيره
وآبأشاركه التفاخر والغـزل

دارنا وحــده وهي أجمل أميره
نعشق الصحرا بها ويّـا الجبل

فيها تحلى لو ليالينا المريره
والصبر نتذوقــَه شهد وعسل

ولو تعــذّبنا ظروفٍ مستديره
صعبهـا نلقاه ميسور و سهـل

ربي يحفظها ويشملها بخيره
ويحفظ الحكّــام فيها والأهـل


الشاعره ليلك

......................




ببتدي مع شاعرتنا ..لي قصيده
حرفهـا نسج الخيال وفكر راسي

أرحبي ثم أرحبي ..لوك ..عنيده
بالملاقى والشعر خصمً سياسي

بنضم الابيات ..وأجيب ..الفريده
لوها بشم الجبال ..اللي رواسي

ماخبرتي ..واحدً ..يبكي وحيده
منها قطع ..من الحسره حواسي

كنها ضبيه ..مع الصحرآ شريده
راسها من غيها ..كلها ..يباسي

خدها..ثلجً ..تشع ...أبه الوقيده
وعينها ..ليلاً..يصح أبه النعاسي

راح ..يطردها ..وينشد عن فقيده
مالها ..في موقع الكوره ..مراسي

صــادق الوجدان

يتبع

الرد




ياهلا بنسج الخيال اللي تجيده
دون غيرك , وأنت الأول والأساسي ..


لا كتبت القافـيه تاتي شديده
ودايم حروفـك ذهب , درٍ وماسي ..


وأنت دايم ياعسى إسنينك مديده
شاعر مفــوّه , وفــذّ , ودبلوماسي ..


خابرة لي عاشق ٍ مالاح عـيده
طول عمره في الهموم , وفي المآسي


هو عشق له وحـدة ٍ صارت بعـيده
وصار يتحرى تقـلْ كنـه عـساسي..!


ناقصـه إعلان في راس الجريـده
ويكتب الأوصاف مع شكل اللباسي ..!!


قالوا : العــاشق ولا طبٍ يفيده
ينقضي يومــه على ضر ٍ و باسي

الشاعره ليلك

مرحباً ..ترحيبة الصايم ..بـ عيده
وعد مابالكون ..من خلقً وناسي

هاك مني ..وستلم ..بيت الجديده
مرسله ..في طايره ..ماهي تكاسي




تاصلك مني ..وراعيها ..وليده
ما يهاب الغير ..وطوال الحساسي



ذيب لاكن ماكله.. بأطراف.. أيده
لعتزيتي به كما الصخر متواسي




وأنتي ..اللي لابتك ..طي المجيده
ما تغيرها ..الظروف ...وللكراسي




ألف ..نعم ..ونعم ..والنعم بنعيده
ودري أن. بحقهم ..ماهي. تواسي




هل... يالحبر.. وتنثر ..بالمفيده
قبل ..لا دمعي ..يسبب .بنتكاسي




شفت ..في دنياي شوفاتن عديده
وكثر اللي هدني.. ناسٍ..نجاسي




تنقل ..النمه ..وهي فيها سعيده
وتبااشر. ..بالمصايب..والمآسي




ماتخاف الله ..في.. دعوة عبيده
لـ شربت ..مرً ..يزلونه ..بكاسي




ناس ..لاكن في مشاعرها. بليده
ناس لاكن ناس.مذمومه خساسي




صــادق الوجدان







الرد

كرر الترحاب ياقافـي وزيـده

لْ صادق الوجدان مشعـل هالأماسي

ماعليكـم زود وعـْلومك فـريده

ياعسى أيامك بلا غم وعـماسي

زيــّنتـْك أفعال وخْـصالٍ حميده

يوم غيرك زيـّنتـّه أعلى الكراسي

أنت تاج الشعـر , أفخر ياعـميده

تبدع الأبيات من دون اقـتباسي

وأنا ليلك ظبي ماكلن يصيده

ظبي مكة من يقرّبـْه بْ يحاسي

البشر أصناف وأجناس عديده

منهم الطيب وفيهم بعـد خاسي

به بعضهم طيبته تمشي بوريده

وبه بعـضهم ظالمٍ جداً وقاسي

به عقولٍ ناقصه وأخرى رشيده

وبـه أراضي ممطره وأخرى يباسي

هـذي الدنيا مراميها بعـيده

لجــةٍ من غير شطٍ أو مراسي

الشاعره ليلك

وسلامتكم ..

أتمنى تكون أعجبتكم




ود لا ينتهي

صحت ألسنتكم على هذا الأبداع


محاوره جزله و جميله استمتعت بها كثير ..

يعطيك العاافيه ..

الله يعطيك العافيــة


اختيــار جميــل


ربي يســعدك

مجاراة رائعة بما تحمله الكلمة من معنى.....

فسلمت الانامل ويعطيكم العافيه

رو ووعـــــــــــــــــــــــــــــــــــه يعــــــــــــــــــــــــــــــــطيكم العافيــــــــــــــــــــــــــــــــــــــــه من جد استمتعنا بمحاوراتكم الشعريه ننتظر جديدكم المميـــــــــــــــــــــــــــــــــــــــز

مجاراه رائعه

صح السانك شاعرنا المبدع ...


محاوره رائعه وجميييله ...


وعساك دوووم ع القووه ..

ي هلا بكم جميعاً سعدت بمروركم

باقة ورد لأرواحكم

تقديري

استمتعت بقراءه المجاره السابقه

يعطيك العافيه